
OPEN HEAVENS
MATALA LE LAGI MO LE ASO TOFI 19 NOVEMA 2026
(tusia e Pastor EA Adeboye)
Manatu Autu: Alii moni (Real men)
Tauloto Tusi Paia: Roma 5:12 “O lenei, fa‘apei ‘ona o‘o mai o le agasala i le lalolagi i le tagata e to‘atasi, o le oti fo‘i ‘ona o le agasala, ‘ona o‘o mai ai lea o le oti i tagata uma lava, auā ‘ua agasala uma lava;”
Faitauga - Tusi Paia: Kenese 18:6-19
O tane poo alii o le faapogai moni o aiga. I nisi faaupuga, o soo se mea e faataga e se tane i lona olaga e faasolo atu i isi sui o lona aiga. Mo se faataitaiga, i le 2 Tupu 5:20-27, o le matapeapea i le oa na oo atu ai le lepela ia Keasi ma ona suli. I le Tanielu 6:24, o alii na taupulepule e lafo ia Tanielu i le lua o leona, ua lafoina i latou faatasi ma latou aiga i le lua o leona. Tusa pe tetee latou ava i le mea na faia, e lē afaina, aua e faia e tane le soligatulafono, ae afaina ai le aiga atoa. O le mafuaaga lea e tatau ai ona mataala ma faaeteete tane i latou mea e faia.
I le tauloto mai le Tusi Paia o le asō, fai mai o le agasala a le tane e toatasi na oo mai ai i le lalolagi. Peitai a e faitau i le Kenese 3:6-7, e te iloa ai e lē o le tane na agasala muamua ae o le fafine. A e faitau ma le faaeteete i ana afioga, ina ua maea ona agasala le fafine, e na te leiloa o loo lē lavalavā, peitai ina ua maea ona ai le tane i le fua o le laau na faasaina, na pupula faafuasei o la mata. Afai o oe o se tane, e lē tatau ona e faatagaina se mea i fafo o le finagalo o le Atua i totonu o lou fale, tusa pe fautua atu iai lau ava. Afai e finau mai pea ma faia le agasala, e lei oo le faaletonu i le aiga aua e mafai e le alii ona tatalo ma tū i le va mo le faaolataga o lana avā. O le taimi e te faia ai le agasala lena, ua e tatalaina le faitotoa i le tiapolo e tafilisaunoa i lou aiga.
Le au pele e, e le faamatalaina e le Atua tane i auala a le lalolagi. E faamatala e le Atua se tane i le ala e savali ai i le amiotonu, taitai ma le tonu ma tu i le va ma tatalo mo lona aiga. O loo saili le Atua mo tane e latou te taitaiina la latou augatupulaga ia ola i le amiotonu. Peitai, e toatele tane i le asō o loo iai i le fale i le tele o taimi ae matuā leai se faaleagaga i le nofoaga o tatalo. O nisi e malolosi i le galuega ae vaivai i le fata faitaulaga o tatalo. O nisi e matua faamanuiaina i pisinisi ae leaga amio. O tane moni e le gata e latou te tausia o latou aiga, ae taitai latou fanau ma le aiga atoa e auauna i le Atua.
Mo soo se alii o faitauina lenei faamalosiau, ia fesoasoani atu le Atua ia te oe ia e avea ma alii e lelei, i le suafa o Iesu. Afai o oe o se fafine, faamolemole tatalo ma alii i lou aiga aemaise o lou toalua ma lou tamā. Tatalo ia fesoasoani le Atua iai latou e taitai lou aiga i le ala tonu ina ia aua nei faatagaina le amioleaga i totonu o lou aiga. O le asō o le aso faavāomalo o alii. Tatalo e foai pea e le Atua i alii i lou siomaga, le alofa tunoa e taitai ai o latou aiga i le amiotonu, i le suafa o Iesu, Amene,
D'autres épisodes de "Samoan Devotional"



Ne ratez aucun épisode de “Samoan Devotional” et abonnez-vous gratuitement à ce podcast dans l'application GetPodcast.








