Marta María býður heim

Atli Steinn Guðmundsson blaðamaður á Morgunblaðinu og mbl.is. er ein af þessum litríku manneskjum sem fer sínar eigin leiðir í lífinu. Hann er alinn upp við heraga og var til dæmis látinn ryksuga æskuheimili sitt við Sunnuflöt í Garðabæ tvisvar í viku þegar hann var barn. Í þættinum ræðir Marta María við Atla Stein um óvenjulegt lífshlaup hans eins og þegar hann vann sem strippari á hommaklúbbum í Evrópu og þegar hann eyddi 7,3 milljónum í að fagna fimmtugsafmælinu sínu í Hörpu fyrir tveimur árum. Þau ræða líka opin sambönd, skipulagða glæpastarfsemi og fyndin atvik sem eru öll dagsönn. Þátturinn er í boði: Icelandair Blue Lagoon Skin Science SKINCARELAB í Smáralind Mathilda, Kringlunni og Smáralind Fjallakofinn og fjallakofinn.is 

CrossFit-goðsögnin Annie Mist Þórisdóttir sigraði heimsleikana 2011 og vann 30 milljónir í kjölfarið. Þetta var verðskuldað því hún hafði fórnað læknisfræðinni fyrir íþróttaferilinn. Hún fann ástina í CrossFitinu og á síðustu sex árum hefur hún eignast þrjú börn með manninum sínum. Í dag á breytingaskeiðið stórt pláss í hjarta hennar eftir að hún og Katrín Tanja byrjuðu með Empower-appið sem er sérsniðið fyrir konur á þeim aldri. Í þættinum ræðir Annie Mist um lífshlaup sitt, heilsurækt, barnauppeldi og stóru ákvörðunina að fórna ferlinum fyrir móðurhlutverkið. Þátturinn er í boði Icelandair Blue Lagoon Skin Science SKINCARELAB í Smáralind Mathilda Kringlunni og Smáralind Fjallakofinn og fjallakofinn.is   

Björt Ólafsdóttir einn eigenda fasteignaþróunarfélagsins Iðu og fyrrverandi ráðherra er stólpakona sem nýtir tímann í botn. Þessa stundina er hún að leggja lokahönd á lífrænu blokkina sem stendur við Frakkastíg 1. Björt er fjögurra barna móðir sem þarf reglulega að minna sig á að barnauppeldi er ekki Bootcamp-þjálfun. Í þættinum ætlum við að ræða lífshlaup Bjartar og hvernig hún komst á þann stað sem hún er á í dag. Eitt af því sem hún lærði af lífinu var að það er ekki alltaf hægt að gera allt í einu.  Þátturinn er í boði Icelandair, Blue Lagoon Skin Science, SKINCARELAB í Smáralind, Fjallakofans og Mathildu í Smáralind og Kringlunni. 

Jóga Gnarr hefur haft það að ævistarfi að hjálpa fólki. Hún er með hjarta úr gulli og notar húmorinn til þess að fá umhverfið til að skilja samhengi hlutann. Hún mætir helst aldrei í viðtöl og það tók um það bil 20 ár að sannfæra hana um að mæta í þetta viðtal. Í þættinum ræðir hún lífshlaup sitt, sigra og sorgir og hvernig lífið umturnaðist þegar hún varð ástfangin af Jóni Gnarr. Þessi þáttur er í boði Icelandair, Blue Lagoon Skin Science, SKINCARELAB í Smáralind, Fjallakofans og Mathildu í Kringlunni og Smáralind.

Þórdís Kjartansdóttir lýtalæknir á Læknahúsinu Dea Medica er ein af þessum kláru og skemmtilegu konum sem lætur ekkert stoppa sig. Hún byrjaði að vinna þegar hún var 12 ára og hefur síðan þá verið með mörg járn í eldinum. Hún fæddist 19. júní og mamma hennar sagði henni að hún yrði að taka mið af því. Þegar Þórdís var tvítug snarbreyttist tilveran þegar foreldrar hennar fóru hvort í sína áttina. Hún eignaðist tvö börn á meðan hún var í læknisfræði og þegar hún var 48 ára eignaðist hún dóttur. Þórdís vill ekki sjá eftir neinu í lífinu og lætur drauma sína rætast. Það er kannski þess vegna sem hún gaf út plötu á dögunum.   Þessi þáttur er í boði Icelandair, SKINCARELAB í Smáralind, Blue Lagoon Skin Science, Fjallakofinn og Mathilda.

Dorrit Moussaieff viðskiptakona og fyrrverandi eiginkona Ólafs Ragnars Grímssonar hefur átt ævintýralegt lífshlaup og er nú á tímamótum. Í þættinum ræddu þær þegar hún hitti Ólaf Ragnar fyrst, hvernig samband þeirra þróaðist og endaði fyrr á þessu ári. Hún varð ástfangin af Íslandi þegar hún kom fyrst til landsins og er alls ekki skilin við þjóðina þótt hjónabandinu sé lokið. Þessi þáttur er í boði Icelandair, SKINCARELAB í Smáralind, Blue Lagoon Skin Science, Fjallakofinn og Mathilda.  

Lukka Pálsdóttir sjúkraþjálfari og einn af eigendum Greenfit býr yfir ákveðinni seiglu sem hefur komið henni á þann stað sem hún er í dag. Lukka hefur átt ótrúlegt lífshlaup en þegar hún fæddist höfðu foreldrar hennar gegnið í gegnum mikinn harm þegar faðir hennar lenti í flugslysi. Í þættinum ræðir Lukka um ástina, ævintýrin, myndkörfulán og fitubrennslupúls en líka Zone 2 sem er það sem flestir eru að tala um þessa dagana. En mæla snjallúrin og hringirnir þetta rétt? Þátturinn er í boði Icelandair, Blue Lagoon Skin Science, SKINCARELAB í Smáralind, Fjallakofans og Mathilda í Kringlunni og Smáralind. 

Birgir Jónsson fyrrverandi forstjóri Play er rokkari sem er alltaf til í að hlaupa auka hring til þess að lífið verði allavega 9% skemmtilegra. Í þættinum talar Birgir um lífshlaupið og hjartans mál. Um tíma bjó hann í Rúmeníu og lýsir spillingunni sem þar var á áhrifaríkan hátt. Þótt hann þrífist best í mótvindi þá gengst hann við því að það sé ekki gott að vakna með kvíðahnút í maganum á hverjum degi eins og gerðist síðustu mánuðina hjá Play. Þátturinn er í boði Icelandair, SKINCARELAB í Smáralind, Blue Lagoon Skin Science, Fjallakofans og Mathilda í Smáralind og Kringlunni. 

Anna Margrét Björnsson, blaðamaður og upplýsingafulltrúi í Franska sendiráðinu, hefur lengi haft sterkan og persónulegan fatastíl. Svartur hefur alltaf verið í uppáhaldi, ásamt eyeliner og stöku hlébarðamunstri. Langafi hennar var Sveinn Björnsson, fyrsti forseti lýðveldisins, og í þættinum ræðum við meðal annars hvort það hafi haft einhver áhrif á uppvöxt hennar - eða alls engin. Faðir Önnu Margrétar starfaði í utanríkisþjónustunni og var sendiherra um tíma. Hún ólst að hluta til upp í Bretlandi og segist hafa fengið menningarsjokk þegar hún flutti til Íslands. Í þættinum tölum við um fatastíl og tísku, París og London, skinkuvæðinguna og mannasiði Þátturinn er í boði Icelandair, SKINCARELAB í Smáralind, Blue Lagoon Skin Science, Fjallakofans og Mathilda í Smáralind, Kringlunni og mathilda.is.

Kristín Agnarsdóttir grafískur hönnuður býr í Lundúnum. Hún er á kafi inni í framtíðartækni og notaði tæknina til að eignast tvo drengi. Svo notaði hún gervigreindina til þess að skilja við barnsföður sinn. Þegar Kristín sagði föður sínum að hún væri að fara að mæta í þennan þátt þá hló hann upphátt og sagði: „Ætlar þú að ræða allar góðu ákvarðanirnar sem þú hefur tekið á lífsleiðinni" og spurði svo hvort þetta væri heil sería. Í þættinum ætlum við að ræða ástir og örlög, tækni og tísku og fara yfir það hvað er dýrmætt að eiga góðar vinkonur. Þessi þáttur er í boði Icelandair, SKINCARELAB í Smáralind, Blue Lagoon Skin Science, Fjallakofanum og Mathilda í Kringlunni og Smáralind.