LIVE In The Filipino Life - Kumusta ang Buhay-Buhay? w/ Victor Anastacio

After years of public clamor (wow, clamor?!), finally—The Linya-Linya Show recorded its first-ever live podcast episode with an audience sa Linya-Linya HQ! Sobrang saya dahil dumating ang OG Fellow-22s, mga bagong Ka-Linya, at dahil may Guevarra’s at Dolor’s Kakanin pa—kumpleto ang Pinoy fiesta at salo-salo!For our first live episode, nagkumustahan kami ni Victor Anastacio tungkol sa buhay-buhay at love life: ako, sa desisyong magkaroon ng anak at paghahanda maging tatay; si Vic naman, sa desisyong magpa-vasectomy. At dahil walang kumpletong Pinoy gathering kung walang karaoke, ang simpleng kuwentuhan ay nauwi sa kantahan—mula 90s R&B hanggang OPM, gamit ang lyrics ng mga kantang parang alam na alam ang mga pinagdadaanan namin tungkol sa larangan ng pag-ibig, relationships, pagbabago, pagkakamali, pagpapatawad, at pagiging ordinaryong tao lang trying to figure things out.Kuwentuhan, kantahan, tawanan, at maraming kalokohan—live, with the people who’ve been listening and laughing with us through the years.Maraming salamat sa lahat ng pumunta at naging parte ng first-ever TLLS live recording. Sana maulit! 💛Listen up live, yo!

Kasama natin sa The Linya-Linya Show si Mikael de Lara Co—poet, translator, editor, speechwriter, communications expert, apat na beses na Palanca awardee, at Palanca Hall of Famer.Si Kael ang isa sa heads ng speechwriters group ni Pangulong Benigno Aquino III at isa sa mga dahilan kung bakit ako nagkaroon ng pagkakataong makapasok sa gobyerno. Malaki ang naging impluwensya niya sa akin bilang manunulat, isang creative, at bilang tao. Mentor ko siya. Ninong pa namin ni Reich sa kasal.Sa episode na ito, pinag-usapan namin ang kanyang pinakabagong libro at koleksyon ng mga tula, Epistolaryo ng Bagamundo at ang Tugon ng Multo; ang proseso ng pagsusulat, pagkakapareho at pagkakaiba sa iba’t ibang forms na kanyang ginagamit o ginagalawan; tungkol sa grief; kung paano nagbabago ang pagtingin natin sa buhay habang tumatanda.May mahalagang puwang sa puso ko ang episode na ito.Listen up, yo.

Muli nating nakasama sa BARA-BARA—ang podcast series ng Linya-Linya at FlipTop—si M Zhayt matapos ang sunod-sunod na halimaw na performances sa FlipTop at ang viral nilang battle ni Plaridhel.Napag-usapan namin ang Zoning 22, ang laban nila ni Saint Ice (kasama ang biglaang Round 4 Grab Bag Freestyle!), ang proseso ng pagbabago ng pananaw, ang halaga ng paninindigan, at kung bakit patuloy pa rin siyang bumoboses sa pamamagitan ng battle rap.Napagkuwentuhan din namin ang Motus Battle League, ang Next Episode—ang bago niyang podcast—at ang legacy na gusto niyang iwan sa battle rap.Iba talaga 'pag M Zhayt. Hindi nauubusan at laging malaman. Listen up, yo.

Earlier this year, nagkaroon ng pagkakataon ang The Linya-Linya Show, kasama ang Spotify at The Pod Network, na suportahan ang Balitang Bata Podcast ng AHA Learning Center sa pamamagitan ng podcast equipment at workshop.Ngayon, sila naman ang nasa kabilang side ng mikropono.Kasama natin sina Miracle at Althea—dalawa sa mga Batang Bidas ng AHA Learning Center at hosts ng Balitang Bata Podcast—para pag-usapan kung ano ang hitsura ng paglaki sa panahon ng internet, social media, at AI.Paano ginagamit ng kabataan ang internet para matuto, makipag-usap, lumikha, at magpahayag? Ano ang mga hamon na kinahaharap nila online—mula sa fake news at cyberbullying hanggang sa pressure ng social media? At paano sila natututong maging responsable, mapanuri, at mabuting digital citizens?Isang masaya, magaan, at tapat na usapan tungkol sa kabataan, connectivity, at sa mga boses na dapat nating pakinggan.Para sa reliable na connection, check out DITO Home WoWFi Pro here:https://eshop.dito.ph/web/product/detail/284?campaignId=1033&distributorId=1120&cmpType=7This episode is Powered by DITO. Visit dito.ph to learn more.

Dekada nang dinodokumento ng music photographer na si Niña Sandejas ang ilan sa pinakamahahalagang artists, banda, gigs, at eksena sa Filipino music at art. Pero para sa kanya, hindi lang ito tungkol sa pagkuha ng magagandang litrato—tungkol ito sa pagdodokumento ng kasaysayan at pagpreserba ng kultura.Sa episode na ito ng The Linya-Linya Show, pinag-usapan namin ang kanyang buhay at trabaho bilang music photographer, ang halaga ng documentation, at ang pagtatayo niya ng sariling publishing house na alt164. Kinuwento rin niya ang realities ng pag-publish ng sariling libro, at kung bakit mahalagang magkaroon tayo ng mga aklat at archives na nagkukuwento ng visual history ng Filipino music.At siyempre, pinag-usapan namin ang kanyang Greyhoundz book—at kung paano ang pagsuporta sa isang libro ay nakakatulong din para makagawa pa ng mas maraming libro tungkol sa iba’t ibang artists, photographers, at eksena sa Pilipinas.Isang insightful na kuwentuhan tungkol sa photography, publishing, music, history, at kung bakit mahalagang idokumento at pangalagaan ang kulturang binubuo at isinasabuhay natin ngayon.Listen up, yo.

Pagkapanalo ni GL bilang 2024 FlipTop Isabuhay Champion, kinabukasan, dumiretso siya sa Bara-Bara podcast. Mahigit isang taon ang lumipas, at ang dami nang nadagdag sa kanyang kuwento.Sunod-sunod ang naging battles niya noong 2025—laban kay Emar Industriya at kay Ice Water (bilang Sinagtala), dalawang classic na laban ulit sa iisang gabi laban kina Hazky at Ruffian, ang Royal Rumble, at ang instant classic nila ni Poison 13. Ngayong 2026 naman, nai-launch na ang kanyang ikatlong poetry chapbook-- Glimpses-- habang tuloy-tuloy rin ang kanyang paglikha ng musika, ng panitikan, at pag-battle. Sa episode na ito, bumabad kami para pag-usapan ang kanyang explosive post-Isabuhay run. Hiningi ko rin ang thoughts niya sa napakainit na Langit Lupa, Write Off Way, at sa emerging emcees. Pinasadahan din namin ang kanyang lumalaking community, ang pagpublish ng libro, ang magkakaiba nguni’t magkakapareho ring mundo ng battle rap, musika, at tula, at kung ano pa ang susunod sa kanyang patuloy na pag-ascend bilang artist.Solid na kuwentuhan tungkol sa battle rap, creative writing, community-building, at sa thought process ng isa sa pinakamahuhusay na manunulat ng kanyang henerasyon.Listen up, yo.

Mula Trentahin, tatawid din papuntang Kwarentahin. Aray ko po!Sa edad na 'to, bukod sa sakit ng ulo sa dami ng inaalala sa buhay, matindi na rin ang sakit ng likod at katawan, habang ramdam na ramdam na ang pagtanda. Pero kumusta nga ba ang buhay late 30's, patawid ng early 40's? Ngayong mas marami nang karanasan at kaalaman, mga pagkakamali na hopefully ay nagawa nang matutuhan, paano nga ba i-navigate ang era na ito?Kasama ulit natin sina teacher Sabrina Ongkiko at Jaton Zulueta sa isa na namang masaya at makabuluhang episode ng Turo-Turo, dito lang sa The Linya-Linya Show!Trentahins and Kwarentahins unite-- listen up yo!

Noong huli nating nakasama si Prof. Louie Jon Sanchez sa The Linya-Linya Show, napagkwentuhan namin ang teleserye, Pinoy drama, at ang mga kuwentong kinahuhumalingan nating mga Pilipino.Sa kanyang pagbabalik, ibang kuwento naman ang kanyang dala.Kasama natin ang makata, literary critic, at UP Diliman professor para pag-usapan ang kanyang cancer journey, kung paano nito binago ang kanyang pananampalataya, pagsusulat, pagtuturo, at pagtingin sa buhay. Napag-usapan din namin kung bakit, para sa kanya, “the teleserye or melodramatic imagination saved me,” at kung paano nagiging tahanan ng pag-asa ang mga kuwento sa gitna ng kawalang-katiyakan.Isang tapat, magaan, at makabuluhang usapan tungkol sa sakit, sining, pag-asa, pananampalataya, at sa paniniwalang—gaano man kahirap ang kasalukuyan—may susunod pang kabanata.Pakinggan ang buong episode ng The Linya-Linya Show, available na sa Spotify, YouTube, at iba pang podcast platforms.

Sa episode na ito ng Bara-Bara, nakasama natin si Ilaya— emcee, songwriter, at isa sa mga pinakamatagal nang boses ng conscious hip hop sa Pilipinas.Napag-usapan namin ang kanyang paglalakbay mula Taguig hanggang Rizal, ang pagpasok niya sa mundo ng hip hop, at ang mga impluwensyang humubog sa kanya bilang artist. Nagkuwentuhan din kami tungkol sa grupo niyang Uprising, at kung paano niya ginagamit ang musika at pagsusulat para magkuwento, magtanong, at makilahok sa mas malalaking usaping panlipunan.Syempre, napunta rin ang usapan sa FlipTop— ang kanyang battle rap journey, creative process, judging philosophy, at ang papel ng originality sa sining.Pero higit sa lahat, naging usapan ito tungkol sa pagharap sa mga nangyayari sa lipunan— sa galit, sa dismaya, sa pakiramdam na tila walang nagbabago, at sa tanong kung paano pa ba tayo patuloy na makikialam. Sa huli, bumalik pa rin kami sa sining, creativity, at sa kahalagahan ng patuloy na bumoses habang may natitira pang lakas at pakialam.Samahan n'yo kami ni Ilaya sa solid na kuwentuhang ito.Listen up, yo.

Ano ba talaga ang ibig sabihin ng pagiging malikhain?Sa episode na ito ng The Linya-Linya Show, kasama natin ang world-renowned artist, designer, at creator ng TEQ63 na si Quiccs Maiquez. Mula sa graffiti at street culture hanggang sa designer toys na kinokolekta sa iba’t ibang panig ng mundo, kuwentuhan tayo tungkol sa pagbuo ng isang creative career na sabay na may artistic vision at business sense.Napag-usapan namin ang pinagmulan ng kanyang creative journey, ang pag-usbong ng local art at toy scene, kung paano nagtatagpo ang creativity at commerce, ang halaga ng collaboration, at kung bakit mahalagang manatiling malikhain sa panahon ngayon.Kasama rin ang kuwento sa likod ng Linya-Linya x Quiccs collaboration, ang kultura ng pagkolekta, at kung bakit ang mga bagay na pinipili nating ipunin ay madalas nagsasabi rin ng kuwento tungkol sa atin.Isang episode para sa mga artist, designer, entrepreneur, collector, at sa lahat ng gustong gumawa ng mga bagay na may saysay.