四位主持，你哋好！我同老公有對四歲龍鳳胎。我老爺奶奶好關心孫仔孫女，成日會抽時間同家人在一齊。相反，我同阿媽嘅關係一直都有住莫名嘅距離（單身嘅阿哥都有同感）。 老豆好早死，阿媽自己湊大咗哥哥同我。雖然佢經濟上照顧我哋，但好少表現出溫暖關心，我喺成長階段，覺得被阿媽忽略，同其他同學仔嘅媽咪比較，佢哋會特別主動同仔女相處。 呢個模式一直延續到我長大後。阿媽而家獨居，住喺九龍城嘅唐樓，但佢好少喺屋企，都係好鍾意去同朋友聚會。喺呢啲場合，佢會好關心朋友啲孫，有時甚至幫埋手接吓放學。但係對於我自己嘅仔女，佢就總係搵藉口避開，唔多同佢哋相處！ 當我見到阿仔阿女開始懂事，識睇到婆婆嘅參與少過爺爺嫲嫲咁多嘅時候，而婆婆好多時買小禮物送俾佢啲朋友嘅孫仔孫女遠多個俾自己時，我真係好難過。佢對我哋比較情感抽離。 我有試過同媽喺呢方面傾吓（話佢應該多啲參與家庭活動），佢一係就否認有問題，又或者只係作出一時嘅承諾。 圍爐主持，一個外婆比較關心其他小朋友多過自己嘅孫，我應該點解讀？我真係唔知應該點樣去修補我同佢疏遠嘅關係？期待你們回覆。 Monica
More episodes from "圍爐不取暖"
Don't miss an episode of “圍爐不取暖” and subscribe to it in the GetPodcast app.
