LEITISSTEIN 16.10.2026 (Telemama)

Anna Katrin Egilstrøð er gestur í sendingini ísambandi við, at nýklassiska verk hennara, "From Harbour to Harbour", er útgivið. Verkið er skrivað til NJYD-kvartettina.

Benjamin Rajani leitar eftir sínari viðarlund í LEITISSTEIN í sambandi við útgávuna av nýggju plátuni hjá sær, "Onkustaðni er ein viðarlund".

"Eg komi úr einum heimi við nógvum tónleiki," staðfestir Eva Berghamar, oddakvinna danska indie-poppbólkinum Kayak, sum er í holt við at leggja Danmark fyri sínar føtur. Og tað kann spurnartekin ikki setast við. Abbi Evu er hin navnframi Øssur Berghamar, ið flestir føroyingar kenna frá hansara virksemi í Kristnastovu á Amager, meðan pápi hennara er Andrew Berghamar, sum er prestur í Skovlund fríkirkjuni í Ballerup, sum millum annað hevur skrivað framúrskarandi sangin "Beauty" hjá Salt. Higartil hevur Kayak útgivið tvær EP'ir. "Ind i solen", sum kom út í ár, og "Under øjenlåg", sum kom út í fjør. Báðar EP'irnar vera spældar í sendingini, meðan prátað verður við Evu Berghamar um hennara tónlistaliga yrki.

Nýggjur og spikahamrandi feitur tónleikur frá Leon Bridges, Interpol, Fontaines DC, The War On Drugs og mongum øðrum er at hoyra í fyrstu SOLO-sendingini eftir summarsteðgin. Lurtið!

Óli Joensen, Hendrik Jacobsen og Dan Eyðun Karbech Saxov úr indiepopp/rokk-bólkinum Telemana eru gestir í sendingini í sambandi við, at Telemama í summar útgav sína sjálvnevndu debutplátu. Jákup Holm Johannesen er fjórði limurin í bólkinum, meðan Ørvur Argenziano Hentze og Sjúrður Zachariasson eru heiðurslimir. Telemama varð stovnaður í desember 2020 og fekk sítt veruliga brot til tónleikakappingina Sement í 2021. Teir royna ikki at fjala útuyvir, at teir spæla tónleik við íblástri frá bólkum sum The Strokes og ikki minst Arctic Monkeys.

Nørdarí í heimsflokki, tá elektroniski tónlistamaðurin Janus Rasmussen er gestur sendingini. Janus er hin helvtin av føroyska superbólkinum BYRTA, ið hann hevur saman við Guðrið Hansdóttir. Men tá Janus Rasmussen ikki ognartekur heimliga tónleikapallin saman við BYRTA, so er ferðast hann runt til heimsins størstu elektronisku tónleikapallar at framføra - antin einsamallur ella saman við íslendska Ólafur Arnalds í heimskendu dou-ini Kiasmos. Í summar útgav Janus Rasmussen plátuna "Inert", har Janus aftur er byrjaður at syngja.

Lea Eyðbjørg Janusardóttir Trúgvason er hálvur hósvíkingur, men fult og heilt ein komandi stjørna á danska tónleikapallinum. Hennara tónleikur verður longu tráðspældur í donskum útvarpi, men tað er ikki fyrr enn nú, at hon útgevur sína debutplátu, "på en måde er det rart". Lea Eyðbjørg er gestur í sendingini.

Benjamin Djurhuus er gestur í sendingini í sambandi við, at hann í summar útgav sína debutplátu "öð [øh]" við ljóðføristónleiki.

Tá fyrsta umfar av Hoydalar bleiv sent, so var ein stjørna við í sendingini, ið fólk ongantíð sóu. Regin Guttesen. Regin hevur nevniliga skrivað tvey av hittunum, sum blivur framførd, tá hansara mentor, MC Restorff, var stjørnan. "Saman við tær" og "Ein glotti fyri framman". Regin, sum í dag er búsitandi í Italia, har hann virkar sum trúboðari, er gestur í sendingini.

Tikið verður ofta til, at tala er silvur, men tøgnin er gull. Men Silvurdrongur, Trygvi Danielsen, hevur tagt nóg leingi nú, heldur hann sjálvur. Á nýggju fløguni "Bønir" tekur Silvurdrongur av álvara blaðið frá munninum og sigur sína hjartans meining um støðuna í heiminum í dag.