Раўнавага

Паколькі тэма ментальнага здароўя важная і датычная кожнага з нас, мусіць існаваць нейкі зручны і просты для ўспрымання практычны дапаможнік, які мусіць не толькі адказаць на частыя пытанні і папулярызаваць ідэю псіхатэрапіі, але і падрыхтаваць чалавека да візіту да спецыяліста, і даць нейкія парады па хуткай псіхалагічнай самадапамозе. Адна з ключавых ідэй падкаста — нармалізацыя тэмы ментальнага здароўя ў беларускім дыскурсе. Мы хочам паказаць, што не трэба саромецца хваробы, не варта баяцца звярнуцца па дапамогу, а галоўнае — не трэба лічыць, што хвароба з’яўляецца часткай вас і што так будзе цяпер заўсёды. Падкаст створаны ў рамках стыпендыяльнай праграмы Free Belarus Center.