110: Election & Enviroment

♻️ Монголд жилд 30,000 тонн цахим хэрэгсэл импортлогддог ч, хэрэглээнээс гарсан цахим хог хаягдал "e-waste"-ийн 95% нь хогийн цэгт дахин боловсруулагдалгүй хаягддаг. Энэ удаагийн дугаарт Юнивишн нь 29,239 айл өрхөөс 6.7 тонн "e-waste" цуглуулж, хэрхэн тойрог эдийн засгийн жишиг тогтоож буйг онцоллоо. Та ч бас хуучин төхөөрөмжөө Юнителийн салбарт буцаан өгч, энэхүү ногоон санаачилгад нэгдээрэй 🌿

Хот бүр өөрийн өнгө төрх, түүх, хэмнэлтэй. Гэхдээ хаа нэгтээ бидний алхдаг гудам, амьдардаг хорооллууд хоорондоо төстэй ч юм шиг санагдах үе байдаг. Энэ удаагийн дугаарт Берлин хотоос Улаанбаатар юуг суралцаж болох вэ? Тогтвортой, хүн төвтэй хот гэж юу вэ? Хоёр өөр систем, соёлтой хотууд ямар ижил зүйлс, туршлага дээр огтлолцдог вэ? гэсэн асуултуудаар архитектор, хотын аяллын хөтөч (city tour guide) Б.Ивээлтэй ярилцлаа. Ковер зураг: Лхагвабат

Дурсамж хаягддаггүй харин боловсруулагддаг. Тантай хамт цаг хугацааг туулсан эд зүйлс дахин оршин байх боломжтой. Хязгааргүй эргэлдэн байх эд зүйлс дунд эзэн болж, ухамсарлан хариуцлага үүрэх боломж энэ үеийн бидэнд байна. #Univision #ЭлектронХаягдалгүйЮнивишн

Ээлжит дугаартаа технологийн салбар дахь эмэгтэйчүүдийн оролцоог онцолж байна. Хэдий энэ салбар эрчүүд давамгайлсан хэвээр байгаа ч эмэгтэйчүүдийн үүрэг, дуу хоолой өссөөр байна. Монголд ч энэ өөрчлөлт ажиглагдаж, финтек, карбон кредит зэрэг шинэ салбаруудыг идэвхтэйгээр хөгжүүлж буй ORDA Wealth Tech-ийн Б.Гэрэлмаатай бид ярилцлаа.

Сонгуулийн цаг үеийг угтаад намууд мөрийн хөтөлбөртөө уур амьсгалын өөрчлөлт-байгаль орчны асуудлуудыг Монгол, АНУ, Канад, Японы улс төрийн намууд хэрхэн анхаарч буй талаар энэ дугаараас сонсоорой.

Оюу толгой уурхайн үйл ажиллагаа болон ажилчдын суурингаас ямар ямар төрлийн хог хаягдал гардаг болох?  Хог хаягдлаа хэрхэн 50 нэр төрлөөр нь бүртгэж, дахин ашиглаж, боловсруулж, тээвэрлэдэг вэ? зэрэг асуултуудын хариултыг энэ дугаараас мэдэж авсан байх болно. Тус дугаар нь Central TV-тэй зочин хөтлөгчөөр хамтран ажилласан нэвтрүүлгийн аудио хувилбар нь болно.

Монгол улс нь Уур амьсгалын өөрчлөлтийн тухай НҮБ-ын суурь конвенцын хүрээнд хүлээсэн үүргийнхээ дагуу: Хүлэмжийн хийн тооллоготой холбоотой тайлан илтгэлүүдээ хэрхэн бэлддэг болох? Уур амьсгалын санхүүжилт, карбоны зах зээлийн хүрээнд хэрэгжиж буй төслүүд, Засгийн газрын хоорондох хамтын ажиллагааны ямар ямар ажлууд хийгддэг вэ? зэрэг асуултуудын хариултуудыг энэ удаагийн дугаараас сонсоорой. Зочиноор Уур амьсгалын өөрчлөлтийн судалгаа хамтын ажиллагааны төвийн захирал Ж.Чойхандтай (Ph.D) ярилцлаа.

Хиймэл оюун ухааны тусламжтайгаар тогтвортой хөгжлийг хурдасгах боломжтой юу? Технологийн шийдлээр бүхий л салбарт хиймэл оюун ухааныг хүртээмжтэй хүргэхийг зорьж буй "Mazaal AI"-н үүсгэн байгуулагч Б.Энхболдтой ярилцлаа.

Дэлхийн удирдагчид "Уур амьсгалын өөрчлөлтийг сааруулах зорилгоор дэлхийн дулаарлыг хэрхэн 1.5 хэмд барих вэ? Улс орнууд үүний тулд юу хийж, хэрхэн хамтран ажиллах вэ?" гэх асуултад хариулт олохоор "COP28" арга хэмжээг зорицгоосон билээ. Энэ удаагийн талуудын бага хурал дэлхийн газрын тосны өлгий нутаг болон хүлэмжийн хий хамгийн ихээр ялгаруулдаг Арабын Нэгдсэн Эмиратад зохион байгуулагдсан. Тус уулзалтад оролцоод ирсэн БОАЖЯ-ны Уур амьсгалын өөрчлөлт, бодлого төлөвлөлтийн газрын дарга, Доктор (PhD) Ш.Цэрэндуламтай бид "COP28 ба Монгол талын оролцоо" сэдвийн хүрээнд ярилцлаа.

Монголдоо электрон хог хаягдлыг дахин боловсруулж, барилгын туслах материал туршиж буй туршлагаас хуваалцаж байна. Зочиноор Юнител группийн БОНЗ-ын менежер Г.Анутай ярилцлаа.