Siitia maualuga e le Atua (Divine elevation)

OPEN HEAVENSMATALA LE LAGI MO LE ASO SA 15 NOVEMA 2026(tusia e Pastor EA Adeboye) Manatu Autu: Papatisoina i le afi (Baptised with fire) Tauloto Tusi Paia: Mataio 3:11 “O a‘u nei, ‘ou te papatiso atu ‘iā te ‘outou i le vai ‘ina ‘ia salamō; ‘ae peita‘i o lē mulimuli mai e silisili o ia ‘iā te a‘u, e lē aogā a‘u ‘ona tau‘ave i ona se‘evae; o ia lea na te papatisoina atu ‘iā te ‘outou i le Agaga Pa‘ia ma le afi.”Faitauga - Tusi Paia: Malaki 3:1-4O soo se tagata e fia silasila iai le Atua e na te faaaoga o se ipu aoga e tatau ona papatisoina, e le gata ia Agaga Paia ae faapena foi i le afi. E tele matafaioi a le afi, o se tasi o ia matafaioi o le faamama. I le Isaia 6:5, ina ua iloa e Isaia lona palapalā, na faaaoga e le agelu a le Alii se malala ola e pai i ona laugutu ma faapea, “Fa‘auta, ‘ua papa‘i atu lenei mea i ou laugutu, ‘ua ‘ave‘eseina ai lau amio leaga, ‘ua fa‘amāgaloina fo‘i lau agasala.” (Isaia 6:6-7) Na maua e Isaia le papatisoga i le afi na faamama ia te ia ma faaaogaina o se ipu aogā e tauave le galuega a le Atua. Ae lei auina atu le au aposetolo e talai le talalelei ia Keriso i le lalolagi, na fetalai iai Iesu e faatali mo le papatisoga a le Agaga Paia, e pei ona tatou vaai iai i le Galuega 1:4-5 “Sa fa‘apotopoto fo‘i o i latou ma ia, ‘ona fetalai atu lea o ia ‘iā te i latou, “‘Aua le tu‘ua Ierusalema, a ‘ia fa‘atali i le mea na folafolaina e le Tamā, ‘ua ‘outou fa‘alogo ai ‘iā te a‘u. Auā na papatiso lava Ioane i le vai; a o ‘outou, e papatisoina ‘outou i le Agaga Pa‘ia e lē tele ni aso e vā a‘i.”Na latou usitai i le fetalaiga, ma ua papatisoina i le Agaga Paia ma le afi (Galuega 2). O lenei feiloaiga na faailoga ai le amataga o galuega tetele ua latou faia mo Iesu, amata mai i le lauga a Peteru, na faaaoga e le Atua e faaolaina le 3000 agaga i le aso lava lea. Afai e fia avea oe ma ipu aogā i aao o le Atua, e tatau ona e faataga o ia e  vavaeseina oe ma papatiso i le Agaga Paia ma le afi. Le au pele e, o loo saili pea le Atua mo ipu e mafai ona ia faamamaina i le afi ma faaaogaina i lana tovine. O le faitauga mai le Tusi Paia o le asō e ta’u mai ai iai tatou o le Atua e faaleleia ma faamamaina i latou e auauna ia te ia i le amiotonu. Seiloga lava e faamamaina oe e le Atua i lona afi, e lē mālie lau taulaga i ona luma. O le taulaga i le tulaga lea o lou soifua. O le auro i le faatoa eli mai le palapala e lē matagofie, ae a maea ona faamamaina e le afi, ona taugata loa lea. O le mafuaaga lea e ta’ua ai o se maa taua. Afai e te lē fia tumau o se ipu masani i le tovine a le Atua, ole atu ia te ia e asiasi mai ia te oe ma lona afi. Faataga le afi e aveesea le palapalā mai lou olaga, e lē mafai ai ona e aogā ma taua i fofoga o le Atua. Afai e te manao e fai oe ma ipu aoga mo le Atua, tatalo i le tatalo o le asō ma lou loto atoa. TataloTamā, ua ou sauni, faamolemole, liligi mai lou afi i o matou luga, i le suafa o Iesu, Amene. 

OPEN HEAVENSMATALA LE LAGI MO LE ASO TOONAI 14 NOVEMA 2026(tusia e Pastor EA Adeboye) Manatu Autu: E te manaomia le Agaga Paia (You need the Holy Spirit) Tauloto Tusi Paia: Galuega 1:8 “Ae peita‘i o le a maua e ‘outou le mana, pe ā afio ifo le Agaga Pa‘ia i luga ‘iā te ‘outou; e fai fo‘i ‘outou ma molimau ‘iā te a‘u i Ierusalema ma Iutaia uma lava, ma Samaria, e o‘o lava i le tulu‘iga o le lalolagi.”Faitauga - Tusi Paia: Faamasino 15:12-17, Faamasino 16:16-21O le malosi o le tagata e lē lava e ausia ai le galuega a le Atua. O soo se tagata e taumafai e fai le galuega a le Atua i lona lava malosi e iu ane lava i le fememeai. Fai mai le Sakaria 4:6 “Ua tali mai o ia, ‘ua fai mai ‘iā te a‘u, o lo‘o fa‘apea mai: “O le afioga lenei a le ALI‘I ‘iā Serupapelu, o lo‘o fa‘apea mai: E lē o le fitafita, e lē o le malosi, a o lo‘u Agaga, ‘ua fetalai mai ai le ALI‘I o ‘au.”A iai Agaga Paia i se tagata, o mea faigata ua faigofie. I le Ieremia 1:4-10, na fetalai le Atua ia Ieremia na ia tofia o ia o se perofeta ae lei fanau mai. Peitai na manatu Ieremia e na te faia le galuega a le Atua i lona lava malosi, ua faapea mai o ia, “Auē, le Ali‘i le ATUA, fa‘auta, ‘ou te lē iloa ‘ona tautala, auā o a‘u o le tamaitiiti.” Ona tali ma fetalai ane le Atua, “Aua ‘e te fa‘apea, ‘O a‘u o le tamaitiiti;’ auā o i latou uma ‘ou te ‘auina atu i ai oe, ‘e te alu lava i ai, o mea uma fo‘i ‘ou te fai atu ai ‘iā te oe, ‘e te fai atu ai lava. ‘Aua ‘e te fefe ‘iā te i latou; auā ‘ou te ‘iā te oe e lavea‘i ‘iā te oe;” ‘ua fetalai mai ai le ALI‘I.” Le au pele e, a avatu e le Alii ia te oe se galuega e faia, ia e malolo ma le mautinoa e na te avatu le malosiaga ma punaoa e te manaomia e faatino ai. E pau le mea e tatau ona e faia o le faatuatua ia te ia ma lou loto atoa ae aua le faalagolago i lou lava atamai (Faataoto 3:5). I le faitauga mai le Tusi Paia i le asō, na afio mai Agaga Paia ia Samasoni, ona ia fasiotia lea o tane e afe, na o ia i le auvae o le asini. Peitai mulimuli ane i le Faamasino 16:16-21, o le Samasoni lava e tasi ua saisaitia e Filisitia, ua sali ese ona mata ma ua saisai ini uamea aua ua alu ese Agaga Paia ma ia. Ou te tatalo ia aua lava nei alu ese Agaga Paia ma lou olaga, i le suafa o Iesu. I le tauloto mai le Tusi Paia o le asō, fai mai, a afio mai Agaga Paia i ou luga, e te maua le mana. O le mana o Agaga Paia i totonu ia te oe e avatua ia te oe le malosi e talai le talalelei i tuluiga o le lalolagi. E tatau foi ona e faalagolago ia Agaga Paia mo le malosi, aemaise i le tatalo. Fai mai le Roma 8:26 “E fa‘apea fo‘i le Agaga ‘ona fesoasoani mai i lo tatou vaivai; auā tatou te lē iloa mea tatou te ole atu ai ma le tusa, ‘ae peita‘i o le Agaga, e fautua o ia mo i tatou i lē ōi e lē mafai ‘ona talatalaina.” Ou te tatalo ia afio atu Agaga Paia e faamalosi ia te oe ma avatu le mana e faia ai galuega tetele mo le malo o le Atua, i le suafa o IesuTataloAgaga Paia, ou te manaomia oe i le asō ma aso uma. Faamolemole aumai le mana ia te a’u, i le suafa o Iesu, Amene. 

OPEN HEAVENSMATALA LE LAGI MO LE ASO FARAILE 13 NOVEMA 2026(tusia e Pastor EA Adeboye) Manatu Autu: Toe faatulaga e le Atua 2 (Divine repositioning 2) Tauloto Tusi Paia: Kenese 13:14-15 “Ua fetalai atu fo‘i le ALI‘I, ‘iā Aperamo ‘ina ‘ua te‘a ‘ese‘ese o Lota ma ia: “Se‘i e va‘ava‘ai ia ma ‘ia e iloa atu i le mea ‘e te i ai na, i le itū i matū, ma le itū i saute, sasa‘e, ma sisifo; auā o le lau‘ele‘ele uma ‘ua e iloa atu nei, ‘ou te foa‘iina atu mo oe ma lau fānau e fa‘avauvau.”Faitauga - Tusi Paia: Mataio 17:1-9A oo i le taimi e toe faatulaga ai e le Atua se tagata, e lē tatau ona popole lea tagata i ona fili aua e faitalia le Tupu o tupu ma i latou. I le 1 Tupu 19:1-8, ina ua toe faatulaga e le Atua Elia i luga o le Mauga o Horepa, i le nofoaga na ia toe faatulaga ai Mose,  e lei toe sola ese Elia mai soo se tagata. O le mea moni, o loo faaalia i le 1 Tupu 21:20-24, na ia alu atu ma le loto toa i le tupu o Isaraelu ma logo o ia i le faamasinoga a le Atua. E masani i le Atua ona toe faatulaga tagata ina ia mamao la latou vaai. A e tu i le tumutumu mauga mo se faataitaiga, e mamao atu lau vaai pe a faatusa i le tagata o loo tū i le vanu. Afai na e malaga i se vaalele, e te iloa ai o le maualuga lava e lele ai le vaalele o le mamao foi lena o mea e te iloa atu. I le Kenese 13:14-17, na faailoa manino e le Atua ia Aperaamo, e na te maua mea uma e na te vaai atu iai. Ona ia faatonu lea o ia e aua le tū i le mea e tasi, ae ia savali i le lautele ma le mamao o le laueleele, e na te foai atu ia te ia mea uma e vaai atu iai. E iai taimi, a toe faatulaga e le Atua se tagata, e na te faia ina ia iloa e le tagata e lē o se mea masani. E na te faia ia iloa e le tagata mea uma ua ia saunia mo ia. I le faitauga mai le Tusi Paia o le asō, na afio le Alii ma ave ona soo e toatolu i luga o le mauga na liua ai Iesu ina ia vaai atu i mea e le masani ona vaai iai mata. Na latou vaai atu i le Alii ua liua, ua latou iloa atu foi Mose ma Elia, o e ua maliliu mo le tele o tausaga. Na latou vaai atu i mea e lē mafai e mata faaletino ona iloa atu aua na toe faatulagaina i latou i luga o le mauga. I le Mareko 5:35-43, ina ua finagalo lo tatou Alii o Iesu Keriso e faaali atu ia Peteru, Iakopo ma Ioane pe faapefea ona faatu ē ua oti, na ia toe faatulaga lelei i latou. Ina ua latou taunuu atu i le fale o Iairo,  na ia tuua le toatele i fafo ae faataga le toatolu lea e o atu ma ia i totonu o le fale, na iai ma molimau le au soo e toatele i le faatuina o le afafine o Iairo mai le oti. I le tele tausaga mulimuli ane, i le Galuega 9:36-41, ao sauni atu Peteru e toe faatu mai Toreka mai i le oti, na ia mulimuli i le faataitaiga na faia e Iesu. Le au pele, e finagalo le Atua e faatulaga oe i le tumutumu mauga, ma o lenā faatumutumuga o se nofoaga e fausia ai le mafutaga lelei ma ia. Ua e sauni ea e toe faatulaga oe?TataloTamā, faamolemole toe faatuga lelei a’u ina ia ou vaai ma maua le siitia pea o faamanuiaga mai ia te oe, i le suafa o Iesu, Amene

OPEN HEAVENSMATALA LE LAGI MO LE ASO TOFI 12 NOVEMA 2026(tusia e Pastor EA Adeboye) Manatu Autu: Toe faatulaga e le Atua 1 (Divine repositioning 1) Tauloto Tusi Paia: Iopu 10:12 “Na e foa‘iina mai ‘iā te a‘u le ola ma le alofa, o lou leoleo mai fo‘i na tausia ai lo‘u agaga.”Faitauga - Tusi Paia: Esoto 2:11-23O le toe faatulaga, o lona uiga o le tagata e ese le tulaga sa iai muamua, ae e iai se mea na tupu na aveesea ai o ia mai lea tulaga, ae na toe faafoisia i lona tulaga na iai muamua. E faapea le mea e tupu pe a toe faatulaga se tagata. A finagalo le Atua e toe faatulaga se tagata, e na te aveesea le tulaga na mafua ai na aveesea ma lona tulaga, ae toe faatulaga i se tofiga e maualuga atu. I le faitauga mai le Tusi Paia o le asō, o loo faaalia ai, o Mose na avea ma se tagata na sola ese e lafi ona o se mea na tupu. Na alu atu e vaai le auuso i Aikupito ae ia iloa atu o sauaina se tasi o le auuso e se Aikupito ma ua naunau e fia fesoasoani. Na iu ina ia fasioti i le Aikupito ma ua ia tanumia. O le aso na sosoo ai, na ia iloa atu nisi o le auuso e toalua o tauaimisa ma ia faapea atu, ‘afai o faasaua le fili i se tasi o oulua ou te malamalama. Ae faapefea ona lua tauaimisa lava oulua o se auuso?’ Ona tali mai lea o se tasi oi laua, ‘o ai na faia oe ma faamasino iai matou? E te manao e fasioti au e pei ona e fasioti i le Aikupito ananafi?’ Na oo mai le fefe ia Mose aua ua ia manatu ose mea sa lilo ao lea ua iloa uma e tagata, ona ia sola ese ai lea mai Aikupito ma fai ma tagata maumausolo mo le 40 tausaga, aua na manao Farao e fasioti ia te ia. A toe faatulaga oe e le Atua, o le mea sosoo e te maua o se asiasiga faapitoa mai i le Atua. I le maea ai ona ia sola ese mai ia Farao, na alu Mose i Mitiana ma ua avea ma leoleo mamoe. E iai se aso, na ia ta‘ita‘iina le lafu mamoe i ona tala atu o le vao, ‘ua o‘o atu i le mauga o le Atua, o Horepa. E masani ona ola vao i laueleele gatasi mo lafu manu, o oti ma mamoe, peitai na finagalo le Atua e na te faia se mea fou i le olaga o Mose. Na ia taitai ia te ia i laueleele lafulemu mo lafumanu i luga o le mauga ( Esoto 3:1). Ina ua finagalo le Atua matautia e toe faatulaga Mose, na ia taitai te ia, e agai atu i se mauga mo se feiloaiga ma ia. E faapena foi pe a finagalo le Atua e toe faatulaga oe, e asiasi ma taitai ia te oe i se tulaga e maualuga atu, e te maua le sili atu o lona mamalu ma manino le vaai atu i mea o tutupu. Ou te tatalo ia toe faatulaga oe e le Atua mo le faaeaina i se tulaga maoae ae lei uma lenei tausaga, i le suafa o Iesu, Amene. TataloLe Alii e, a iai se vaega o lou olaga e lē’o ō gatasi ma lou finagalo, faamolemole asiasi mai ia te au ma toe faatulaga ia faaeaina i se tulaga maoae, i le suafa o Iesu, Amene. 

OPEN HEAVENSMATALA LE LAGI MO LE ASO LULU 11 NOVEMA 2026(tusia e Pastor EA Adeboye) Manatu Autu: Tuu ia te Ia e faia oe (Let Him make you) Tauloto Tusi Paia: Faataoto 25:4 “Ia fa‘ate‘a le otaota i le ario, ‘ona maua ai lea o se ipu mo le tufuga fai mea u‘amea;”Faitauga - Tusi Paia: Isaia 6:1-8E iai lava le taimi o le tagata. O le taimi faatulagaina o Iosefa na oo mai i lona 30 tausaga ( Kenese 41:46), e ui na ia miti o le a maualuga lona tulaga mai lona tamaititi ( Kenese 37:5-9). A e faitau i le Kenese 40:1-23, e te iloa ai, e ui i ana mea uma na faia i le falepuipui, na galo i le tagata sa tatau ona fesoasoani ia te ia Iosefa. Peitai ina ua oo i lona taimi, na manatua o ia. E iai le talalelei mo oe, ao e faitau i lenei faamalosiau i le asō, o le taimi e manatua ai oe e le Atua matautia ua oo mai. Na oo mai lava le taimi o Iosefa aua na ia faataga le Atua e faia o ia i le ituaiga ipu e faasaoina tagata ma atunuu. Ana faapea na te tauaveina le loto ita i ona uso ma faataga le loto tigā e puaoa ai lana vaai, e oo mai lava lona taimi, peitai e ono lē saunia lona tagata. Semanu e gata ai lava o Iosefa le fai miti ae lē ausia le tulaga o Iosefa le palemia, pe ana ia le galue ma le Atua. O le taimi i le va o le miti a se tagata ma lona taimi faatulagaina, ou te taua o le taimi e a’otauina ai o ia i le ala. O le vaitau e aveesea ai e le Atua soo se mea e faalavelave ma taofia le susulu atu o lea tagata i lona taimi faatulagaina, ae suia uma faaletonu i amioga lelei. Mo se faataitaiga, e ono aveesea e le Atua le loto ita ma le leai o se onosai i le onosai ma le loto alofa. E na te ono aveesea le manao tele ma le manatu faapito ae suia i le faamaoni ma le faatuatua i lea tagata. A e iloa o loo e iai i le vaitau e saunia ai lou tagata, aua e te tetee atu i le Atua, ae galue ma ia. Faataga o ia e faamama ma aveesea ma oe soo se tulaga faaletonu ina ia avea oe o se ipu matagofie ma aoga. O loo faaalia e le faitauga mai le Tusi Paia o le asō le feiloaiga a Isaia ma le Atua. E ui na alu i luma o le Atua ma le palapalā, e lei alu ese palapalā, na faamamaina. Ina ua sau le serafi ma se malala ola ma tuu i ona laugutu, e lei tetee. Na loto malie e faamamaina o ia e le Alii ma saunia o ia mo leisi laasaga o lona olaga galue. E iai taimi, e lē galue ai le tagata ma le Atua, ma o le mafuaaga lea e taamilomilo solo ai lava mo se taimi umi. Le au pele e, a faaalia atu e le Atua se vaega o lou olaga e tatau ona faaleleia, usitai ma faataga o ia e galue i lena vaega. A e faataga le Atua e galue ia te oe, e na te faia oe o se ipu aogā e mafai ona ia faaaogaina. TataloLe Alii e, ou te usitai ia te oe. Faamolemole ia e faia au ma faamamaina mo lou viiga, i le suafa o Iesu, Amene. 

OPEN HEAVENSMATALA LE LAGI MO LE ASO LUA 10 NOVEMA 2026(tusia e Pastor EA Adeboye) Manatu Autu: E mana’omia e le Atua au punaoa (He needs your resouces) Tauloto Tusi Paia: Malaki 3:10 “Inā ‘aumaia mea e sefulua‘i a ‘outou mea uma lava i le fale e tu‘u ai mea; ‘ina ‘ia i ai mea e ‘ai i lo‘u fale; ma ‘ia ‘outou tofotofo mai ai ‘iā te a‘u i lenei mea, ‘ua fetalai mai ai le ALI‘I o ‘au; pe ‘ou te lē tōina pupuni o le lagi mo ‘outou ma sasa‘a atu le manuia mo ‘outou, ‘ina se‘ia silisili ‘ona tele.”Faitauga - Tusi Paia: 1 Tupu 17:8-16Na tuuina mai e Iesu lona soifua mo i tatou, o lona uiga e tatau ona tatou talia gofie le tuuina atu o tatou punaoa ia te ia. Afai o oe ose afafine/atalii o le Atua, e tatau ona fai lelei sau faaiuga e auauna ia te ia i mea uma o loo ia te oe. Afai o le Atua o le puna o mea uma o loo e maua, e lē tatau la ona taofia se mea mai ia te ia. O le faataitaiga lelei o le Aposetolo o Paulo na malamalama lelei o lona ola ma mea uma ia te ia, e lē o toe ia te ia, ae ua ia Keriso. Na ia faaalia manino lea i le Kalatia 2:20 “‘Ua fa‘asatauroina fa‘atasi i mā‘ua ma Keriso; ‘ou te lē toe ola a‘u, a o Keriso o lo‘o ola i totonu ‘iā te a‘u; o le ola fo‘i ‘ou te ola ai nei i le tino, ‘ou te ola ai lava i le fa‘atuatua i le Alo o le Atua, o lē na alofa mai ‘iā te a‘u, ma foa‘iina mai e ia o ia mo a‘u.”Afai o oe o se atalii/afafine o le Atua, o le ola o loo e soifua ai, e lē o toe ia te oe. Na faatauina oe e Iesu i lona toto, o lona uiga e lē tatau ona iai se mea e telē tele mo oe e te lē tuua atu ia te ia. I le faitauga mai le Tusi Paia o le asō, sa oo atu se oge tele i le nuu, ae na auina atu e le Atua Elia i le fafine ua oti lana tane i Sarefata e tausia o ia i le taimi o le oge. E te ono manatu o se fafine ua oti lana tane o le a auina atu iai Elia e mauoa, ae leai, e tuufaafegai. Sa matua mativa na pau le mea na ia te ia o se toe meaai mo ia ma lana tama, ae na fai iai le Atua e tuu ma Elia. E ui i le lē tagolima, ina ua fai atu Elia e sauni mai sana meaai, na loto malie e na te faia. O lona loto malie ma saunia lelei e lafoai mea uma, na faateleina ai e le Atua mea sa ia te ia. E lē faapea e tau na o le faaaoga e le Atua o tagata e aunoa ma le tauia o i latou. A e tuuina atu ia te ia punaoa o loo ia te oe, e na te faamanuia ia te oe e sili atu i ou manatunatuga. E leai se mea e te foaiina i le Alii e tumau i le mea o iai, e faateleina, ma o le a faamanuiaina nisi ona o oe. O a’u ma la’u avā o se tautinoga ola i lenei upu moni. Le au pele e, a fai atu le Atua ia te oe i au punaoa, ia e faitauina o se avanoa maualuga aua e na te pulea mea uma ( Salamo 24:1). Fai mai le Hakai 2:8 o loo ia te ia le auro ma le ario. E fai mai foi le Salamo 50:10-12, o le lalolagi atoa o ia e ona. Afai o le Atua matautia e ona le lalolagi ma mea uma o iai, e fai atu ia te oe e faaaoga au mea mo lana galuega, o loo ia saunia oe mo faamanuiaga tetele. E lē aitalafu o ia i se tagata, ma o i latou e loto malie e faaaoga a latou punaoa mo ia, e latou te maua le faulai o ana punaoa e tele, i le suafa o Iesu, Amene. 

OPEN HEAVENSMATALA LE LAGI MO LE ASO GAFUA 9 NOVEMA 2026(tusia e Pastor EA Adeboye) Manatu Autu: E mana’omia e le Atua ou vae (He needs your legs) Tauloto Tusi Paia: Roma 10:15 “Pe fa‘apefea fo‘i ‘ona latou tala‘i atu, pe ‘āfai ‘ua lē ‘a‘auina atu i latou? Pei ‘ona tusia, “E matagofie na‘uā o latou vae o ē ‘aumai le tala lelei i le manuia.”Faitauga - Tusi Paia: Mataio 28:18-20E manaomia e le Atua vae o kerisiano faatuatua ina ia talai atu le talalelei i le lalolagi atoa. I le faitauga mai le Tusi Paia o le asō, o le poloaiga a Iesu e faapea, ‘o lenei, ia outou o atu..’. O fanau moni a le Atua, e lē na o le nofonofo i latou nofoaga saogalemu ma le mafanafana ma faapea, e na o le pau lava lea o le mea e mafai ona latou faia e auauna ai i le Atua. Afai o oe o se tagata galue i lau ekalesia, o se tulaga lelei, peitai o lou tulaga mafanafana lena. Ua e alu ea i se galuega talai muamua? Ua e faasoa atu ea le talalelei i pagota? Ua e asiasi atu ea i se nofoaga o nonofo ai tamaiti matua oti ma faasoa atu iai le alofa o le Atua? Ua e asiasi atu ea i vaega matitiva o le atunuu ma talai atu le talalelei iai latou e vaivai le tamaoaiga ma lē tauoloa? Afai o lau tali o le ioe i fesili uma nei, e mafai ona ou fesili atu poo anafea na gata ai, pe faafia foi ona e faia? E manaomia e le Atua ou vae e avatu o ia i nei nofoaga ma fesoasoani e tatai mai tagata ia te ia. Fai mai le Roma 1:16 “Auā ‘ou te lē mā i le tala lelei ‘iā Keriso; auā o le mana lava lea o le Atua e ola ai i latou uma o ē fa‘atuatua, e muamua le Iutaia, ‘atoa ma le Eleni.”O loo faamatala e le Ioane 4:5-29, le tala i le fafine Samaria na feiloai ma Iesu i le vaieli. Ina ua maea ona faasoa atu iai e Iesu le talalelei o le faaolataga, fai mai le Tusi Paia na alu atu o ia i le taulaga ma talai atu i tagata uma e faapea, “Inā ō mai ia; ‘inā va‘ai i le tagata ‘ua ta‘u mai e ia ‘iā te a‘u o mea uma lava ‘ua ‘ou faia; pe lē o le Keriso ‘ea lea?” Na ia faaaogaina lelei ona vae i le taimi lava lea ma talai atu le talalelei. E finagalo le Atua e te faia faapea, o ou vae e tatau ona talai atu le talalelei. Ou te manatua se tamā matua na ma feiloai i Papua New Guinea ua faatumuina i le olioli ina ua ia faalogo i le talalelei. Na maligi ona loimata i le fiafia, uu lou lima ma faapea mai, ‘faafetai mo lou malaga mamao mai e faasoa mai ia te au le olioli o le faaolataga’. E leai se tulaga e sili atu ona malie ai le loto i lo le tagata ua ia maua le lagi ma ua faasaoina mai seoli. Fai mai le Tusi Paia e olioli le lagi i le tagata agasala e toatasi e salamo (Luka 15:7). Le au pele e, e finagalo le Atua e faaaoga ou vae e talai atu ai le olioli o le faaolataga iai latou o loo i le pogisa. Fai mai le Galuega 13:47 “Auā ‘ua fa‘apea ‘ona poloa‘i mai o le Ali‘i ‘iā te i matou, ‘‘Ua ‘ou tofia oe e fai ma malamalama o nu‘u ‘ese, ‘ina ‘ia ‘avea oe ma fa‘aolataga e o‘o i le tulu‘iga o le lalolagi.”, i le suafa o Iesu, Amene. 

OPEN HEAVENSMATALA LE LAGI MO LE ASO SA 8 NOVEMA 2026(tusia e Pastor EA Adeboye) Manatu Autu: E mana’omia e le Atua lou fofoga (He needs your mouth) Tauloto Tusi Paia: Roma 10:14 “O lenei, pe fa‘apefea ‘ona latou vala‘au atu i lē ‘ua latou lē fa‘atuatua i ai? Pe fa‘apefea fo‘i ‘ona latou fa‘atuatua i lē ‘ua latou lē fa‘alogo atu i ai? Pe fa‘apefea fo‘i ‘ona latou fa‘alogo atu, pe ā leai se tala‘i atu?”Faitauga - Tusi Paia: Mareko 16:14-17E finagalo le Atua ia faalogo le lalolagi atoa ia te ia. E finagalo i tagata lē faatuatua ia fanaufouina ma ia latou maua lona alofa (1 Timoteo 2:3-4). Peitai, e na te lē laugaina ni lauga, o lona uiga, e na te manaomia tagata e o atu i le lalolagi ma talai le talalelei. I le Galuega 9:4-5, sa agai atu Paulo i Tamaseko ona ia fetaiai lea ma Iesu. Peitai, na manaomia e Iesu se tagata e talai le talalelei ia Paulo ma taitaia o ia ia faaolaina, o lea na ia fesootai atu ia Anania i se faaaliga ma faatonu i le nofoaga e feiloai ai ma Paulo ( Galuega 9:10-11). O le tauloto mai le Tusi Paia o le asō fai mai e lē mafai e tagata ona faalogo i le talalelei pe talitonu ia Iesu Keriso seiloga e lauga pe talai atu se tagata iai latou. Na valaau Iesu i tagata uma o mulimuli ia te ia e talai le talalelei (Mataio 28:19-20), o lona uiga e leai se mafuaaga tatau e te lē talai ai. Fai mai le Ieremia 1:7 “‘Ona fetalai mai ai lea o le ALI‘I ‘iā te a‘u, “‘Aua ‘e te fa‘apea, ‘O a‘u o le tamaitiiti;’ auā o i latou uma ‘ou te ‘auina atu i ai oe, ‘e te alu lava i ai, o mea uma fo‘i ‘ou te fai atu ai ‘iā te oe, ‘e te fai atu ai lava.” E manaomia e le Alii oe e faaaoga lou fofoga e faailoa atu ai o ia i le lalolagi. E manaomia foi e le Alii oe e faaaoga lou fofoga e faamalolo ai ē mamai ma tutuli temoni. I le Mataio 10:8, fai mai le Tusi Paia, “‘Ia ‘outou fa‘amālōlō i ē mama‘i, fa‘amamā lepela, fa‘atutū i ē ‘ua oti, tutuli i temoni. ‘Ua maua fua ‘outou, ‘ia ‘outou foa‘ifuaina atu.” E na te manaomia foi lou fofoga e te tatalo ma tu i le va mo lou atunuu. I le Esekielu 22:30, na fetalai le Atua, Na ‘ou sā‘ili ‘iā te i latou se tagata na te atia‘eina le pā ma tu i le mea ‘ua lepetia i o‘u luma mo le nu‘u, ‘ina ‘ia ‘ou le fa‘aumatia ai; ‘ae ‘ou te le‘i maua lava.” Ou te tatalo ia aua nei misia oe pe a saili le Atua i se tagata e tu ma tatalo mo lou atunuu. E manaomia e le Atua lou fofoga e vivii ai ia te ia. O loo faatonu mai tatou e le Eperu 13:15 e avatu taulaga o viiga i le Atua ia faifaipea. I le Luka 19:35-40, ina ua ulufale atu Iesu i Ierusalema i se asini. O le motu o tagata ma ona soo ua amata ona vivii ma fai pesega i le Atua ma le leotele ona o galuega matautia ua latou vaai iai. Ua latou folafola i o latou gutu, “Ia manuia le tupu o lo‘o maliu mai i le suafa o le Ali‘i; o le manuia i le lagi, o le vi‘iga fo‘i i mea aupitoaluga.” Ina ua fai atu le au faresaio ia Iesu e taofi tagata mai le faia o viiga, ae tali atu iai Iesu, a mumusu tagata e vivii ia te ia, e vivii vave mai ia maa. Ou te tatalo ia aua nei suia e maa oe i le faia o viiga i le Atua, i le suafa o Iesu. E manaomia e le Atua lou fofoga e faataunuuina ai lona finagalo i le lalolagi, i le suafa o Iesu, Amene. 

OPEN HEAVENSMATALA LE LAGI MO LE ASO TOONAI 7 NOVEMA 2026(tusia e Pastor EA Adeboye) Manatu Autu: E mana’omia e le Atua ou lima (He needs your hands) Tauloto Tusi Paia: Iopu 17:9 “O lē ‘ua amiotonu e tumau pea o ia i lona ala, o ia fo‘i ‘ua mamā ona lima e fa‘aopoopoina pea lona malosi.”Faitauga - Tusi Paia: Salamo 24:1-5 So’o se taimi e finagalo ai le Atua e fai ni faailoga ma vavega i le fogaeleele, na te sailia nisi e mafai ona ia fa’aaogaina. O lana masani e silasila i le tagata e faaavanoa lona taimi mo ia ina ia faataunuuina ai lona finagalo i le lalolagi. O se tasi o galuega e fiafia le Atua e fai o le faamalōlō o e mama’i, ma e masani ona ia faia e ala i lima o i latou ua loto atoatoa ia te ia. Afai o oe o se atalii / afafine o le Atua, e mana’omia e ia ou lima e fa’amālōlō ai e mama’i. Fai mai le Mareko 16:18; e fa‘ae‘e atu fo‘i o latou lima i luga o ē mama‘i, ma fa‘amālōlōina i latou.” Ioe, e mafai ona faamalolo e le Atua le tagata e aunoa ma le fa’aaogāina o se isi peita’i o le tele lava e finagalo o ia e faaaoga lima o lana fanau e fai ai ana galuega mamana. Fai mai le Galuega 19:11. “Ua faia fo’i e le Atua vavega sili i lima o Paulo”. I le upu mai le Tusi Paia ua taua i luga, o le Atua o ia na faia vavega tetele peita’i na ia manaomia lima o Paulo e faataunuu ai. Afai e ofoina atu ou lima I le Atua, o le a ia fa’aaogāina fo’i e fai ai vavega. Peita’i ina ia faaaoga e le Atua ou lima e tatau ona mamā. Ua ta’u mai e le Tusi Paia faitau o le asō ia i tatou le uiga o le mamā o lima. A mama ou lima e lē naunau lou loto I le mea faatauvaa pe tautō fa’a’ole’ole. O tagata e pipii o latou loto i mea faatauva’a e ola fo’i na o fiafiaga o le lalolagi. O I latou nei, latou te faia soosemea tau lava ia maua o latou mana’o ma, fai mai Faataoto 28:10; o le ua faataalise ona mauoa e lē fa’asaoina o ia. E le gata i lea o ē tautō fa’a’ole’ole e lē fa’atuatuaina i latou ma e lē fa’aaogaina e le Atua o latou lima mo lana galuega. Le au pele e, afai e te mana’o e fa’aaogā e le Atua ou lima, ua tatau ona e sauni e ola e tusa ma ana poloaiga. Fai mai la tatou upu tauloto mai le Tusi Paia o le asō o e ua mama ona lima e fa’aopoopoina pea lona malosi. A mama ou lima o le a avea oe ma ipu aoga i aao o le Atua. E tatau fo’i ona ia te oe se loto e mamā (Mataio 5:8) ma le loto malie e faia soosemea e fetalai mai ai ia te oe, pe faigofie pe faigatā (Ioane 2:5). Fai mai 2 Timoteo 2:19 “‘Ae ui lava i lea o le fa‘avae mau o le Atua e tu lava lea, o lo‘o i ai lenei fa‘ailoga, “‘Ua silafia e le Ali‘i ona lava tagata;” ‘atoa ma lea, “‘Ia ō ‘ese i le amio leaga i latou uma o ē ta‘uta‘u le suafa o le Ali‘i.”E manaomia e le Atua ou lima peita’i fa’ato’ā ia fa’aaogā ou lima pe afai e mamā i latou ma leai se pona. Afai e te mana’o e avea oe ma ipu aogā i aao o le Atua e ao ona mamā ou lima. I le suafa o Iesu, Amene.

OPEN HEAVENSMATALA LE LAGI MO LE ASO FARAILE 6 NOVEMA 2026(tusia e Pastor EA Adeboye) Manatu Autu: Tatalo faafetai (Prayer of thanksgiving) Tauloto Tusi Paia: Iakopo 1:17 “o mea lelei uma e foa‘ifuaina mai, ‘atoa ma mea alofa uma e ‘ato‘atoa ‘ona lelei, mai lugā lava ia, e alu ifo mai le Tamā o malamalama, e lē o ‘iā te ia se mea fa‘alētumau po o sina liliu itiiti.”Faitauga - Tusi Paia: Kolose 3:15-17TataloTamā, ou te faafetai ia te oe mo le meaalofa o le ola. Faafetai mo le faauuina o o’u aso i lou alofa tunoa ma le alofa mutimutivale. Tamā, faafetai i lau tausiga ia te au ma foai mai mea uma ou te manaomia e tusa ma le faulai o lou mamalu. Faafetai mo le avea o oe ma ou leoleomamoe lelei ma faamautinoaina e leai se mea ou te mativa ai. Le Alii e, ou te faafetai mo lau puipuiga. Faafetai mo le puipui pea ia te au mai u fanafana e felelei i le ao ma faamai e savavali i le pogisa. Tamā, ou te faafetai mo le meaalofa o lou aiga, ekalesia ma le nuu. Ou te faafetai ia te oe mo mafutaga matagofie ma aogā ua e faamanuia ai ia te a’u. Tamā, ou te faafetai ona o ou manatu ia te a’u. Ou te faafetai aua ua faamautuina lo’u lumanai ona o lou agalelei. Le Alii e, faafetai mo le meaalofa o lau upu ma Agaga Paia. Faafetai mo lou siomia o au e ‘au agelu ma foai mai ia te au o mea uma e tau i le ola ma le amio Atua. Tamā, ou te faafetai ia te oe mo le faamagaloina o au agasala. Faafetai mo le faaali mai o lou alofa mutimutivale ma le toe faafouina o au ia te oe i soo se taimi ou te paū ai ma le au i lou mamalu ma le alofa tunoa. Le Alii e, ou te faafetai i lou alofa tunoa e mafai ai ona tatala avanoa, e aoaoina ai au ia ou ola i se olaga amio Atua ma le amiotonu. Faafetai mo le manumalo i le agasala. Le Alii e, faafetai mo au meaalofa i lou olaga. Faafetai mo le galuega a ou lima ma lou saunia o mea uma ou te manaomia e tusa ma le faulai o lou mamalu e ala ia Iesu Keriso. Tamā, ou te faafetai i lou tali mai ia matou tatalo. Faafetai mo lou mafuta mai pea ia te au ma faafofoga mai ia matou talotaloga. Tamā, ou te faafetai ia te oe mo lau Ekalesia. Faafetai i lou faamanuia mai ia te au o fua eseese o le Agaga, o tulaga e faaali mai e lou Agaga e faapoto ai, e faatupu ai, o mea lelei uma e foa‘ifuaina mai, ‘atoa ma mea alofa uma e ‘ato‘atoa ‘ona lelei,Tamā, faafetai mo lenei masina, o faamanuiaga uma ua e saunia, o le mamalu ma le faaeaina ua e folafola i matou. Faafetai lo matou Atua i lou alofa ma lou agalelei ia tei matou, le suafa o Iesu, amene