Ajapnyak metro, ANIF case, Yerevan Road Paving - Tigran Avinyan - LurjCast

«ԼուրջCast»-ի այս թողարկման հյուրը NAY 374-ն է։Զրույցի ընթացքում խոսում ենք ռեփի ճանապարհի, դրա պատմության և մշակույթի մասին։ Քննարկում ենք արդյոք ռեփը միայն ամերիկյան մշակույթ է, ինչպիսի ապագա ունի հայկական ռեփը, գրական ու խոսակցական լեզվի ազդեցությունը, freestyle-ի արվեստը, ինչպես նաև այն արտիստներին, ովքեր ձևավորել և շարունակում են զարգացնել հայկական ռեփը:

ԼուրջCast-ի այս թողարկման հյուրն է ՀՀ նախկին արդարադատության նախարար Արփինե Հովհաննիսյանը։Խոսել ենք ընտրությունների, #մանդատներ վերցնելու կամ չվերցնելու հնարավոր հետևանքների և ընտրողի կամքի արտահայտման կարևորության մասին։ Անդրադարձել ենք #ընտրակաշառք ի դեմ պայքարին, ընդդիմության անելիքներին և քաղաքական գործընթացներում մեծամասնության դերին։ Զրույցի ընթացքում քննարկել ենք նաև արտերկրում բնակվող հայերի ընտրական իրավունքը, ընտրություններին մասնակցության ցուցանիշները, գաղտնալսումների թեման և այն հարցը, թե ինչ պետք է անի ընդդիմությունը առաջիկա քաղաքական փուլում։

Ծրագրեր, ինքնություն, ձայների փոշիացում, մեղադրանքներ - Սուրեն Պետրոսյան - ԼուրջCastԼուրջCast-ի այս թողարկման հյուրն է Ժողովրդավարական համախմբում կուսակցության նախագահ Սուրեն Պետրոսյանը։Խոսել ենք քարոզարշավի ընթացքի, քաղաքացիների տրամադրվածությունների և ընտրությունների նկատմամբ հանրային վերաբերմունքի մասին։ Անդրադարձել ենք, թե ինչ գաղափարներ ու առաջարկներ է ներկայացնում «Ժողովրդավարական համախմբում»-ը և ինչ ձևաչափով են պատկերացնում իրենց քաղաքական աշխատանքը։

ԼուրջCast-ի այս թողարկման հյուրն է ԱԺ Հայաստան դաշինք խմբակցության պատգամավոր Ագնեսա Խամոյանը։Խոսել ենք քարոզարշավի ընթացքի, հանրային տրամադրությունների և նախորդ ընտրությունների համեմատ այս շրջանի տարբերությունների մասին։ Անդրադարձել ենք սպասումներին, քաղաքական զիջումներին և տարբեր հարցերի շուրջ առաջարկվող մոտեցումներին։

ԼուրջCast-ի այս թողարկման հյուրն է Սուրբ Գրիգոր Լուսավորիչ բժշկական կենտրոնի մաշկաբանության բաժնի ղեկավար բժիշկ-մաշկաբան Էդուարդ Ավագյանը։Խոսել ենք քաղցկեղի առաջացման ռիսկի գործոնների մասին՝ արևից մինչև սննդակարգ, սթրես, ծխախոտ և շրջակա միջավայրի ազդեցություններ։Անդրադարձել ենք արևի ազդեցությանը, SPF -ի ճիշտ ընտրությանը, գունավոր արևապաշտպաններին և առօրյա վարքի փոփոխությանը։

Աջափնյակի մետրոն, ԱՆԻՖ-ի գործը, Երևանի ասֆալտապատում - Տիգրան Ավինյան - ԼուրջCastԼուրջCast-ի այս թողարկման հյուրն է Երևանի քաղաքապետ Տիգրան Ավինյանը։Խոսել ենք Երևանի տրանսպորտային և քաղաքաշինական խնդիրների մասին՝ սկսած խցանումների պատճառներից մինչև հանրային տրանսպորտի նոր կարգավորումները։Զրույցում քննարկել ենք նաև Աջափնյակի մետրոյի նախագիծը, օդի որակը, ճանապարհների և ասֆալտապատման խնդիրները, փոսերը, միջպետական ճանապարհների վիճակը և իրականացվող շինարարական աշխատանքների վերահսկողությունը։

ԼուրջCast-ի այս թողարկման հյուրն է Eventura ընկերության համահիմնադիր Մերի Բադալյանը։Քննարկել ենք Երևանի գինու օրերի կազմակերպումը, ընտրությունների օրվա հետ համընկնելու պատճառները, ինչպես նաև մասշտաբային միջոցառումների կազմակերպման խնդիրները, այլ երկրներում նմանատիպ գինու օրերի փորձը, տարբեր ֆեստերի զարգացումը և Հայաստանում ճամփորդական սթորիթելլինգի կարևորությունը։

ԼուրջCast-ի այս թողարկման հյուրն է Հայաստան խմբակցության պատգամավոր Գառնիկ Դանիելյանը։ Խոսել ենք ընտրություններին մասնակցության, 2021 թ․ գործընթացների և սահմանազատման հարցի շուրջ ձևավորված իրավիճակի մասին։ Քննարկել ենք հնարավոր այլընտրանքային լուծումները և ընդդիմության միասնականության հեռանկարները։