Արի կարդանք

Ե՞րբ ես վերջին անգամ արհեստական բանականությանը հարցրել մի բան, որը ինքդ էլ կարող էիր գտնել։ Իսկ երբևէ նրանից հարաբերություններիդ մասին խորհուրդ հարցրե՞լ ես։ Փորձում ենք հասկանալ՝ մենք ենք կառավարում արհեստական բանականությանը, թե կամաց-կամաց նա է կառավարում մեզ։

Արդյոք երջանկությունը նպատակ է, որին պետք է հասնել, զգացողություն, որը գալիս ու գնում է, թե փոքրիկ պահերի ու առօրյա մանրուքների մեջ թաքնված մի բան։Այս էպիզոդում փորձում ենք միասին մի քիչ ավելի երջանիկ դառնալ։

Ի՞նչ ենք կարդում և ինչու՞ ենք կարդում։ Այս էպիզոդում փորձում ենք հասկանալ՝ ինչ են կարդում երիտասարդները, ինչու են երբեմն կիսատ թողնում գրքերը և արդյոք կան գրքեր, որոնք բոլորը պետք է գոնե մեկ անգամ կարդան։

Ի՞նչ է լինում, երբ դեռ նոր ենք սկսում, երբ ամեն ինչ չի ստացվում այնպես, ինչպես պատկերացրել էինք, կամ երբ մեզ թվում է՝ բոլորը մեզնից առաջ են անցել։Այս էպիզոդում խոսում ենք սկսելու, սովորելու, սխալվելու և սեփական ճանապարհը գտնելու մասին։

Երբ մի քանի րոպե ազատ ժամանակ ենք ունենում և անմիջապես փորձում ենք այն ինչ-որ բանով լցնել, իրականում ինչի՞ց ենք փախչում՝ ձանձրույթի՞ց, թե՞ ինքներս մեզ հետ մենակ մնալուց։ Ինչի՞ մասին է մեր ձանձրույթն, ու ի՞նչ կարող ենք սովորել։

Մեր մեջ կան կողմեր, որոնք միշտ չէ, որ ուզում ենք տեսնել կամ ընդունել։ Վախեր, նախանձ, զայրույթ, խանդ, անինքնավստահություն, վերահսկելու ցանկություն՝ այն զգացումները, որոնք հաճախ թաքցնում ենք նույնիսկ ինքներս մեզնից։Այս էպիզոդում խոսում ենք մեր ստվերային կողմերի մասին․ ինչու ենք դրանք թաքցնում, և ինչ կարող է փոխվել, եթե դադարենք փախչել դրանցից։

Պարտադիր չէ միշտ բառերով ասել այն, ինչ զգում ենք։ Այս էպիզոդում կոտրում ենք արտ թերապիայի մասին կարծրատիպերը։ Սա մեզ ճանաչելու լավ միջոց է, նույնիսկ եթե չունենք ստեղծագործական տաղանդ։

Ինչո՞ւ ենք երբեմն կառչում մի կապից, որը երբեք իրական հարաբերություն չի դառնում, և ինչպե՞ս հասկանալ՝ շարունակել սպասե՞լ, թե՞ բաց թողնել։ Ինչու՞ չի ստացվում հարաբերություններ կառուցել, կամ ու՞ր է անհետացել քո կատարյալ զուգընկերը։ Փորձենք պարզել այս էպիզոդում։

Ի՞նչ կլինի վաղը։ Իսկ եթե չստացվի՞։ Եթե սխալ ընտրություն անե՞մ, ուշանա՞մ, կամ չկարողանա՞մ հասնել այն կյանքին, որը պատկերացրել էի։ Սրանք ընդամենը մտքեր են։

Բոլորը կարծես գիտեն՝ ուր են գնում, իսկ ես՝ ոչ։ Ինչու՞ ենք ապագա կյանքի մասին հաճախ անհանգստանում հենց երիտասարդ ժամանակ։ Ինչպե՞ս կարող ենք օգնել ինքներս մեզ և օգտվել ստեղծված իրավիճակից։