Brotkast - Brot úr þáttum og opnir þættir

Til er fólk sem telur að fjölmiðlastyrkur stjórnvalda eigi eingöngu að ná til þeirra miðla sem ganga í takt við ákveðnar meginstraumslínur í umdeildum málum. Fjölmiðlar sem styðja ekki ákveðnar rétttrúnaðarstefnur skuli þannig fjársveltir á meðan þeir sem kyrja kórinn verði í áskrift að fjármagni skattgreiðenda. Slík sjónarmið eru í reynd sterkustu rökin fyrir því hvers vegna fjölmiðlar ættu aldrei að vera ríkisstyrktir. Við getum aldrei vitað hvers lags fólk mun koma til með að stjórna sameiginlegum sjóðum til framtíðar.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Brynjar Karl Sigurðsson, körfuboltaþjálfari og forsvarsmaður íþróttafélagsins Aþenu, mætir í Spjallið og fer yfir harðvítugar deilur félagsins við Reykjavíkurborg um framtíð íþróttastarfs í Efra-Breiðholti.Brynjar Karl fer mikinn og sakar embættismenn borgarinnar um spillingu, vanrækslu og óeðlilega ráðstöfun opinbers fjár. Hann fullyrðir meðal annars að 89 milljónir króna hafi runnið frá velferðarsviði Reykjavíkurborgar til ÍR á síðustu fjórum árum og kallar eftir svörum um hvernig þeim fjármunum hafi verið varið.Á sama tíma segir hann Aþenu hafa byggt upp öflugt íþrótta- og samfélagsstarf fyrir börn í Efra-Breiðholti, þar sem iðkendum hafi fjölgað úr örfáum í um 130. Félagið hafi skapað tækifæri fyrir börn af ólíkum uppruna, hjálpað stúlkum að komast í landslið og á háskólastyrki í Bandaríkjunum og lagt mikla áherslu á að ná til barna sem standa höllum fæti.Nú segir Brynjar að Reykjavíkurborg ætli að taka rekstrarsamninginn af félaginu um áramót og þannig stefna framtíð starfsins í hættu.Hann beinir sérstaklega spjótum sínum að Hildi Björnsdóttur og Bjarna Guðjónssyni og gagnrýnir nýjan meirihluta borgarinnar fyrir að standa ekki við þann stuðning sem hann telur félagið áður hafa notið. Brynjar krefst þess að borgaryfirvöld komi fram opinberlega og útskýri ákvarðanir sínar.Í viðtalinu er meðal annars rætt um:89 milljónir króna sem Brynjar segir hafa runnið frá velferðarsviði til ÍR.Ásakanir um spillingu, meðvirkni og óeðlileg vinnubrögð í borgarkerfinu.Baráttu Aþenu fyrir aðstöðu í Austurbergi.Hvers vegna nýr meirihluti Reykjavíkurborgar hefur ekki tryggt félaginu áframhaldandi rekstrarsamning.Félagslega einangrun, fátækt og tækifæraskort barna í Efra-Breiðholti.Árangur Aþenu í að efla sjálfstraust, íþróttaþátttöku og framtíðarmöguleika ungs fólks.Brynjar Karl segist ekki ætla að gefast upp og kallar eftir opinberum umræðum þar sem borgaryfirvöld svari gagnrýni hans.Spjallið með Frosta Logasyni – S04E67#Spjallið #BrynjarKarl #Reykjavíkurborg #Aþena #Brotkast

Ástralski áhrifavaldurinn Leon Hill hefur vakið gríðarlega athygli á samfélagsmiðlum fyrir harða og umdeilda gagnrýni sína á innflytjendastefnu Evrópuríkja, íslam og vaxandi áhrif íslamskrar hugmyndafræði á vestræn samfélög.Í þessu viðtali við Frosta Logason í Spjallinu fer Hill yfir þá þróun sem hann telur ógna framtíð Evrópu. Hann ræðir afbrotatíðni innflytjenda, kynferðisbrot, velferðarkerfi Norðurlandanna og rannsóknir sem hann segir sýna vaxandi róttækni meðal ungra múslima í Evrópu.Hill segist fá líflátshótanir nánast daglega vegna málflutnings síns og greinir frá því að sumar þeirra séu svo alvarlegar að hann geti ekki rætt þær opinberlega. Hann gagnrýnir jafnframt harðlega takmarkanir á tjáningarfrelsi í Bretlandi og Ástralíu.Ein umdeildasta yfirlýsing hans í viðtalinu er að banna eigi íslam alfarið á Vesturlöndum. Hill viðurkennir að slíkt fæli í sér skerðingu á trúfrelsi en telur það nauðsynlegt til að vernda framtíð evrópskra samfélaga og réttindi kvenna.Hann beinir einnig skýrri viðvörun til Íslendinga og segir að Ísland stefni í sömu átt og Svíþjóð og önnur Evrópuríki ef ekki verði gripið til róttækra breytinga á innflytjendastefnu.„Ísland verður eins og Svíþjóð mjög fljótlega,“ segir Hill, sem hefur búið hér á landi um árabil og segist hafa orðið vitni að miklum breytingum á íslensku samfélagi.Hill telur að Evrópa hafi aðeins örfá ár til að snúa þróuninni við og hvetur almenning til að láta ekki þagga niður í sér.Ítarlegt og hispurslaust samtal um innflytjendamál, trúfrelsi, tjáningarfrelsi, þjóðmenningu og framtíð Evrópu.Viðtalið fer fram á ensku.

Stórfurðuleg atburðarrás sem hófst á undarlegu tísti framkvæmdastjóra þingflokks Flokks fólksins hefur leitt til harðrar deilu á milli fyrrverandi forseta Íslands. Komið hefur fram að stigmögnun í kjarnorkustríð er ekki opinber stefna Flokks fólksins heldur eingöngu persónuleg skoðun framkvæmdastjórans sem þó er talið miklu léttvægara heldur en að Ólafur Ragnar hafi endurtíst skjali Rússlands um pólitík norðurslóða.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Frosti Logason og Helga Dögg Sverrisdóttir ræða starfslok hennar sem dönskukennara við Síðuskóla á Akureyri og aðdraganda þeirra. Helga rekur viðbrögð við grein sinni um kyn og fræðslu barna, en að sögn Helgu urðu skrifin upphaf að ágreiningi og breyttum samskiptum á vinnustaðnum.Í umræðunni segir Helga frá fundi með skólastjóra og mannauðsstjóra þar sem Eva Hauksdóttir lögmaður aðstoðaði hana. Að sögn Helgu var farið fram á að hún takmarkaði opinber skrif sín um málefni trans fólks. Þau ræða tjáningarfrelsi kennara og viðbrögð samstarfsfólks sem Helga upplifði sem einelti og útskúfun.Þá ræða þau breytingar á kennslustörfum Helgu, vanlíðan hennar og veikindaleyfi sem leiddu að sögn Helgu til starfslokanna. Hún lýsir einnig efasemdum sínum um að geta leitað stuðnings hjá Kennarasambandi Íslands og Félagi grunnskólakennara vegna afstöðu samtakanna til Samtakanna 78.Að lokum víkja þau að kynjafræðslu í skólum og sjónarmiðum sínum um meðferðir trans barna. Helga leggur áherslu á að hún hafi ekki rætt þessi ágreiningsefni að eigin frumkvæði við nemendur sína. Hún lýsir jafnframt mikilvægi stuðnings vina og fjölskyldu og segist ætla að halda áfram að skrifa um reynslu sína.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Frosti Logason og Teitur Atlason ræða mótmæli og óeirðir í Evrópu og velta fyrir sér hvað liggi að baki óánægjunni. Þeir ræða húsnæðisvanda, lífskjör, ferðaþjónustu og innflytjendastefnu og greinir meðal annars á um stöðu innviða álfunnar.Innflytjendamál eru fyrirferðarmikil í samtalinu. Þeir ræða aðlögun, atvinnuþátttöku, afbrot og velferðarkerfið og kalla eftir gögnum um stöðu ólíkra hópa. Einnig berast brottflutningar og styrkir til heimferða í tal, ásamt þeirri áherslu að aðstoð við nýja íbúa fylgi kröfur um tungumálanám og sjálfsbjörg.Umræðan beinist jafnframt að stríðinu á Gaza, ábyrgð Hamas, framferði ísraelskra stjórnvalda og hers og stöðu almennra borgara. Þeir ræða notkun hugtaksins þjóðarmorð, stuðning hinsegin fólks við Palestínu og hörð viðbrögð við ólíkum skoðunum á átökunum. Þaðan víkur samtalinu að vinstrinu, pólitískri réttrúnaðarhugsun og mikilvægi þess að geta skipt um skoðun.Í lokin ræða þeir fjölmenningu, þjóðarvitund og varðveislu tungumáls og menningar. Frosti leggur áherslu á áhrif íslams en Teitur vill fremur skoða menningarlegan og félagslegan bakgrunn og varar við alhæfingum um trúarbrögð. Báðir leggja áherslu á sameiginleg samfélagsgildi og að hjálpa fólki fyrstu skrefin inn í íslenskt samfélag.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Hér á Íslandi er til fólk í áhrifastöðum sem vill henda þeim í fangelsi sem tjá sig um áhyggjur sínar af þróun útlendingamála. það er ekkert nýtt að róttæklingar vilji misnota lög í pólitískum tilgangi en það er verra þegar kjörnir fulltrúar á Alþingi eru komnir þangað.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Fjölmiðlar hér á landi sem erlendis reyna enn að selja okkur þá hugmynd að óeirðirnar í Frakklandi séu fyrst og fremst mótmæli framhaldskólanema. Að loftslagsbreytingar séu að gera nemendum svo erfitt fyrir og ekki sé hægt að taka samræmd próf í svo miklum hita. Þess vegna sé verið að brenna niður opinberar byggingar, verslanir og bíla. En nú hefur forseti Frakklands reyndar gefið það út að skemmdarvargarnir séu fyrst og fremst öfgasinnaðir vinstrihópar sem vilja knésetja franska lýðveldið.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Geta afleiðingar COVID-bólusetninganna verið að koma fram fyrst núna, fimm árum síðar? Og hvers vegna hefur ekki farið fram ítarlegra uppgjör á sóttvarnaraðgerðum og ákvörðunum heilbrigðisyfirvalda?Jóhannes Loftsson, verkfræðingur og stjórnarmaður í Heilsuvon, er gestur Frosta Logasonar í Spjallinu að þessu sinni. Jóhannes var áberandi í gagnrýni á sóttvarnaraðgerðir á COVID-tímanum og hefur undanfarin ár beitt sér fyrir því að vekja athygli á fólki sem telur sig hafa orðið fyrir alvarlegum aukaverkunum bóluefna.Í viðtalinu fer Jóhannes yfir niðurstöður könnunar sem Heilsuvon lét Maskínu framkvæma og telur benda til þess að fjöldi Íslendinga hafi orðið fyrir alvarlegum skaða í kjölfar bólusetninga. Hann gagnrýnir íslensk heilbrigðisyfirvöld fyrir að hafa ekki rannsakað mögulegar langtímaafleiðingar nægilega vel og varar við því að alvarleg heilsufarsvandamál kunni að koma fram mörgum árum eftir bólusetningar.Rætt er um möguleg áhrif á hjarta- og æðakerfi, blóðtappa, krabbamein, frjósemi og aðrar heilsufarsbreytingar sem Jóhannes telur ástæðu til að rannsaka betur. Hann setur jafnframt fram harða gagnrýni á lyfjaiðnaðinn, eftirlitsstofnanir og það hvernig brugðist var við þeim sem efuðust um öryggi bóluefnanna.Umræðan berst einnig að ivermektíni og öðrum lyfjum sem Jóhannes telur að hafi verið ýtt til hliðar á COVID-tímanum, mögulegum hagsmunaárekstrum innan heilbrigðiskerfisins og dómsmáli í Hollandi þar sem Bill Gates og fleiri áhrifamenn eru meðal stefndra vegna meintra afleiðinga bólusetninga.Í síðari hluta þáttarins er sjónum beint að Íslandi, ábyrgð stjórnvalda, mögulegum bótarétti þeirra sem telja sig hafa orðið fyrir bóluefnaskaða og nýjum sóttvarnalögum. Jóhannes lýsir sérstökum áhyggjum af því að löggjöfin veiti stjórnvöldum of víðtækar heimildir til inngripa í næsta heilbrigðisneyðarástandi.Höfum við lært eitthvað af COVID-tímanum eða er hætta á að sömu mistökin verði endurtekin?Ítarlegt og gagnrýnið samtal um heilbrigðisyfirvöld, vísindi, hagsmuni lyfjafyrirtækja, einstaklingsfrelsi og þá ábyrgð sem fylgir ákvörðunum sem hafa áhrif á heila þjóð.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Óeirðirnar í Frakklandi ættu að vera víti til varnaðar. Óvarleg fjölmenningar- og innflytjendastefna getur reynst vestrænum samfélögum stórhættuleg. Vonandi eru einhverjir loksins að vakna. En svo eru auðvitað þeir vinstrimenn sem hafa slíkt horn í síðu vestrænna gilda að þeir virðast helst fagna ástandinu. Og láta sig dreyma um að íslensk ungmenni taki sér óeirðaseggina til fyrirmyndar. Við fjöllum um þetta og miklu meira í Harmageddon þætti dagsins.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/