على قد عقلنا

**أحيانًا الإجابة الغلط بتبدأ من إننا ما قريناش السؤال للآخر!**جاسر بيحكيلنا عن غلطة كان بيعملها: إنه يستعجل في قراءة السؤال، وما يكملش آخره.وفي يوم، وقع في نفس الغلطة تاني… وما قرأش آخر كلمة في السؤال، مع إن الكلمة دي تحديدًا كانت هي المفتاح اللي هيساعده يوصل للحل الصحيح!الدرس اللي اتعلمه جاسر بسيط، لكنه مهم:قبل ما تبدأ تحل، اقرأ السؤال للآخر، وافهم هو طالب منك إيه بالضبط.مش كل مرة بنغلط فيها بنكون مش عارفين نحل… ساعات بنكون استعجلنا بس.**وإنت، حصل معاك قبل كده إن كلمة واحدة في السؤال غيّرت إجابتك؟**#على_قد_عقلنا #أخطاء_اتعلمت_منها #مهارات_التعلم #التعلم_من_الأخطاء #مهارات_الدراسة

عرضتي على ابنك يلعب معاكي… لكنه رفض؟عادي، جربي في وقت تاني ❤️مش لازم كل مرة نطلب فيها من الطفل يسيب الموبايل يكون عندنا نشاط، ويوافق عليه فورًا.ممكن تعرضي عليه لعبة أو حاجة تعملوها سوا، ولو مش حابب دلوقتي، احترمي رفضه وجربي وقت تاني.بس خلي بالك من نقطة مهمة…إحنا مش عايزين الوقت اللي بنقضيه مع أطفالنا يتحول لوقت أوامر وتعليمات جديدة، أو فرصة نعلّمهم فيها حاجة كل مرة.خلّيه وقت لطيف، فيه لعب وضحك ومشاركة، ووقت تستمتعوا فيه ببعض.مش كل وقت مع الطفل لازم يكون وقت تعليم… ساعات أحلى حاجة نعملها إننا نستمتع بوجودنا مع بعض.#على_قد_عقلنا #وقت_مع_الأطفال #بدائل_الشاشات #التربية_الإيجابية #اللعب_مع_الأطفال

مش عارفة تشغلي طفلك بعيد عن الموبايل؟ جربي لعبة مين أنا؟فكري في حيوان أو نبات أو بلد، وصفيه لطفلك من غير ما تقولي اسمه، وخليه يخمن! وبعدها بدّلوا الأدوار.لعبة بسيطة من غير أدوات، ممكن تبدأوا بيها وقت ممتع سوا.جربوها واكتبولنا مين كان أشطر في التخمين!#Shorts #ألعاب_للأطفال #ألعاب_بدون_موبايل #على_قد_عقلنا

وبعد ما ابنك يقفل الموبايل؟لما نطلب من أطفالنا يسيبوا الموبايل أو يوقفوا الشاشة، هل بنكون فكرنا في الخطوة اللي بعدها؟في الحلقة دي من «على قد عقلنا» بنقرب من موقف بيتكرر في بيوت كتير: الطفل بيقضي وقت طويل على الموبايل، والأم عايزة تساعده يبعد عنه، لكن السؤال المهم بيظهر بعد ما الشاشة تقفل: هيعمل إيه بدلها؟هنفكر في أهمية وجود بديل مناسب وممتع، وفي دورنا في مساعدة الطفل على الانتقال من نشاط لآخر، من غير ما نحول كل مرة يسيب فيها الموبايل لمعركة جديدة.حلقة عن وقت الشاشة، واللعب، والبدائل، وعن سؤال محتاجين نسأله لنفسنا قبل ما نطلب من أطفالنا يقفلوا الموبايل.من «على قد عقلنا» — أقرب المسافة بين عالم الطفل وعالم الكبار.#على_قد_عقلنا #تربية #الأطفال #وقت_الشاشة #Parenting

بتطلبي من ابنك يقفل الموبايل… وبعدها؟هل جهزتيله حاجة تانية يعملها؟أحيانًا إحنا بنركز على إن الطفل يبعد عن الشاشة، لكن بننسى نسأل نفسنا: هو هينتقل لإيه؟مش كفاية نقول له: «اقفل الموبايل» ونستنى إنه يلاقي من نفسه حاجة تشغله.فكري معاه قبلها: تحب نعمل إيه بعد ما تخلص؟ نلعب لعبة؟ نركّب حاجة؟ نرسم؟ نعمل نشاط بتحبه؟الفكرة مش إننا نستبدل الشاشة بأي حاجة وخلاص، لكن نساعد الطفل ينتقل لنشاط تاني له معنى ومتعة بالنسبة له.سؤال ليكي: لما بتطلبي من طفلك يقفل الشاشة، هل بيكون عنده بديل جاهز؟ ولا بتبدأوا تدوروا على حاجة تعملوها وقتها؟#Parenting #ScreenTime #ParentChildConnection #ChildDevelopment #على_قد_عقلنا

هو ليه؟ سؤال يوسف اللي بقى اسم السلسلةإزاي جملة بسيطة من طفل عنده حوالي 3 سنين بقت سبب اختيار اسم «هو ليه؟»في الحكاية دي، مروة بتحكي عن موقف حصل مع يوسف وهو لسه في بداية كلامه، لما سألها باستغراب: «هو ليه؟» بعد ما مامته رفضت طلبه.ومن السؤال ده بدأت فكرة إننا ما نكتفيش بالسؤال عن سبب تصرف الطفل، لكن نحاول نفهم هو شايف الموقف إزاي.دي حكاية بداية «هو ليه؟».

لما ابنك يطلب حاجة لمجرد إن كل أصحابه عندهم، قبل ما توافقي أو ترفضي، حاولي تفهمي هو محتاج إيه فعلًا.هل هو عايز الموبايل نفسه؟ ولا مضايقه إنه مش بيشارك أصحابه نفس الحاجة وحاسس إنه مختلف عنهم؟الفرق بين السؤالين ممكن يغيّر طريقة حوارك معاه.#كل_أصحابي_بيعملوا_كده #تربية_الأطفال #الأمومة #على_قد_عقلنا

ابنك خلّص الواجب، وحل خمس مسائل، وجالك فرحان بيقولك: «أنا خلصت!»حلو جدًا إنه أنجز المطلوب، بس هل ده معناه إنه فهم الطريقة فعلًا؟ ولا ممكن يكون حفظ الخطوات وطبّقها زي ما شافها في المثال؟جرّبي تعملي معاه حاجة بسيطة:هاتيله سؤال مختلف شوية عن اللي حلّه، واسأليه: «ممكن توريني هتحل السؤال ده إزاي؟ وليه هتبدأ بالخطوة دي؟»لو قدر يشرحلك الطريقة ويستخدمها في السؤال المختلف، فده مؤشر أقوى إنه فاهم، مش مجرد مكرر نفس الخطوات.لأن إنهاء الواجب مش هو نفس فهم الدرس.وفي آخر حلقة من سلسلة «هو فاكرينه صح؟» بنفكّر نفسنا إننا نبص أبعد من الإجابة الصح وعدد المسائل اللي اتحلت.تابعينا على «على قد عقلنا» علشان نفهم ولادنا على قد عقلنا.#فهم_الرياضيات #الواجب_المدرسي #ابني_مش_فاهم #المذاكرة #حل_الواجب #التعليم #مهارات_التعلم #هو_فاكرينه_صح #على_قد_عقلنا

ابني عايز موبايل عشان كل أصحابه عندهم؟ اسأليه السؤال ده!«ماما، أنا عايز موبايل… كل أصحابي عندهم!»ممكن أول رد يطلع مننا: «إحنا إيه؟ وإنت مالك بصاحبك؟»لكن قبل ما نرفض الطلب أو ندخل في جدال، خلينا نفرّق بين حاجتين:هو عايز الموبايل نفسه؟ ولا مضايقه إنه مش بيشارك أصحابه نفس الحاجة، وحاسس إنه مختلف عنهم؟اسأليه: «إنت عايز الموبايل نفسه، ولا مضايقك إنك مش زي أصحابك ومش بتشاركهم؟»لأن الإجابة هتفرق في طريقة حوارنا معاه.لو عايز الجهاز نفسه، هنتكلم عن احتياجه وقواعد بيتنا. ولو اللي مضايقه إنه مش مشارك أصحابه، يبقى محتاجين نفهم إحساسه ونتكلم عن الانتماء والاختلاف.فهم السبب مش معناه إننا لازم نوافق على الطلب؛ لكنه بيساعدنا نرد على احتياج ابننا الحقيقي.الحلقة الكاملة «كل أصحابي بيعملوا كده!» على قناة «على قد عقلنا».#كل_أصحابي_بيعملوا_كده #ابني_عايز_موبايل #الموبايل_للأطفال #تأثير_الأصحاب #ضغط_الأقران #تربية_الأطفال #الأمومة #على_قد_عقلنا

ابني عايز موبايل عشان كل أصحابه عندهم! أتصرف إزاي؟«كل أصحابي عندهم موبايل!»«إنت مالك بصاحبك؟ إحنا مش زيهم!»بس استني لحظة… هو ممكن يكون عايز الموبايل لمجرد إنه عايزه؟ ولا مش عايز يحس إنه مختلف عن أصحابه؟أحيانًا طلب الطفل بيكون وراه احتياج إنه يبقى جزء من المجموعة، ويشارك أصحابه نفس الحاجات اللي بيتكلموا عنها وبيعملوها.وده مش معناه إننا نوافق على طلبه، ولا إننا نغيّر قواعد بيتنا لمجرد إن بيوت تانية عندها قواعد مختلفة.لكن بدل ما نقفل الكلام عند «إنت مالك بصاحبك؟»، ممكن نسأله ونفهم: إيه اللي مخليك محتاج الموبايل؟ وإيه اللي بتحس إنك بتفوتُه مع أصحابك؟اسمعي الحلقة الكاملة «كل أصحابي بيعملوا كده!» على قناة على قد عقلنا.#كل_أصحابي_بيعملوا_كده #الموبايل_للأطفال #تأثير_الأصحاب #ضغط_الأقران #تربية_الأطفال #الأمومة #على_قد_عقلنا