Jambalaja - 311026

Í dag hyggja vit eftir einum fyribrigdi á countryhittlistunum, og so kava vit niður í nýggju útgávuna hjá frálíka, men ikki so kenda sangaranum og sangskrivaranum, Ian Noe.

Í dag fara vit at leggja oyra til nakrar nýútgivnar sangir. Høvuðsdenturin verður tó lagdur á longu røðina av EP-útgávum - "50 Years from Home" - sum eru komnar frá Vince Gill hetta seinasta árið.

Í sendingini minnast vit tveir menn, ein sangara og ein sangskrivra, ið eru farnir foldum frá nýliga. Eisini eru Gram Parsons og IBMA-awards á skránni.

Í dag hoyra vit um Chuck Berry, ið varð føddur fyri hundrað árum síðani, og hansara íblástur úr countrytónleikinum. Og so hoyra vit eisini søguna um eina upptøku hjá Hank Williams, sum var burtur í 38 ár, og sum gjørdist eitt hitt í 1989.

Tað verður góður tónleikur á skránni hesa ferð. Av meira traditionellum slag. Vit hoyra eitt nú Cody Johnson, Riley Green, Jo Dee Messina, Steve Earle og The Wilder Blue.

Føroyskur tónleikur er á skránni í Jambalaja í dag. Vit spæla nakrar nýútgivnar føroyskar sangir, og kava niður í eldri upptøkur eisini.

Vit minnast farnar hetjur innan tónleikin í Jambalaja í dag. Vit hoyra um sangskrivararnar Stephen Foster og Beasley Smith, ið vóru føddir fyri ávikavist 200 og 125 árum síðani. Vit skulu eisini hoyra ein heimskendan jazztónleikara, ið var føddur fyri 125 árum síðani, syngja country.

Í dag verður nýggjari tónleikurí Jambalaja. Vit hyggja at hvat er hent á hittlistunum, og so spæla vit eisini burtur úr góðum útgávum, sum komu út meðan Jambalaja var í summardvala. Vit hoyra Brad Paisley, The Highwomen, Willie Nelson og Don Williams.

Í hesi sendingini minnast vit eina av teimum heilt stóru - Dolly Parton, sum doyði 25. august, 80 ára gomul. Dollylivdi eitt virkið lív, og tað eru nógvir góðir sangir at velja ímillum, so vit spæla ikki tey størstu hittini í hesi sendingini.

Sending við countrytónleiki sum útgangsstøði, men sum eisini ferðast í sjangrunum, sum hava givið. countrytónleikinum íblástur, serliga fólkatónleik av bretskum, norðurlendskum og latínamerikanskum uppruna. Vit minnast 25 ára dagin fyri yvirgangsálopið á USA 11. september 2002. Vit spæla nakrar av sangunum, sum vórðu skrivaðir eftir sorgarleikin