Urtoo Podcast

Улсын нийслэл Улаанбаатар хотоороо аялсан шинэ дугаар бэлэн боллоо. Өнөөдрийн дугаарт Герман улсын Берлин хотод ажиллаж амьдардаг архитектор, контент бүтээгч Ивээл оролцож ажлын туршлага болон хотоо хадгалж хамгаалахад бид хэрхэн оролцож болох тухай сонирхолтой ярилцлагыг өрнүүллээ.

Сайн уу ӨртөөчдөөШинэхэн дугаараар Улаанбаатар Төгөл/ Ulaanbaatar Oasis төслийн хамтран санаачлагч Баттүшигтэй ярилцсан дугаараа хүргэж байна. Лондон дах амьдралын дурсамжууд, санаа яаж бодит төсөл болж хэрэгжсэн, энэ хугацаанд үүссэн асуудал саадыг яаж даван туулсан гэх мэт маш сонирхолтой ярилцсан дугаараа хүлээн авч сонсоно уу. Архитектор, хот төлөвлөгч бидний сайн санасан сая санаа сэтгэлчлэн бүтэх болтугай :)

Архитектур монголд хөгжихийн төлөө бид юу хийж чадах вэ? Заримдаа зүгээр л ярилцаж суугаад гаргалгаа хайх нь том алхам болдог. Харин дараа нь шийдэл бүтээх ! Манай хөтлөгч, залуусын төлөөлөл, хамгийн күүл УИХ-н гишүүн Лукагийн ажлын сонин хачнаас сонирхонгоо бидэнтэй санал бодлоо чөлөөтэй хуваалцаарай 😎

Заа бараг л юу ч хамаагүй ярьлөө. Шинэ хоост Шагайтай танилцангаа зохиолгүй дугаарт маань нэр олж коммэнт хэсэгт бичээрэй сонсогчидоо ккк

Зөөлөн хот фестивалыг үзэхээр ирсэн зочидтой “Дурсамж, Өрнөл, Мөрөөдөл " сэдвээр ярилцсан богино хэмжээний ярилцлагыг та бүхэндээ хүргэж байна. Ийнхүү Зөөлөн хот фестивалаар та бүхэндээ хүргэхийг зорьсон контентууд маань өндөрлөж байна. Өртөөгийн зүгээс хот төлөвлөлтийн арга хэмжээг хүн бүхэнд нээлттэй бөгөөд улам өргөн дэлгэр цаашид болоосой гэсэн чин хүслээр бүтээгдсэн хамтарсан контентууд маань сонсогч, үзэгч та бүхэнд минь таалагдсан гэж найдаж байна. Баярлалаа.

Зиаа хөө, алдарт хот төлөвлөгч David Sim манайхаар өртөөлөөд гарсан шүү дээ. Түүний илтгэлүүд болон Soft City номноос зөөлөн хотын ид шидийг мэдэрсэн байх гэж найдаж байна. Харин бид энэхүү дугаараар дамжуулан Улаанбаатар хотыг хэрхэн харж буйг, зөөлөн хот гэж чухам юуг хэлж буйг гэх зэрэг үр өгөөжтэй ярилцлагыг хүргэхийг зорьлоо. Сонирхолтой өнцгөөс яриа өрнүүлсэн зочин хөтлөгч Түшигтээ дахин баярлалаа.

Хүн бүрт зөөлөн хотыг цогцлоохоор Ховд аймгийн залуу инженерүүдийн холбооны тэргүүн, архитектор Алтан-Од манай подкастанд өртөөллөө. Орон нутгийг чиглэсэн хот төлөвлөлт залуусыг идэвхи оролцооны талаар, хотын орчинд хэрхэн зохицож стресс багатай амьдрах тухай гээд сонирхолтой ярилцлагыг хүргэж байна.

Монгол хүн бүрт ЗӨӨЛӨН ХОТ-г цогцлоохоор Хот байгуулалт, барилга орон сууцжуулалтын яамны хот байгуулалт бодлого зохицуулалтын газрын ахлах шинжээч Д. Бэлэгсайхан манай подкастанд өртөөллөө. Төрийн ажил хэрхэн явагддаг бол, бид асуултаараа энэ том агуулгыг дамжуулж чадах болов уу? гэсэн эргэлзээг Бэлэгсайхан ахтай уулзах хүртлээ тээсээр байлаа. Гэтэл бидний яриа хөвөрсөөр маш сонирхолтой энгийн дугаар бүтчихсээн. Зөөлөн хотын ид шид ийм их... 😁

Хээе манайхаан, Зөөлөн хот фестивальд оролцох эсэхээ шийдэж амжаагүй байна уу? Хот төлөвлөлтийн анхны фестивальд Өртөө ч мөн адил оролцож та бүгдтэйгээ санал хүсэлтээ солилцоход бэлэн болоод байна. Хотдоо хайртай, хотод амьдардаг, жаргалтай амьдрах орчныг эрэлхийлдэг хүн бүрийг урьж байна.

Монгол хүн бүрт ЗӨӨЛӨН ХОТ-г цогцлоохоор хот төлөвлөлт мэдээлэл, судалгааны төвийн тэргүүн, барилга бүтээцийн инженер Ц.Энхбаяр манай подкастанд өртөөллөө. Иргэдийн оролцоотойгоор амьдрах орчнийг сайжруулж, хөршийн холбоотой амьдрахын давуу талыг маш энгийнээр тайлбарласан сонирхолтой дугаарыг хүргэж байна