人事偵查部

今集 Ms Bean 講嘅係美國商業史上最大嘅企業醜聞——Enron 安隆千億騙局。一間連續六年被選為「全美最創新公司」嘅能源巨頭，點樣喺24日之內崩塌，搞到兩萬幾個員工退休金一夜歸零。高層一邊叫員工買股票，一邊自己偷偷賣。最恐怖嘅係，公司仲鎖死咗員工嘅退休金帳戶——你想賣都賣唔到。今集除咗拆解成件事嘅來龍去脈，仲有4招教你點樣喺職場「忠誠」同「生存」之間攞平衡。題外話，人事偵查部兩歲喇！為咗答謝大家嘅支持，Ms Bean整咗條vlog俾大家睇吓Ms Bean嘅日常🤫今集開始仲有全新環節「職場二揀一」，去 IG 投票話我知你嘅答案👀IG: @hr.in.dpt

今集講一單離奇嘅美國案——Brian Wells披薩炸彈案。想像吓，一個普通送披薩嘅打工仔，畀熟人利用佢嘅工作，戴住炸彈項圈去搶銀行，最後炸彈爆咗，佢當場死！呢單案唔單止恐怖，仲牽涉到外部壓力影響工作。你話，點解職場會變成咁危險？Ms Bean仲會討論lone workers點樣應付外部危機入侵職場，總共四個技巧，幫你保護自己！如果你身邊都有人係lone worker，千祈記得要share埋呢一集俾佢地聽呀~IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

上星期六係中國鬼節，今集就都應下節講鬼故，雖然呢一集出嘅時候，鬼節已經過咗差唔多一個禮拜….今集我哋會講一個震驚美國芝加哥嘅兇案——Teresita Basa嘅故事。呢個case唔單止係兇案，仲同靈異事件有關，因為兇手竟然係畀受害者嘅「亡魂」親自指證！你話係咪好誇張？😱Ms Bean仲會討論喺職場點樣從建立信任，到保持警覺、識別危險紅旗，同set私人界線，總共四個職場技巧，幫你保護自己！準備好未？即刻入正題！p.s. 呢集係邊打8波邊錄，背景會有陣陣風聲💨IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

今集Ms Bean會講一宗震驚德國嘅命案，由聽眾提案嘅 「Sittensen 七屍命案」，雖然呢單case似係打劫殺人案多過職場true crime，但都揭示咗一啲好值得我哋深思嘅職場現象，就係職場上存在嘅隱形人aka非法勞工。Ms Bean會借呢一集俾大家知道香港嘅非法勞工其實都係靜雞雞喺我哋身邊存在緊….👣 如果係老闆嘅你，又知唔知道請咗個非法勞工有幾危險呢？題外話，人事偵查部一週年喇！為左答謝大家嘅支持，Ms Bean有giveaway俾大家，想知道詳情就去ig度睇！IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

你有冇諗過，一條leggings，竟然可以引發一場職場謀殺案？今日Ms Bean要講嘅，就係震驚全美嘅「Lululemon 血案」。一間高級運動服品牌店入面，兩位女同事夜晚返工，第二朝竟然一死一傷，現場血跡斑斑，兇手竟然係……自己人？今集Ms Bean仲會探討一個好貼地嘅職場主題：職場偽裝者——表面風平浪靜，背後暗藏危機。到底如果公司及早識別職場偽裝者，會唔會改寫結局？IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

今集Ms Bean會拆解一單喺office發生嘅true crime：一個普通打工仔，點樣喺「最安全」嘅地方，遇上最致命嘅危機。Ms Bean會借呢單case同大家一齊反思：喺呢個案件背後，職場安全究竟係咩一回事？我哋每日返工，係咪真係咁安全？制度、文化、管理層、打工仔自己——邊個應該負責？又可以點樣做得更好？準備好未？一齊入去今集嘅故事。IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

今日呢單case實在太過痴線喇，無論係個犯案動機、緝捕過程，定係審訊/判刑都係好荒謬——為咗個lunch被偷殺人而被判坐100年監嘅謀殺案⚡️Ms Bean睇到呢單case即刻諗起美劇Friends嘅其中一集 “The One With Ross’ Sandwich”，雖然呢個純粹係一個劇情，但同單案好有異曲同工之妙——同樣都係因為私事處於壓力之下，同樣都係飯盒被偷，但個結局差就差得遠囉！在為死忠嘅Ms Bean表示要講埋Ross呢集哈哈🤣Ms Bean仲會透過佢地嘅故事由lunch被人偷左講起，點樣處理職場衝突，正確面對偷飯賊。10:51-52 重要嘅事情要講兩次~ (係剪漏左喇🙂‍↔️)IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

唔知大家有無試過refer舊同事同學朋友或者係屋企人入黎自己公司做呢？今集true crime嘅主角James Blanco因為refer人入自己公司做而惹黎殺身之禍呀！到底James係一個咩嘅人，發生左咩事，介紹人黎做介紹到連自己條命仔都無埋呢？Ms Bean會借James嘅故事同大家傾下介紹朋友入黎公司做好唔好？介紹人嗰個同俾人介紹嗰個要注意啲咩避免自己中伏呢？想了解多啲嘅話，記得收聽今集內容喇～IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

好耐冇見呀各位！久等了！今日呢單職場true crime係一段喺由office三角戀而演變出嚟嘅血腥悲劇。呢段三角關係嘅女主角1號係一個前途一片光明嘅年輕科學家，以為自己喺公司度搵到佢嘅Mr. Right….佢嘅男朋友 “Mr. Right”係office嘅萬人迷。呢段辦公室戀愛關係一路發展落去，佢哋都以為會開花結果——但等唔到kdrama式嘅結局就幻滅左！到底佢哋發生左咩事呢？Ms Bean會透過呢單case同大家講下職場戀情嘅風險，同埋點樣喺職場上處理分手後嘅問題。IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6

上集講左Wells Fargo銀行造假單醜聞，今集Ms Bean乘勝追擊商業道德呢個topic，同大家分享一單Volkswagen被罰3千億嘅廢氣排放醜聞(aka柴油門)🚙💨Ms Bean會借VW呢單case，同大家繼續「商業道德」系列，拆解兩大難題：1. 點預先規劃道德困境？2. 面對道德抉擇點決斷？IG: @hr.in.dpt『邊問Bean答』收集箱📥 https://forms.gle/Y1Q2GAk5bLSZRyYv6