PLANET FM

Layihənin əsas məqsədi elm, təhsil və innovasiyaları geniş ictimaiyyət üçün daha əlçatan, anlaşıqlı və maraqlı etməkdir. ABŞ-nin nüfuzlu Stanford Universitetinin Dayanıqlı Əməliyyatlar üzrə proqramının məzunu Aybəniz İsmayılovanın təqdimatında dinləyicilər ADA Universitetinin müəllim-professor heyəti, tədqiqatçıları və tələbələri ilə aparılan maraqlı müzakirələrdə gündəlik ekoloji vərdişlər üçün praktiki məsləhətlər, idarəetmədə yaşıl təşəbbüslər, dayanıqlıq proseslərinin həyatımızda təzahürü haqqında məlumatlar öyrənəcəklər.

İqlim dəyişikliyi ilə mübarizə niyə ləngiyir? Niyə illərdir keçirilən qlobal zirvə görüşlərinə baxmayaraq, istixana qazlarının emissiyası hələ də artmaqda davam edir? Bu podkastda ətraf mühit hüququ və siyasəti üzrə ekspert Sadiqə Mehdiyeva iqlim siyasətinin ən vacib problemlərini və gizli reallıqları açır. O, dövlətlərin və nəhəng korporasiyaların iqlim fəlakətləri qarşısında daşıdığı hüquqi məsuliyyətdən, Beynəlxalq Ədalət Məhkəməsinin qərarlarından və qlobal iqlim miqrasiyası böhranından bəhs edir.

Verilişin bu dəfəki qonağı "Lifestyle" bloqer və piano müəllimi Gülarə İsmayılova ilə İspaniya səyahəti haqqında maraqlı söhbət etdik. Buraxılışda Barselona, İbiza, Marbella və Seviliya kimi möhtəşəm şəhərlərdəki təcrübələr, "La Sagrada Familia" və Park Güell kimi tarixi abidələr barədə ətraflı məlumat əldə edəcəksiniz. Gülarə xanım həmçinin İspaniyanın yüksək qiymətləri, Paella və Tacos kimi məşhur yeməkləri barədə danışır, eləcə də İspaniya və İtaliyanı müqayisə edərək İspaniyanın nə üçün daha təhlükəsiz və cəlbedici olduğunu izah edir. Gələcək səyahət planlarında Taylandın adalarını (Phi Phi, Phuket, Krabi) kəşf etmək istəyini bildirən qonağımızın İbizada Calvin Harris konsertində yaşadığı inanılmaz hislər və başının üzərindən keçən təyyarələrlə bağlı xatirələri videoya xüsusi rəng qatır. Aparıcılar: Rəhman RəsulovQonaq: Gülarə İsmayılova

Bu buraxılışda şair və müəllim Səhər Əhməd 5-ci sinif "Azərbaycan dili" dərsliyində yer alan hekayələrin əslində xarici müəlliflərə məxsus olduğunu və müəllif hüquqlarının kobud şəkildə pozulduğunu sübut edir. Rafiq İsmayılovun adı ilə təqdim olunan əsərlərin orijinal mənbələri, hekayələrin məktəb yaşlı uşaqların psixologiyasına mənfi təsiri və ədəbi mühitimizdəki mövcud böhran geniş müzakirə olunur. Bəs görəsən, milli ədəbiyyatımız niyə dərsliklərdə yetərincə təmsil olunmur? Müasir şagirdlərə necə hekayələr maraqlı gəlir? .Aparıcı: Nigar Məmmədova

Monqolustan səyahəti barədə ən maraqlı detallar, onlayn viza prosesi və gizli qalmış Asiya mədəniyyəti bu buraxılışda!"Planet FM"in qonağı olan səyyah Cəmilə Həsənli həyat yoldaşının iş səyahəti ilə əlaqədar Ulan-Batora etdiyi maraqlı səfərdən danışır. Monqolustana onlayn viza almağın sadə yolları, şəhərdə qəfildən -10 dərəcəyə enən soyuq hava və soyuqdan qorunmaq üçün yerli yun və kaşmir geyimlərinin önəmi barədə ətraflı məlumat verir.

Çin elektromobilləri həqiqətən sağlamlığımıza zərər vurur? Sükan arxasında radiasiya təhlükəsi mifdir, yoxsa sübut olunmuş reallıq? 2026-cı ilin avtomobil bazarında hansı brendlər öz dəyərini qoruyacaq? Bu buraxılışımızda rəqəmsal strategiya mütəxəssisi və avtobloqer Şahin Cəfərzadə ilə avtomobil sənayesinin ən çox müzakirə olunan sirlərini açırıq. Aparıcılar: Cavid Neymətzadə Qonaq: Şahin Cəfərzadə

Yeniyetmə övladınızla ortaq dil tapmaqda çətinlik çəkirsiniz? Övladınız məktəbdə "bullinq"ə məruz qalır, yoxsa fərqində olmadan özü aqressivlik edir? 2026-cı ilin ən aktual valideyn-uşaq problemlərini və imtahan stresinin gənclərin həyatındakı gizli fəsadlarını bu buraxılışda ətraflı müzakirə edirik! Ailə və uşaq psixoloqu Aynur İsmayıl ilə yeniyetməlik dövrünün psixoloji böhranlarını, testosteron və kortizol kimi hormonların uşaq davranışına kəskin təsirini və diqqət əksikliyinin səbəblərindən danışırıq. Aparıcı: Nigar Məmmədova

Bu buraxılışda 30 Noyabr - 1 Dekabr tarixlərində Bakıda baş tutacaq regionun ən böyük innovasiya tədbiri olan "InMerge Summit" barədə ən son yenilikləri öyrənəcəksiniz. Yerli startapların Pakistan, Çin, Afrika və ABŞ bazarlarına ixrac potensialı, dövlət tərəfindən tətbiq edilən vergi güzəştləri və beynəlxalq akselerasiya mərkəzlərinin (məsələn, "Plug and Play") Azərbaycandakı fəaliyyəti haqqında bütün detallar bu müsahibədədir. İstər gənc, istərsə də təcrübəli mütəxəssis olmağınızdan asılı olmayaraq, texnologiya sahəsindəki yeni fürsətləri qaçırmayın. Aparıcılar: Rəhman Rəsulov Qonaq: Elxan Şükürov

Süni intellekt dünyanı idarə edəcək gücə çevrilir, bəs super intellekt bəşəriyyət üçün xilaskardır, yoxsa ən böyük təhlükə? Bu sualların cavabını AMEA-nın vitse-prezidenti, Elm və Təhsil Nazirliyinin İnformasiya Texnologiyaları İnstitutunun baş direktoru, akademik Rasim Əliquliyevlə müzakirə edirik. Aparıcı: Nigar Məmmədova

Layihənin əsas məqsədi elm, təhsil və innovasiyaları geniş ictimaiyyət üçün daha əlçatan, anlaşıqlı və maraqlı etməkdir. ABŞ-nin nüfuzlu Stanford Universitetinin Dayanıqlı Əməliyyatlar üzrə proqramının məzunu Aybəniz İsmayılovanın təqdimatında dinləyicilər ADA Universitetinin müəllim-professor heyəti, tədqiqatçıları və tələbələri ilə aparılan maraqlı müzakirələrdə gündəlik ekoloji vərdişlər üçün praktiki məsləhətlər, idarəetmədə yaşıl təşəbbüslər, dayanıqlıq proseslərinin həyatımızda təzahürü haqqında məlumatlar öyrənəcəklər.