Chris the Painter ando sikavipe

Schtar pajtaschtscha, save khetan muschika keren. Aja hi i Leon Berger banda. On dschene la flogoskera grupnatar le Romendar, taj ojs phurtjakere keraschtscha maschkar o kulturtscha, jek barikano falato la austritika flogoskera grupnakera scenatar, hi."Ada podcast vodinel i sendung Roma sam, Radijo Burgenland, 9to novemberi 2026"

Ando flogoskero grupnengero kher Erbate, o berscheskero talalinipe le Forum4Burgenlandistar tel likerdo ulo. Ando maschkarutno punkto adabersch 50 berscha flogoskero grupnengero tschatschipe taj o barikanipe le but tschibtschakere vakeripestar ando Burgenland, terschonahi. Ledschim ol o Forum la Privati Pedagogischi Utschi Ischkolatar Burgenland, la sikadipeskera direkcijontatar taj le burgenlanditike flogoskere grupnengere bajrotschendar."Ada podcast vodinel i sendung Roma sam, Radijo Burgenland, 2to novemberi 2026"

Ande amaro sendungakero redo „Naschade Romengere sidlungtscha le Burgenlandistar“ o reporteri Adi Gussak akan ando norditiko Burgenland dromeske hi taj ande Trausdorf pasche i Wulka upro jomakero rodipe pe kerel, kaj buteder pedar i historija le Romendar te schunel. Odoj resel ov le Rom Silvester Horvath, savo ando gav upre bartschino."Ada podcast vodinel i sendung Roma sam, Radijo Burgenland, 26to oktoberi 2026"

I heftlina „Pobisterdo palgondolipe? Rechtsekstremi bombakero teror 1993-1996 andi Austrija“, le palgondolipeske than del. Ande hi falati sar vakeriptscha, save o dikiptscha le reste dschenendar taj lengere familijakere dschenendar ando maschkarutno punkto terdscharen. Ar dim uli i heftlina la inicijativatar antifaschistischi gondolipe. I heftlina ando kontaktoskero centrum Erbate papal angel terdschardi uli."Ada podcast vodinel i sendung Roma sam, Radijo Burgenland, 19to oktoberi 2026"

Uso anav „Gipsy Kings“ o lek buteder upri espanitiki banda andar o 1990te berscha gondolinel, savi le dschilenca sar „Bamboleo“ vaj „Baila Me“ prindscharde hi. Ande amaro falato ham vasch o lobdakero farajn le anaveha „SV Gipsy Kings“ dschal. O farajn andi 1ti klas A le betschitike lobdakere khetanipestar khelel. Na dur pal, o erschti khelipe ando betschitiko thaneskero cup gejng o SV Rennweg sina.

Jek nevo centrum le burgenlanditike flogoskere grupnenge Erbate del. Akan poar organisaciji le burgenlanditike horvackendar, ungrikendar taj Romendar telal jek hibo khetan hi. Imar sajt o terno linaj jek probalintschago naschel, ando 26to septemberi, o „Europitiko Di le Tschibtschendar“, o kher le flogoskere grupnendar jeke mulatintschagoha prado ulo.

But Romnjenge taj Romenge i tschib, i muschika vaj i Romengeri-astava barikane falati lengera identitetatar hi. I ORF-Romengeri-redakcijona Romenca, Sintijena taj Jenischijenca pedar vakertscha, sar on lengeri identiteta dschin, saj barikanipe la Romengera-astava hi taj so len meg lengera flogoskera grupnaha khetan phandel.

But milijoni aundikiptscha, bojd efta schel eseri kamiptscha taj valami bisch eseri palal dschajipeskere dschene upre TikTok. Chris the Painter harne videjovtschenca loschanel, ande save ov leskere verktscha taj leskero sako diveseskero dschivipe ojs feschtinaschi sikal. Te leskeri identiteta ojs Rom ande leskero kamipe jek barikano koja khelel taj te mindig ardschumintschago ande leskeri kunst lakel.