🫀 الموت المفاجئ ممكن يكون بسبب مرض وراثي؟

فيه أشياء تصير في المواعيد، ومواقف تمر علينا، ومشاعر يمكن ما نعرف كيف نوصفها إلا بعدين… وفيه تفاصيل ودي أشارككم فيها من واقع تجربتي 🧬في الحلقة الجديدة من بود كاست جين، بأخذكم معي في بعض هالتفاصيل، وبحكي لكم عن شعوري في المواعيد، وبشارككم قصص ومواقف من تجارب المرضى مع الحفاظ على خصوصيتهم، ومعها كم نصيحة من القلب 🤍لأن مو كل شي نتعلمه يكون من الكتب والفحوصات، أحيانًا نتعلم من التجارب نفسها 💫اسمعوها، شاركوها وخل نعيش في وعي 🧬عائلة جين موجوده هنا ✨ملاحظة: دقيقه 03:57 المقصود ان مافي اشعه مناسبه لها في هذا العمر، اللي نقدر ننصحها فيه هو الفحص الذاتي واللي هو اكيد كثير مهم!

مو كل وفاة مفاجئة تكون «بدون سبب».أحيانًا يكون السبب مختبئًا في عضلة القلب أو كهربته، في الجينات. 🧬ليش ممكن يموت شخص أثناء النوم؟ليش بعض حالات الغرق عند السباحين تخلينا نسأل: هل كان غرقًا فعلًا؟وليش ممكن ينهار رياضي شاب فجأة؟في حلقة جديدة من بود كاست جين نفتح ملف الموت المفاجئ، ونحاول نفهم الأشياء اللي ممكن ما ننتبه لها او ما نشوفها بالعين لكن ممكن تغيّر كل شيء وتنقذ حياة أفراد العائلة ونعيش بوعي ،مو بخوف 🤍

“يمكن الأفضل ما نجيب أطفال…”لو قد فكرت كذا بسبب مرض وراثيهذه الحلقة لك 👇🎙️ نتكلم فيها عن:​الخيارات المتاحة (مو خيار واحد بس)​وكيف نقرر بوعي بدل الخوف

في هالحلقة من بودكاست جين نكشف كيف الجينات تدخل طرف في القرار، ومتى يتحول الرابط العائلي إلى مخاطرة وراثية.حساب البودكاست في إنستغرام عائلة جين

هل سرطان الثدي ممكن يكون وراثي؟نتكلم في الموضوع بأسلوب علمي بسيط مع أمثله حقيقيه لقصص مرضى لنعيش في وعي ونفهم جيناتنا اكثر 🩷عائله جين موجوده هنا✨

نتكلم عن مفاهيم مهمه في علم الجينات عشان نفهم بعض اكثر 🪐عائله جين موجوده هنا✨تصحيح دقيقه 5:36 :٢٥٪؜ ان الأم تعطي النسخه المصابه (لأنها حامله التغير الوراثي للمرض المتنحي) والأب يعطي النسخه السليمه (لأن الأب حامل كذلك) والعكس ~ ٢٥٪؜ الأب يعطي نسخه مصابه والأم تعطي نسخه سليمه = ٥٠٪؜ ان الطفل يكون حامل للتغير الوراثي نفس الأم والأب

اهلا فيكم 👋🏼 تعرفوا علي أبرار بوحليقه وعلى بودكاست جين 🧬