0:00
3:48
Rewind 15 seconds
Fast Forward 15 seconds

Hijr ke waqt ka ek sher hai

Jo baar baar padh raha tha main

Bashir Sahab likhte hain

Aur Jagjit ne gaaya bhi toh hai :


MOHABBAT EK KHUSHBU HAI HAMESHA SAATH CHALTI HAI

KOI INSAAN TANHAAI MEIN BHI TANHA NAHIN REHTA



Aisi hi hai Bashir Sahab ki shaayari .. khushbu ki tarah aapke saath saath chalti hai

Jaisi ki office jaate waqt aap kalaai pe halka sa itra mal lete hain

Toh din bhar khushbu hawa mein rehti hai


Bashir sahab humare daur ke sabse badey shaayar theyy

Mohabbato'n ki zabaan bolte theyy

Ek waqt unko Mir aur Ghalib se compare kiya jaata tha


Unka hi ek sher hai :


YE DUNIYA HAI YAHAAN KOI JAGAH KHAALI NAHIN REHTI

KISI KE AANE JAANE SE KABHI KUCHH KAM NAHIN HOTA ..


Par Bashir sahab ke jaane se ek jagah hai jo khaali ho gayi hai

Koi vacuum ban gaya hai

Woh kabhi bhar nahin sakta



Shukriya

Soz


More episodes from "Lafz Urdu Poetry Podcast"