Góðan morgun føroyar

Joan Sørensen og Poul Andrias Ziska hava valt at seta á stovn eina matveiting, sum tænir fleiri endamálum. Tey vilja geva dagstovnum og skúlum góðan mat við føroyskum rávørum, tey vilja læra børn um mat og smakkir og so vilja tey eisini skapa ein eftirspurning eftir føroyskum matvørum, so at veitararnir vita hava her heima, hava eitt tryggari veitingargrundarlag. Fyri at koma í gongd, leita tey nú eftir hópfígging. --- Vit hava vant okkum við at hugsa um lokkaran sum ein skugga á spæliplássinum, ein fremmandur í einum bili ella onkur, vit ávara børnini ímóti, tá tey fara út um dyr. Men veruleikin í dag er púra annar. Lokkarin hevur skift klæði. Hann krevur ikki longur nakra fysiska nærveru – hann er fluttur inn í barna- og ungdómskømrini gjøgnum snildfonina, spøl og sosialar miðlar. Hann er í lummanum og í hondini allan samdøgrið. Herfyri vóru fimm menn millum 28-48 ár handtiknir og skuldsettir fyri ólógliga varðveitslu og deiling av privatum myndum. Tann 27. oktober skipar ráðgevingarstovnurin Kris fyri stórari og longu útseldari ráðstevnu í Norðurlandahúsinum undir heitinum „Lokkarin í nýggjum klæðum...“, har ein nýggj landsumfatandi kanning um kynsligan ágang herheima eisini verður løgd fram. Gestir: Joan Sørensen Poul Andrias Ziska Erling Fles

Veðurfrøðingur er Knud Simonsen

Hesa vikuna koyrir stóra átakið SkíggjaSunn, har umleið 7000 fólkaskúlanæmingar, 2600 miðnámsskúlanæmingar, ein rúgva av arbeiðsplássum og kommunum eru við. Vit tosa mangan um, hvussu skíggjarnir ávirka børn og ung, men áðrenn vit leypa inn í vitlíkiskollveltingina, mugu vit steðga á og hugsa okkum um. Tí talgildingin rakar okkum øll – okkara svøvn, okkara evni at fordjúpa okkum og okkara nærveru. Gestur okkara í morgun er virðisløntur journalistur á Politiken og maðurin aftan fyri metsølubókina 'Kig op', sum kom út í 2024. Jakob hevur í yvir 20 ár kannað, hvussu tøknin ávirkar menniskjað, samfelagið og fólkaræðið, og hann hevur vunnið bæði Libre-prísin og Hørup-prísin fyri at bróta tabu og vísa á sosialu slagsíðuna av talgildingini. Vit práta við Jakob Sorgenfri Kjær ... Í sendingini Leivur vil liva, um misnýtaran mitt millum okkum, vóru eisini fólk, sum dagliga eru til arbeiðis í hesum umhvørvinum. Hvussu varðveitir tú vónina og motivatiónina, tá ið lívið hjá øðrum aftur og aftur fer av sporinum? Í dag hitta vit tvey av fólkunum, sum starvast á Herberginum. Hvussu er tað at arbeiða so nær við menniskju, sum hava tað trupult. Hvat lærir slíkt arbeiðið teg um lívið og okkum menniskju. Gestir: Jakob Sorgenfri Kjær Sonja Tungá Beinta Henriksen

Veðurfrøðingur er Jari í Hjøllum

FSF heitir á feløg um at bera so í bandi, at børn koyra saman til dystir, tí tað hevur nógvar fyrimunir. Gestir eru Fríða Næs og Jóhann í Króki. Altjóða badmintonkapping verður í Føoryum í næstum, og Mariann Øster greiðir frá.

Fríggjadagsprát og kappingin "genta drong".

Veðurfrøðingur er Turið Poulsen

Farna vikuskifti var Marita Debes Magnussen úti og hugnaði sær við nøkrum vinfólkum, tá ein ungur fremmandur maður helt fyri, at Marita ikki riggaði væl at hava sítt hár í hestahalda, men at hon heldur átti at havt hárið leyst. Í einum uppslagi á facebook spyr Marita tí, hvat fær ein mann at halda, at ein kvinna hevur biðið um hansara meting av síni útsjónd. Hon sigur, at hetta snýr seg ikki um ein hestahala. Tað snýr seg um rættin, sum summir menn framvegis halda seg hava, óbidnir at meta um og viðmerkja útsjóndina hjá kvinnum. Til allar kvinnur: Vit skulu simpulten ikki finna okkum í hesum. Vit eru ikki til fyri at pynta um sjónarringin hjá monnum. Vit skylda ongum fremmandum manni at síggja út á ein ávísan hátt. Og kanska er tað upp á tíðina, at fleiri menn læra ein heilt einfaldan setning: Um eingin hevur spurt teg, hvat tú heldur um útsjóndina hjá einari kvinnu, so noyðist tú ikki at siga nakað. So fara vit eisini at tosa um føroyskar røður. Tí ein nýstovnað ritstjórn hevur sett sær fyri at savna føroyskar røður á einum stað, so tær verða varðveittar og kunnu brúkast av øllum. Á foroyskarrodur.fo fara røður av øllum slagi frítt at kunna lesast og nýtast til íblástur, undirvísing, gransking og áhuga. Vit hitta stigtakara klokkan hálvgum níggju til eitt prát um røður. Gestir: Marita Debess Magnussen Eydna Skaale Torbjørn Jacobsen

Gestir: Birgit Carina Eliasen Bárður Veihe Turið Poulsen