Skattaspjallið

Rósa Guðbjartsdóttir þingmaður Sjálfstæðisflokksins mælti fyrir frumvarpi til laga um afnám erfðafjárskatts á Alþingi fyrir stuttu. Hún segir að það sé tímabært að afnema erfðafjárskatt enda sé hér um að ræða mjög óréttláta tvísköttun á fólk. Eðlilegt sé að spyrja hvort það sé sanngjarnt að skattleggja sömu tekjurnar tvisvar, fyrst þegar þeirra er aflað og svo við andlát. Af öllum fjárverðmætum er við skipti á dánarbúi skal greiða skatt í ríkissjóð áður en þau fara til erfingja hans. Rósa er í Skattaspjallinu að þessu sinni og fer yfir tillögu sína og baráttu gegn þessum ósanngjarna skatti og hagfræðileg rök að baki því.Svíþjóð og Noregur hafa farið þá leið að afnema erfðafjárskatt en alls hafa tíu ríki innan OECD fellt skattinn niður. Erfðafjárskattur á sér langa sögu hér á landi en hann var tekinn upp samkvæmt tilskipun konungs árið 1792. Nú til dags er erfðafjárskattur 10 prósent af skattstofni dánarbús.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Hvaða tölum getum við treyst í fjárlagaumræðunni og hvað vita skattgreiðendur landsins í raun og veru um útgjöld og útgjaldaþróun? Staðreyndin er sú að ríkisvaldið er furðu hirðulaust um að greina og meta þróun tiltekinna útgjaldaflokka eins og kemur fram í Skattaspjallinu í dag þar sem Sigurður Már Jónsson ræðir við þá Róbert Bragason og Arnar Arinbjarnarson gagnasérfræðinga Samtaka skattgreiðenda. Þeir Róbert og Arnar halda áfram að færa okkur fróðleik úr reikningum ríkisins og benda meðal annars á að íslenska velferðarkerfið er að verulegu leyti hannað á tímabili þar sem samfélagið var mun einsleitara. Það er grundvallað á búsetu frekar en vinnuframlagi, tekjum eða iðgjöldum. Einstaklingar langt að komnir geta átt rétt á sjúkra- eða endurhæfingarlífeyri í allt að fimm ár eftir aðeins eins árs lögheimilisbúsetu með möguleika á tveggja ára framlengingu þótt viðkomandi hafi aldrei starfað hér á landi eða greitt iðgjöld. Sami einstaklingur getur einnig átt rétt á örorku- eða ellilífeyri eftir þriggja ára lögheimilisbúsetu á Íslandi. Er þetta nýja Ísland?Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Óli Björn Kárason, fyrrverandi þingmaður Sjálfstæðisflokksins, er gestur Skattaspjallsins að þessu sinni. Fyrir stuttu kom út ný bók hans, Villigötur valdsins – til varnar frelsinu gegn miðstýringu, ríkisafskiptum og rétthugsun. Óli Björn víkur eðli málsins samkvæmt að skattheimtu og fyrirkomulagi hennar. Í viðtalinu er farið yfir það en Óli Björn setur fram nýjar hugmyndir á ýmsum sviðum skattkerfisins, svo sem hvernig hægt sé að koma á skattlausu ári og gefa þannig öllu ungu fólki tækifæri til að spara og koma sér rækilega af stað út í lífið. Sannarlega áhugaverð hugmynd. Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Það er þekkt spakmæli að ekkert er víst nema skatturinn og dauðinn. Allir borga skatta með einum eða öðrum hætti en veit fólk almennt hvað það borgar í skatta? Nú hefur Viðskiptaráð smíðað gagnvirka skattareiknivél til að varpa ljósi á hversu mikið einstaklingar borga í skatt. Nú geta skattgreiðendur slegið inn eigin forsendur og séð hvað þeir greiða í skatta á mánuði. Ragnar Sigurður Kristjánsson, hagfræðingur Viðskiptaráðs, kom í þáttinn að þessu sinni og benti á að heildarskattbyrði einstaklinga er umtalsvert meiri en ætla mætti út frá þeim sköttum sem koma fram á launaseðlinum einum. Heildarskattbyrðin ræðst af tekjum, neyslumynstri og öðrum aðstæðum hvers og eins. Með reiknivélinni er núna hægt að leggja mat á skattbyrði miðað við eigin forsendur og fá þannig heildstæðari mynd af því hversu stór hluti tekna rennur til hins opinbera í formi skatta. Hugsanlega bregður mörgum í brún þegar endanleg tala birtist!Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Hvernig er haldið á hagsmunum Íslands þegar skattar og gjöld tengd loftslagsmálum eru annars vegar? Fáir hafa kynnt sér þennan málaflokk jafn vel og Albert Jónsson sérfræðingur í alþjóðastjórnmálum. Hann starfaði um árabil sem ráðgjafi Davíðs Oddssonar, þegar hann var forsætisráðherra, í utanríkismálum og síðar sem sendiherra Íslands. Albert segir að Ísland eigi að nýta sér sérstöðu sína í orkumálum og að íslenskur almenningur muni aldrei sætta sig við að greiða fyrirséðan kostnað við aðgerðir í loftslagsmálum, sem hvíli á alþjóðlegum samþykktum. Albert segir að Ísland eigi ekki að sæta sömu ráðstöfunum í loftslagsmálum og önnur ríki í ljósi þess að ríflega 80 prósent af orkunotkun landsins komi frá endurnýjanlegum orkugjöfum. Samsvarandi tala hjá Evrópusambandinu er 25%. Albert segir að Íslendingar eigi ekki að vera feimnir við að grípa í taumana og frábiðja sér alþjóðlegar aðgerðir í loftslagsmálum á meðan aðrar þjóðir séu langt á eftir Íslendingum í notkun endurnýjanlegra orkugjafa. Ísland eigi hins vegar að vera tilbúið að taka þátt þegar aðrar þjóðir fari að nálgast okkur.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Það er ekki alltaf svo að hækkun á sköttum leiði til efnahagslegrar farsældar. Þvert á móti geta slíkar hækkanir haft margar óæskilegar hliðarverkanir. Verst er að þær geta svipt samfélagið framtíðarhagnaði sem byggist á því að einstaklingar noti fjármuni til skynsamlegra og arðbærra fjárfestinga. Tap á tækifærum í framtíðinni verður aldrei metið til fjár.Erlendur Magnússon bankamaður og fjárfestir hefur starfað víða um heim og hefur haft aðstöðu til að rýna í dýpri strauma fjármálakerfisins og um leið hvaða áhrif skattheimta og skattkerfi geta haft á framleiðni og hagsæld. Erlendur er gestur Skattaspjallsins í dag.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Greining Samtaka skattgreiðenda á kostnaði vegna íbúa af erlendum uppruna heldur áfram. Að þessu sinni beinum við sjónum okkar að því hver áhrif íbúa af erlendum uppruna séu á kostnað íslenska menntakerfisins. Í nýlegri greiningu þeirra Arnars Arinbjarnarsonar, Kristins Sv. Helgasonar og Róberts Bragasonar er reynt að áætla slíkan kostnað með tilliti til fjögurra stiga skólakerfisins: leik-, grunn-, framhalds- og háskóla, fyrir bæði ríkissjóð og sveitarfélög. Þeir Kristinn og Róbert koma í Skattaspjallið að þessu sinni og ræða forsendur útreikninganna og hvernig þeir unnu þá gagnvinnu sem er að baki.Óhætt er að segja að greiningar þeirra félaga komi á óvart. Í fyrsta lagi vegna þess að enginn hefur unnið slíkar samantektir á nýlegum og síkvikum útgjaldaliðum sem kosta nú skattgreiðendur árlega háar upphæðir. En ekki síður vegna þeirra niðurstaðna sem þeir hafa dregið fram.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Ferðaþjónustan er sú grein sem skilar mestum gjaldeyristekjum í þjóðarbúið eða um 650 milljörðum króna á ári. Um leið er skattspor ferðaþjónustunnar um 200 milljarðar króna. Enn er greinin í uppbyggingar- og fjárfestingarfasa en á sama tíma dynja skattahækkanir og ný gjöld á greininni. Til að ræða þetta kemur Bjarnheiður Hallsdóttir í Skattaspjallið til okkar en hún lét af störfum sem formaður Samtaka ferðaþjónustunnar eftir sex ára setu árið 2024. Hún hefur um áratugaskeið rekið ferðaskrifstofuna Kötlu DMI sem sérhæfir sig í að flytja þýska ferðamenn til Íslands. Fáir þekkja rekstrarumhverfið betur en Bjarnheiður sem skrifaði nýlega grein þar sem hún talaði um galna skattheimtu ríkisstjórnarinnar. Hún segir að nýlegar og fyrirhugaðar skattahækkanir á ferðaþjónustu muni hafa gríðarlega slæm áhrif á samkeppnishæfni greinarinnar og þar með aðstöðu hennar til verðmætasköpunar um landið allt.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠⁠[email protected]

Samtök skattgreiðenda hafa gefið út tvö ný gagnvirk mælaborð og Arnar Arinbjarnarson verkfræðingur og sérfræðingur Samtaka skattgreiðenda kemur til okkar í þáttinn til að fræða okkur um þetta. Fyrra mælaborðið nær yfir öll 62 sveitarfélög landsins með gögnum úr ársreikningum sem ná aftur til ársins 2002 og fram til 2024. Viðmótið er skýrt og notandi velur sveitarfélag og fær fullbúna sundurliðun á útgjöldum, tekjum, skuldum, lýðfræði og þróun síðustu rúmlega tveggja áratuga.Síðara mælaborðið gerir notendum kleift að leita beint í 1,1 milljón greiðslna sem Reykjavíkurborg hefur innt af hendi frá 2014 til 2025. Heildarútgjöld borgarinnar á tímabilinu eru rúmir 1.018 milljarðar króna. Hægt er að velja birgja, svið, deild, ÍSAT-atvinnuflokk, tegund kostnaðar eða tímabil - og rýna í einstaka birgja með nákvæmri sundurliðun eftir árum og sviðum. Mælaborðið byggir á sömu hönnun og opnir reikningar ríkisins sem samtökin gáfu út fyrr á árinu og hafa verið vinsælasta efni okkar.Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠⁠[email protected]

Sveitarstjórnarkosningar eru fram undan en víðast hvar eru skattstofnar keyrðir í botni. Hvergi þó eins og í stærsta sveitarfélaginu, sjálfri höfuðborginni. Kjartan Magnússon hefur áratugareynslu af setu í borgarstjórn Reykjavíkur og þekkir vel sögu skattahækkana og útþenslu borgarbáknsins. Hann er gestur Skattaspjallsins í dag. Eiga skattgreiðendur einhverja möguleika þegar kjörnir stjórnmálamenn og embættismenn snúa bökum saman um að stækka báknið? Líklega ekki, en Kjartan rekur þessa sögu í Reykjavík og fer yfir nokkur dæmi um hvernig löggjafinn hefur sett af stað ferli sem skilar sér í gríðarlegum hækkunum til borgaranna. Er þetta sjálfvirkt ferli kostnaðar- og skattahækkana eða er þetta samsæri gegn skattgreiðendum?Starfsemi Samtaka skattgreiðenda er rekin fyrir mánaðarlega styrki einstaklinga og fyrirtækja. Ef þú vilt koma í hóp velgjörðarmanna okkar, er hægt að ⁠⁠⁠⁠⁠⁠⁠⁠⁠⁠⁠⁠⁠styrkja samtökin hérna⁠⁠⁠⁠⁠⁠⁠⁠⁠⁠⁠⁠⁠ eða senda okkur póst til að fá nánari kynningu á starfseminni á ⁠⁠⁠⁠⁠⁠⁠⁠⁠⁠⁠⁠⁠[email protected]