104. Hatespell

Mir hängeds hüt bim Bella wil sin Arm Fiirabig gmacht het. Chum doch au go hänge.

Salü zsamme, hüt isch d'band YOUTH bi eus im Podcast. Die Band hemmer letzt Wuche live am A Lost Game 10 jähriges Jubiläum gseh wo sie sehr sehr kurzfristig für THORN. iigsprunge sind und mir sind sehr positiv überrascht gsi, drum sind sie hüt da. Die Band isch ide letzte paar Jahr ihre Sound am sueche gsi und mir würed sage de hend sie tatsächlich gfunde. YOUTH hend zwar ei Song dusse aktuell aber de neue Sound isch um einiges härter worde. Fans vo Deftones, Thornhill oder Moodring, bliibed gspannt uf dere Band.Mir freued üs uf zukünftigi Releases und Konzerte vo YOUTH, viel Spass mitem Podcast!

Saletti zsamme, hüt hemmer wiedermol Gäst bi eus zBesuech gha, es handelt sich nämli um die Band Hatespell. Sie sind e jungi Thrash Metal Band usem Aargau wo etzt siit öppe 2 Johr aktiv isch. Sie hend vor kurzem ihres erste Album released, de heisst  "Necroleptic Terror" und de figgt, also gönnds unbedingt go abchecke!

Die ersti Wurstrundi isch bereits lange her in Folg Nr 34 im 2024 gsi und 2 Jahr später hemmers endli gschafft, de Format wieder zrugg zbringe. Diesmal sind nebst die üblichi Würst na Dänu (Taoist, Ex Whiteout, Ex Searching for Diamonds) und Mike (Veilbound, ex Whiteout, ex Searching For Diamonds, ex Save Your Last Breath) debi.Es unendlich langes Gelabber, Offtopic des Jahrhunderts. Liebi lüüt, das isch die Wurtsrundi.

Salü mitenand, mir hend wieder mal e gemuetlichi dihei Folg ufgnoh, hend bizeli Musik glost und eu eusi latest shenanigans verzählt. Rants gits au gnueg, vo dem her e klassischi Folg würemer meine.

Am Open Air Gränichen hemmer das Jahr wiedermol dörfe am Samstig Morge die Sounderia Stage eröffne und mit eu alli de erste Kafi vom Tag gnüsse. Merci vielmol sinder so zahlriich am 10 am Morge erschiine, ihr sind für eus die realest MVPs vom Festival gsi <3

Mir hend es bereits scho ageteasert: Für üsi 100. Folge het sich öppis ganz Speziells ergäh.Am Open Air Gränichen hemmer mit em Maik vo Heaven Shall Burn chli quatscht. Mir hend mit ihm über Heaven Shall Burn, Musik, Festivals und natürlich no einiges meh gredt. Es isch es Gspröch gsi, uf das mir eus scho länger gfreut hend und definitiv en würdige Gast für üsi 100. Folge.Danke an alli, wo Metal Cervelat bis zur 100. Folge begleitet hend!Viel Spass bim Lose!

Open Air Gränichen 2026 – mir sind natürlich wieder debi gsi. Am zweite Festivaltag hemmer Lunar Vortex, Unified Move & Old Kids Noise bi üs im Podcast dörfe begrüesse und natürlich au abseits vom Mikrofon einiges erlebt.Worüber mir alles geredet hend wüssemer nüm, aber mir findets sicher zsamme usse!Das isch de zweite Teil vo üsem OAG-Special. Die nägste Teil folget bald.Viel Spass!

Open Air Gränichen 2026 – mir sind natürlich wieder debi gsi. Am erste Festivaltag hemmer mit The Kate Effect, Exorbitant Prices Must Diminish, Hathors und Insanity61 gredet. Über Musik, Festival, Blödsinn und alles, was suscht no so passiert ischDas isch de erschti Teil vo üsem OAG-Special. Die nägste Teil folget bald.Viel Spass bim Lose!

Heyo hüt sind Chanti und Sven zBesuech bi eus. Sie verzähled üs e biz über was alles so Behind The Scenes am Open Air Gränichen läuft. Gits überhaupt es OpenAir ohne Infrastruktur oder Bar, warum sötsch am Dunnstig scho am Open Air Gräniche debi sii und warum isch de Regeboge Song das Jahr so wichtig? Das und vieles Meh erfahrsch du i dere Folg!