Góðan morgun Føroyar

Í morgun kappast vit í "genta-drong", har tað ræður um at hugsa skjótt. Javnaðarflokkurin hevur 100 ár á baki. Ella næstan. Tí tað er ikki heilt einfalt at staðfesta, nær flokkurin í roynd og veru varð stovnaður. Fyrstu javnaðarfeløgini vóru stovnað í Havn og á Tvøroyri í 1925, meðan Ringfelagið, Føroya Javnaðarflokkur, varð skipað í 1927." Soleiðis stendur at lesa í spildurnýggju bókini Reyði tráðurin, Javnaðarflokkurin 100 ár, sum verður løgd fram á bókadøgunum um vikuskiftið. Gestir: Rigmor Dam Helgi Eidesgaard

Í samband við les føroyskt vitjar Urd Johannesen okkum í morgun og lesur brot upp úr hennara teksti. Eisini fáa vit veðrið fyri vikuskifti. Gestir: Urd Johannesen Turið Laksá

Føroyar eru fullar av gomlum sagnum um huldufólk, trøll, gand og løgnar hendingar. Søgur, sum hava verið munnligar frásagnir í fleiri ættarlið, men sum kanska ikki verða so nógv sagdar longur. Nú hevur Heiðrikur á Heygum sett sær fyri at geva teimum nýtt lív. Hann hevur umskrivað gomlu sagnirnar, so tær eru lættari at lesa í dag, og hevur eisini sjálvur málað og teknað myndir til tær. Rithøvundurin, sum fer at lesa fyri okkum í morgun, er Høgni Mohr, og honum hoyra vit meira frá, eftir at Heiðrikur hevur verið á vitjan. Í Danmark hevur bíbliufelagið týtt bønina Faðirvár til gerandismál, sum líkist meira tí, vit tosa í dag, og eg haldi at vit trygt kunnu siga, at nógvir danir ikki hava tikið væl ímóti broytingini. Er Faðirvár nakað, sum ikki skal pilkast við, ella er í lagið, at vit nútímansgera bønina? Prestur vitjar tá klokkan er farin av hálvgum níggju, og kanska hava vit eisini eitt boð uppá eina føroyska nútímansger. Gestir: Heiðrikur á Heygum Høgni Mohr Theodor Eli Dam Olsen

Veðurfrøðingur er Turið Laksá

Signa Mrdalo fekk gullmedalju fyri sveinaroyndina, hon skuldi taka fyri at gerast kosmetikari, Rakel Helmsdal lesur úr egnum verkum og Unn Laksá stjóri í Sjókovanum greiddi frá útróðri og landgrunninum

Í sambandi við bókadagar hava Rithøvundafelagið og Kringvarpið tikið stig til at hava eina Les føroyskt-viku. Skráin í Kringvarpinum verður rúgvusmikil við fjølbroyttum og áhugaverdum evnum, sum snúgva seg um lesing, tí vit fara at varpa ljós á tað at lesa føroyskt. Vit hava eisini vitjan av SSP og løgregluni, sum fara at siga okkum eitt sindur av tí, tey greiða frá, tá tey eru á vitjan hjá foreldrum at næmingum í 1. flokki um børn, fartelefonir og internet. Gestir: Oddfríður Marni Rasmussen Súsanna í Króki Trygvi Askham

Hesa vikuna fer Kringvarpið at seta sjóneykuna á føroyskar bókmentir og at lesa føroyskt. Hvønn morgun fáa vit í morgunsendingini vitjan av einum rithøvundi, sum fer at lesa eitt lítið brot úr egnum teksti. Rithøvundarnir taka útgangstøði at skriva um eitt stað, meðan tey sita eitt annað stað. Fyrsti rithøvundur á vitjan er Sissal Kampmann Veðurfrøðingur í morgun er Hanus Kjølbro