الماضي هو اللي بيتكلم

بنبص على حياة الناس ونحس إننا متأخرين، ونفتكر إن المشكلة فينا. بس الحقيقة إننا بنقارن كواليسنا بأحلى لقطات غيرنا. في الحلقة دي هنفهم ليه بنقارن، بندور على إيه جواها، وإزاي نرجّع عينينا على حياتنا إحنا.

كلنا بنغلط، دي مش المشكلة. المشكلة لما نكرر نفس الغلطة وإحنا عارفين إنها بتوجعنا، ونقول "المرة دي هتبقى مختلفة" من غير ما نغيّر حاجة.

الخوف من الالتزام مش دليل إنك "شخص مش قادر يحب" أو "أناني". هو غالبًا دليل إنك عشت تجارب علّمتك إن القرب مش دايمًا آمن.الخبر الكويس إن النمط اللي اتعلمته، تقدر - بوعي ووقت - تتعلم نمط جديد بدله. مش هيحصل بين ليلة وضحاها، لكنه ممكن.

المسامحة الحقيقية مش سريعة، ومش سهلة، ومش معناها إنك تنسى أو توافق على اللي حصل. هي قرار إنك تحرر نفسك من ثقل الغضب، من غير ما تسيب الباب مفتوح لنفس الأذى يتكرر.

رد فعلك القوي مش دايمًا عن اللحظة اللي انت فيها. أحيانًا هو صوت قديم بيحاول يحميك من حاجة كانت مؤلمة زمان.مش المطلوب إنك تلغي الصوت ده، لكن إنك تتعرف عليه، عشان يبقى ليك اختيار: ترد من مكان الخوف القديم، ولا من مكان الوعي بتاعك دلوقتي.

الوحدة جوه العلاقة مش عيب فيك، ومش دايمًا عيب في العلاقة. هي إشارة. وزي أي إشارة، مش هتختفي لو تجاهلتها لكنها هتكبر. مش كل علاقة فيها وحدة لازم تخلص. بس كل وحدة لازم تتسمع - سواء من نفسك، أو من اللي بتحبه.

كلنا بندور على حاجتين،  الإحتواء اللي يطمنا والمهارات اللي تساعدنا في مواجهة العالم الكبير والصعب ده. 

احساسنا بعدم القيمة هو من اعمق الجروح اللي بنصارع معاها

حاجات بتهدر كل طاقتك وإمكانياتك، تفضل عطلان مكانك. 

هنتكلم عن ٣ حاجات ممكن تكون بتعملهم هيخلوك دايماً حاسس انك مش كويس، دايماً حاسس انك واقف في مكانك ومش عارف تتحرك لقدام مهما حاولت.