Rejection – Acceptance by God

په دې پروګرام کښې به تاسو اورئ چې څنګه په خپل ژوند کښې ښۀ بدلون راوستلے شئ او خراب عادتونه پرېښودلے شئ. د دې نه علاوه تاسو به د يوې ښځې او د هغې خاوند رښتينې قيصه هم اورئ چا ته چې د زړۀ تکليف وو. تاسو به دا زده کړئ چې خدائ پاک په زمونږ په ګرانو حالاتو کښې هم خپله وفادارى ښائى او زمونږ مدد کوى.

په دې پروګرام کښې به تاسو اورئ چې څنګه به خلقو سره ملګرتيا جوړوئ. او تاسو به د هغه ماشومانو په حقله هم اورئ چا ته چې خبرې کول او خلقو سره ملګرتيا جوړول ګران وى. تاسو به دا هم اورئ چې عيسىٰ مسيح دې دنيا ته راغلو، په سولۍ شو او د مړو نه بيا راژوندے شو. تاسو به دا هم اورئ چې خدائ پاک سره څنګه خپل تعلق مضبوطولے شئ او هغۀ ته نزدې کېدے شئ.

په دې پروګرام کښې به تاسو اورئ چې خلق څنګه زمونږ نه نفرت کوى او مونږ رد کوى. خو مونږ د خدائ پاک په نظر کښې ډېر خاص يو. هغه مونږ نۀ رد کوى بلکه مونږ له اهميت راکوى او ښۀ په مينه مو قبلوى. ځکه چې زمونږ حقيقى اهميت د خدائ پاک په مينه او قبوليت کښې دے.

په دې پروګرام کښې به تاسو د يوې ښځې په حقله اورئ چې مليريا ئې وى. تاسو به دا زده کوئ چې د مليريا علامتونه او نښې څۀ څۀ وى، څنګه د دې علاج کولے شئ او څنګه خپل ځان د دې نه بچ ساتلے شئ. د دې نه علاوه تاسو به د کتاب مقدس نه د عيسىٰ مسيح يو مثال هم اورئ چې د لوئې مېلمستيا په حقله دے. په دې کښې به تاسو دا زده کوئ چې د خدائ پاک بلنه د ټولو خلقو د پاره وى خو ځينې نۀ غواړى چې دا بلنه قبوله کړى. نو زما ملګرو خدائ پاک تاسو له خپلې بادشاهۍ ته بلنه درکول غواړى، نو په دې کښې شاملېدو د پاره بهانې مۀ جوړوئ بلکه په عيسىٰ مسيح يقين او ايمان وساتئ او د خدائ پاک دا بلنه قبوله کړئ.

په دې پروګرام کښې به تاسو اورئ چې څنګه خپلو وړو ماشومانو له مالش کولے شئ، په په کور کښې مشرانو او نورو خلقو له مالش او زور کولے شئ. تاسو به دا هم اورئ چې عيسىٰ مسيح يو جذامى، ماشومانو او هغه ښځې له لاس وروړى چې خراب ژوند ئې تېر کړے وو. تاسو به اورئ چې عيسىٰ مسيح ټولو سره مينه کوى، هغوئ قبلوى، معافى ورکوى او خلقو له اُميد ورکوى.

په دې پروګرام کښې به تاسو اورئ چې کۀ د چا په وجود سره لمبه راوځى نو څنګه ئې علاج کولے شى او د دې علامات څۀ څۀ دى. د دې نه علاوه تاسو به دا هم اورئ چې پطروس او يوحنا يو شل سړى له شفا ورکړى او هغوئ د انسانانو په ځائ د خدائ پاک تابعدارى کول غوره کړى.

زما ملګرو په دې پروګرام کښې به تاسو اورئ چې د مشرانو په وجه څنګه زمونږ کورنۍ او ټولې معاشرې ته برکت ملاويږى. د دې نه علاوه تاسو به د شمعون او حناه په حقله هم اورئ چې ذکر ئې په کتاب مقدس کښې شوے دے. هغوئ ډېر پرهېزګار وو او هر وخت به ئې دعا کوله، او دې ته تيار وو چې په سلامتۍ سره دې دنيا نه رخصت شى.

زما ملګرو په دې پروګرام کښې به تاسو د مېلمستيا په حقله اورئ. او دا به زده کوئ چې څنګه ښۀ طرېقې سره مېلمستيا کولے شئ. د دې نه علاوه تاسو به د کتاب مقدس نه د مرتا او مريم قيصه هم اورئ چې څنګه ئې د عيسىٰ مسيح مېلمستيا کړې وه. او خدائ پاک مونږ ټولو له بلنه راکوى چې د هغۀ په کورنۍ کښې شامل شو او د تل د پاره هغۀ سره يو.

په دې پروګرام کښې به تاسو د کوڼوالى په حقله اورئ. چې يو ماشوم ته څنګه په ماشوموالى کښې دا مسئله راپېښېدلے شى. او تاسو څنګه دا پېژندلے شئ چې ماشوم صحيح طرېقې سره اورى او کنه. او د دې نه علاوه تاسو به د حضرت يونس او د يو غټ کب قيصه هم اورئ. ياد ساتئ چې خدائ پاک مونږ سره خبرې کوى نو پکار دى چې د هغۀ آواز واورو.

تشريح: په دې پروګرام کښې به تاسو د سينې د درد په حقله خبرې اورئ. تاسو به دا هم اورئ چې مونږ څۀ کوو نو دا زمونږ په صحت اثر غورزوى. د دې نه علاوه تاسو به اورئ چې زمونږ غلط کارونه زمونږ په روحانى ژوند اثر غورزوى. خدائ پاک مونږ معاف کوى خو کېدے شى چې د غلطو کارونو نتيجه بيا هم موجوده وى. خدائ پاک مونږ معاف کوى او هغه زمونږ ګناهونه هېروى.