Luz de Sefarad

En Luz de Sefarad mos aserkamos a konoser a uno de los grandes poetas ispanoevreos yamado Shlomo Ibn Gabirol. El Poeta: Shlomo Ibn Gabirol es uno de los más bryantes presonajes de Sefarad, nasido en Málaga asia 1022, de famyia de Córdoba (Sefarad) es uno de los más importantes kreadores ispanoevreos. Se konservan en serka de 300 poemas sekulares indemás de munchos más de rolo litúrjiko. Destaka su ovra metafísika "La Fuente de la vida" ke kontó kon ancho prestijio entre djudiós i kristianos. En el rolo de la Poesía Sinagogal fue uno de los grandes kreadores de la Eskola Sefardí, enrikesiéndola kon muevas temátikas. Kurunamos el programa kon el kante tradisional sefardí de Turquía "Bre Sarica Bre" interpretado por el Grupo Voices of Sepharad.Escuchar audio

Kompartimos destakadas investigasiones de Matilda Gini Barnatán sovre estas primeras traduisiones de las Biblias romanseadas. El sentimiento del Puevlo Evreo yamado El Puevlo del Livro por su literatura sagrada se reflektó en las primas traduisiones al ladino de la Biblia, komo meldamos en la mezma por odren del Dió "No se kitará de tu boka la palavra de la Ley ni de día ni de noche". Ofresemos informasiones i te kontamos los diferentes tiempos de traduisiones de tekstos Bíblikos.Kurunamos el programa sintiendo el kante kontemporáneo "La Novia" autoría i interpretasión Viviana Rajel Barnatán.Escuchar audio

"Max Aub: El laberinto del Siglo XX", ofresemos informasión sovre esta mueva ekspozisión ke se puede vishitar desde el 26 de Octubre al 26 de Mayo de 2027 en Centro Sefarad-Israel, patrocinada por la Secretaría de Estado de Memoria Democrática i kon kolavorasión de la Fundación Max Aub. Max Aub es uno de los eskritores más importantes de la literatura espanyola del Siglo XX. Max Aub es uno de los eskritores más destakados de la literatura espanyola del Siglo XX. La ekspozisión se kompleta kon konferensias i un kompleto Katálogo sovre Max Aub. Nasido en París el 2 de Junio de 1903 en el seno de una famyia de orijín djudió, en 1914 al empesijo de la Primera Guerra Mundial injunto a su famyia se tresladan a España morando en Valencia. En 1937 se inaugura el Pabellón de la República Española de la Exposición Internacional para la kual Max Aub enkargó el "Guernica" a Picasso. El Ministerio de Instrucción Pública y Bellas Artes le nomvra Secretario del Consejo Central de Teatro. Fue enviado a distintos kampos de konsentrasión komo los de Vernet i Djelfa. Entre sus ovras topamos: "Juego de cartas", las "Guerrillas del Teatro", "Campo francés", "Historia de mala muerte", "Campos de los almendros", "Signos de ortografía" y un Volumen de Teatro completo. Francia le otorga la Kondekorasión de "Comendador de la Orden de las Artes y las Letras". Kurunamos el programa kon el kante sefardí tradisional "Tus ojikos djoya mía" en la versión de Isaac Levy.Escuchar audio

En "Luz de Sefarad" ofresemos la rikeza poétika en las palavras de autores internasionales, yega la poesía sefardí en la boz de un destakado poeta kontemporáneo. La palavra poétika se torna nostaljía de un amigo pajariko en la poesía del autor sefardí búlgaro yamado Izan Konorti, kompartimos su poesía "Una pluma". Kurunamos el programa kon el kante tradisional sefardí "Abraham Abinu" en la interpretasión de la kantadera sefardí Soledad Bentolila.Escuchar audio

Konversamos kon Esther Bendahán sovre su livro 'El final del silencio: Violeta Friedmann', una novela ke es ansimezmo teksto teatral, onde una aktris se apareja para dar vida a Violeta Friedmann, aktivista superbiviente de Auschwitz ke luchó por los derechos umanos i se enfrentó al nazi León Degrelle, ante sus deklarasiones negasionistas de la Shoá, Holocausto. Kurunamos el programa kon el kante tradisional sefardí "Por la tu puerta" en la versión de la kantadera Esther Ackermann.Escuchar audio

La kuzina i platikos sefardim fueron viashando injunto a la lingua traverso los distintos paízes onde moraron los sefardim dempués de la ekspulsión de España en 1492, adjustando muevos savores i yevando los propios tradisionales a distintos kantones de las sivdades. Kompartimos kon los oyentes la recheta tradisional de las afamadas "Revanadas de parida" ke son a base de leche i pan, para ke las mujeres paridas puedan tener fuerza i enerjía, rikas en kualker momento. Kurunamos el programa kon el kante "La kumida de la manyana" en la interpretasión de Marlène Samoun. Escuchar audio

Selevramos Sukot, la Fiesta de las Kavanyas ke rekodran las Nuves de Gloria Divinas.Kompartimos i selevramos kon los oyentes Sukot, Fiesta de las Kavanyas en el Kalendario Evreo, ke rekodran las Nuves de Gloria de la proteksión del Dió. Vos azemos musafires en muestra "Kavanya de Luz de Sefarad" ¿Saves ke signifika Sukot? Selevramos kon la fragua de una ermoza Suká o Kavanya, es una fiesta alegre de la Torá onde devemos kumer i morar en la kavanya. Te eksplikamos komo deve fraguarse la Kavanya. Esta es una Fiesta Agríkola de la Torá onde pedimos al Dió por las luvias para toda la anyada, pujando las koseschas. Kurunamos el programa festivo de Sukot kon la Nana "Si este niño se durmiera" en la interpretasión de Ángel Carril. "Los oyentes son musafires en la Suká de Luz de Sefarad ¡Sukot alegre!"Escuchar audio

El día más sagrado del Kalendario Evreo: ayuno, análiza i limpiesa de la alma.Konmemoramos Yom Kipur, Día del Perdón ke prinsipia la nochada del Domingo 20, kon la análiza injunto al ayuno total. Es un día de enerjía espesial para arepentirmos i ser predonados por el Dió. Eksplikasiones i signifikado. Te kontamos sovre Yom Kipur, ke kaye el día numeró 10 del mes de Tishry del kalendario evreo i sus leyes. Este día sagrado kompleta la análiza i bilonio de la alma, ansí el Dió Promete predonar las transgresiones de toda la anyada. En la Sinagoga se toka el Shofar (kuerno de karnero ke vemos en la fotó) ke su sono espesial mos yeva a la refleksión i al tiempo avre las puertas del sielo.Orasión a kapella: "La Birajá de la mujer", se tarta de una orasión de bendisión para las mujeres ke kompozó Flory Jagoda.Escuchar audio

Selevramos kon los oyentes Rosh Ha Shaná, el anyo muevo 5787 ke prinsipió el Viernes 11, mos topamos en la selevrasión del empesijo de la mueva Anyada, el Domingo 13 en siendo el sigundo día festivo. En la Torá, Bemidbar, Números, el Dió dize ansí " Y en el Séptimo mes, en el primero del mes...un día de toque de Shofar será para vosotros"... Kompartimos kon los oyentes el orijin de Rosh Ha Shaná, una festividad sagrada ke konmemora la kreasión del ombre por parte del Dió. Nomvres de la festividad: Rosh Ha Shaná kere dizir empesijo de la anyada, se selevra kon un Seder familiar espesial, ma tambyén aresive unotros nombres, entre eyios Yom Teruá, Día del Toke del Shofar, Yom Ha Din, Día del Djuisio i Yom Hazikaron, Día del Rekodro, te kontamos sus signifikados. La mesa, la fiesta i el Seder: el Seder es el sentro de la festividad ke inisia una mueva Anyada, kumemos alimentos-simbol kon orasiones i binsisiones kada uno. El Seder: la kumida festiva se selevra las dos nochadas de Rosh Ha Shaná, en famyia, es un momento espesial para dezear todo lo mijor a la famyia i amigos, onde prinsipiamos kon la mansana kon miel, para tener una anyada buena i dulse. Kurunamos el programa kon múzika Sinagogal Baroka "Kol Ha Neshamá" Toda alma agradese al Dió, (Cristiano Lidarti) ke interpreta The Cameran Singers, Direksión Avnei Itai."Luz de Sefarad: Anyada buena i dulse kon bindisiones para 5787Escuchar audio

Ofresemos a los oyentes informasiones sovre los Shindler espanyoles, los Diplomátikos salvadores de djudiós en tiempos del Holocausto, i komo pusieron en riesgo sus lavoros por salvar el mayor karar de djudiós. Fueron rekonosidos por el "Yad Vashem", Museo del Holocausto de Israel (Yerushalayim) komo "Justos entre las Naciones" komo simbol de onor i dignidad, en su apoyo a salvar las vidas de sienes de djudiós en tiempos de persekusión nazi. Kontinuaremos informando sovre estos destakados éroes Diplomátikos salvadores de djudiós. Kurunamos el programa kon el kante tradisional sefardí "Abraham Abinu" en la versión de Soledad Bentolila. Escuchar audio