424: Ano’ng kwento, Direk? w/ Jerrold Tarog

Papasa na yatang full-length film—umabot nang mahigit tatlong oras ang naging kuwentuhan namin ni Direk Jerrold Tarog sa The Linya-Linya Show. 😅Napag-usapan namin ang curiosity, ang saya ng pagiging weird, geek at nerdy, experimentation, at kung paano nabubuo ang isang pelikula sa tulong ng buong village ng creatives behind the scenes. Pinag-usapan din namin ang directing bilang collaboration, hindi dictatorship; AI sa film industry; ang halaga ng daydreaming at pagtunganga; pagbabalik-tanaw sa kasaysayan; at kung paano i-navigate ang social media, negative comments, bash at hate.Pero higit sa filmmaking, napunta rin ang usapan sa mas malalaking tanong tungkol sa pagiging creative, pagiging mabuting tao, at kung ano ba talaga ang halaga ng mga kuwentong pinipili nating gawin at ipamana.Sakto ngayong Philippine Film Industry Month, at bahagi rin ng Linya-Linya × Directors’ Guild of the Philippines, Inc. collaboration.Maraming salamat kay Direk Jerrold sa pagiging open, humble, at generous sa pagbahagi ng thoughts, process, knowledge, at mga pangarap niya para sa Philippine cinema.Pakinggan ang buong episode ng The Linya-Linya Show.Listen up, yo!

Kung di niyo pa nababalitaan, pregnant ang wife kong si Reich— and expecting kami to welcome our baby this year! 💛Sobrang laking blessing nito para sa amin, lalo’t pinagdasal at talagang pinlano naming magkaroon ng anak. Pero siyempre, bagong phase din ito ng buhay namin bilang mag-asawa: may kaba at pangamba, pero lamang ang excitement at saya, at maraming bagay na ngayon pa lang namin natututuhan.Sa totoo lang, hindi namin alam kung paano gagawin ang gender reveal. Ayaw rin sana naming gumastos nang malaki dahil mas gusto naming mag-ipon para sa panganganak ni Reich at sa pagdating ni baby.Kaya… ano pa nga ba? Ginawan na lang naming podcast episode! 😅Note lang: Pumasok kami sa recording nang hindi alam kung girl nga ba o boy ang baby. Sister lang ni Reich ang nakakaalam, at nagpagawa kami ng cake na ang kulay sa loob ang magre-reveal ng sagot.So… girl nga ba o boy?Alamin sa isa sa pinaka-special na episodes ng The Linya-Linya Show— kasama sa kwentuhan namin ni Reich ang tungkol sa journey ng pregnancy so far, sa mga kaba at saya, at sa unti-unti naming paghahanda para sa bago naming buhay bilang parents. Yun o!Listen up, yo!

Still LIVE in the Filipino Life!Sa live episode na ito with Victor Anastacio at the Linya-Linya HQ, pinag-usapan namin ang isang tanong na mahirap sagutin pero lalong relevant ngayon: Bakit ka mananatili sa Pilipinas? At bakit ka aalis?Sa dami ng nangyayari sa bansa at sa mundo, nagkwentuhan kami tungkol sa mga dahilan para manatili, mga dahilan para maghanap ng buhay sa ibang lugar, at kung ano nga ba ang hinahanap natin kapag pinag-iisipan natin kung saan natin gustong bumuo ng buhay.Mahirap, personal, at walang simpleng sagot. Pero kailangang pag-usapan.Livin’ the Filipino Life with Victor Anastacio. Listen up, yo!

After years of public clamor (wow, clamor?!), finally—The Linya-Linya Show recorded its first-ever live podcast episode with an audience sa Linya-Linya HQ! Sobrang saya dahil dumating ang OG Fellow-22s, mga bagong Ka-Linya, at dahil may Guevarra’s at Dolor’s Kakanin pa—kumpleto ang Pinoy fiesta at salo-salo!For our first live episode, nagkumustahan kami ni Victor Anastacio tungkol sa buhay-buhay at love life: ako, sa desisyong magkaroon ng anak at paghahanda maging tatay; si Vic naman, sa desisyong magpa-vasectomy. At dahil walang kumpletong Pinoy gathering kung walang karaoke, ang simpleng kuwentuhan ay nauwi sa kantahan—mula 90s R&B hanggang OPM, gamit ang lyrics ng mga kantang parang alam na alam ang mga pinagdadaanan namin tungkol sa larangan ng pag-ibig, relationships, pagbabago, pagkakamali, pagpapatawad, at pagiging ordinaryong tao lang trying to figure things out.Kuwentuhan, kantahan, tawanan, at maraming kalokohan—live, with the people who’ve been listening and laughing with us through the years.Maraming salamat sa lahat ng pumunta at naging parte ng first-ever TLLS live recording. Sana maulit! 💛Listen up live, yo!

Kasama natin sa The Linya-Linya Show si Mikael de Lara Co—poet, translator, editor, speechwriter, communications expert, apat na beses na Palanca awardee, at Palanca Hall of Famer.Si Kael ang isa sa heads ng speechwriters group ni Pangulong Benigno Aquino III at isa sa mga dahilan kung bakit ako nagkaroon ng pagkakataong makapasok sa gobyerno. Malaki ang naging impluwensya niya sa akin bilang manunulat, isang creative, at bilang tao. Mentor ko siya. Ninong pa namin ni Reich sa kasal.Sa episode na ito, pinag-usapan namin ang kanyang pinakabagong libro at koleksyon ng mga tula, Epistolaryo ng Bagamundo at ang Tugon ng Multo; ang proseso ng pagsusulat, pagkakapareho at pagkakaiba sa iba’t ibang forms na kanyang ginagamit o ginagalawan; tungkol sa grief; kung paano nagbabago ang pagtingin natin sa buhay habang tumatanda.May mahalagang puwang sa puso ko ang episode na ito.Listen up, yo.

Muli nating nakasama sa BARA-BARA—ang podcast series ng Linya-Linya at FlipTop—si M Zhayt matapos ang sunod-sunod na halimaw na performances sa FlipTop at ang viral nilang battle ni Plaridhel.Napag-usapan namin ang Zoning 22, ang laban nila ni Saint Ice (kasama ang biglaang Round 4 Grab Bag Freestyle!), ang proseso ng pagbabago ng pananaw, ang halaga ng paninindigan, at kung bakit patuloy pa rin siyang bumoboses sa pamamagitan ng battle rap.Napagkuwentuhan din namin ang Motus Battle League, ang Next Episode—ang bago niyang podcast—at ang legacy na gusto niyang iwan sa battle rap.Iba talaga 'pag M Zhayt. Hindi nauubusan at laging malaman. Listen up, yo.

Earlier this year, nagkaroon ng pagkakataon ang The Linya-Linya Show, kasama ang Spotify at The Pod Network, na suportahan ang Balitang Bata Podcast ng AHA Learning Center sa pamamagitan ng podcast equipment at workshop.Ngayon, sila naman ang nasa kabilang side ng mikropono.Kasama natin sina Miracle at Althea—dalawa sa mga Batang Bidas ng AHA Learning Center at hosts ng Balitang Bata Podcast—para pag-usapan kung ano ang hitsura ng paglaki sa panahon ng internet, social media, at AI.Paano ginagamit ng kabataan ang internet para matuto, makipag-usap, lumikha, at magpahayag? Ano ang mga hamon na kinahaharap nila online—mula sa fake news at cyberbullying hanggang sa pressure ng social media? At paano sila natututong maging responsable, mapanuri, at mabuting digital citizens?Isang masaya, magaan, at tapat na usapan tungkol sa kabataan, connectivity, at sa mga boses na dapat nating pakinggan.Para sa reliable na connection, check out DITO Home WoWFi Pro here:https://eshop.dito.ph/web/product/detail/284?campaignId=1033&distributorId=1120&cmpType=7This episode is Powered by DITO. Visit dito.ph to learn more.

Dekada nang dinodokumento ng music photographer na si Niña Sandejas ang ilan sa pinakamahahalagang artists, banda, gigs, at eksena sa Filipino music at art. Pero para sa kanya, hindi lang ito tungkol sa pagkuha ng magagandang litrato—tungkol ito sa pagdodokumento ng kasaysayan at pagpreserba ng kultura.Sa episode na ito ng The Linya-Linya Show, pinag-usapan namin ang kanyang buhay at trabaho bilang music photographer, ang halaga ng documentation, at ang pagtatayo niya ng sariling publishing house na alt164. Kinuwento rin niya ang realities ng pag-publish ng sariling libro, at kung bakit mahalagang magkaroon tayo ng mga aklat at archives na nagkukuwento ng visual history ng Filipino music.At siyempre, pinag-usapan namin ang kanyang Greyhoundz book—at kung paano ang pagsuporta sa isang libro ay nakakatulong din para makagawa pa ng mas maraming libro tungkol sa iba’t ibang artists, photographers, at eksena sa Pilipinas.Isang insightful na kuwentuhan tungkol sa photography, publishing, music, history, at kung bakit mahalagang idokumento at pangalagaan ang kulturang binubuo at isinasabuhay natin ngayon.Listen up, yo.

Pagkapanalo ni GL bilang 2024 FlipTop Isabuhay Champion, kinabukasan, dumiretso siya sa Bara-Bara podcast. Mahigit isang taon ang lumipas, at ang dami nang nadagdag sa kanyang kuwento.Sunod-sunod ang naging battles niya noong 2025—laban kay Emar Industriya at kay Ice Water (bilang Sinagtala), dalawang classic na laban ulit sa iisang gabi laban kina Hazky at Ruffian, ang Royal Rumble, at ang instant classic nila ni Poison 13. Ngayong 2026 naman, nai-launch na ang kanyang ikatlong poetry chapbook-- Glimpses-- habang tuloy-tuloy rin ang kanyang paglikha ng musika, ng panitikan, at pag-battle. Sa episode na ito, bumabad kami para pag-usapan ang kanyang explosive post-Isabuhay run. Hiningi ko rin ang thoughts niya sa napakainit na Langit Lupa, Write Off Way, at sa emerging emcees. Pinasadahan din namin ang kanyang lumalaking community, ang pagpublish ng libro, ang magkakaiba nguni’t magkakapareho ring mundo ng battle rap, musika, at tula, at kung ano pa ang susunod sa kanyang patuloy na pag-ascend bilang artist.Solid na kuwentuhan tungkol sa battle rap, creative writing, community-building, at sa thought process ng isa sa pinakamahuhusay na manunulat ng kanyang henerasyon.Listen up, yo.

Mula Trentahin, tatawid din papuntang Kwarentahin. Aray ko po!Sa edad na 'to, bukod sa sakit ng ulo sa dami ng inaalala sa buhay, matindi na rin ang sakit ng likod at katawan, habang ramdam na ramdam na ang pagtanda. Pero kumusta nga ba ang buhay late 30's, patawid ng early 40's? Ngayong mas marami nang karanasan at kaalaman, mga pagkakamali na hopefully ay nagawa nang matutuhan, paano nga ba i-navigate ang era na ito?Kasama ulit natin sina teacher Sabrina Ongkiko at Jaton Zulueta sa isa na namang masaya at makabuluhang episode ng Turo-Turo, dito lang sa The Linya-Linya Show!Trentahins and Kwarentahins unite-- listen up yo!