Todos os podcast | Lume na palleira

Para sabelo todo sobre o espectáculo musical "As Cigarreiras" contamos con Laura Veleira, presidenta de Cántigas da Terra; co director da coral, Luis Bolón; e co director da Banda da Coruña Xoan Miguel Romero. No Recuncho Da Palleta temos a visita do DJ Kike Varela, para falarnos do seu traballo de reinterpretación do “tradi” e ofrecernos varias mostras do mesmo.

Anunciamos (en primicia exclusiva) o regreso dos Quempallou aos escenarios – Estreamos pezas dos próximos traballos de Fernando Barroso e Fiandola – O Recuncho Da Palleta (con Ramón Dopico e a visita de Cristian Silva para falarnos da súa tese titulada “O ruído: a percusión como acompañamento da gaita na Galicia do S. XX. Instrumentos, intérpretes e padróns rítmicos”) – Escolma coas músicas de Xosé Liz, Alvariza, Folk On Crest, Manoele De Felisa, De Ninghures, Do Rivés, Nimbos, As Pías, Leni Pérez & Sekadra, Et Suseia Danza, Comando Curuxás, Treixadura e Mel De Meiga

Lembramos ao músico irlandés, recentemente falecido, Donal Lunny e presentamos ao grupo portugués O Gajo. No Recuncho Da Palleta Guillerme Inácio preséntanos a nova edición do Serán Desta Aldea, dedicada este ano a Riofrío. Entrevistamos a Tomás Cuesta, que nos presenta o seu libro “A Gran Familia – Figuras Clave Da Música Tradicional Galega”

Anunciamos as próximas actuacións de Hevia en Galicia. No Recuncho Da Palleta, con Xaime Estévez, continuamos á procura de novas estrelas da música tradicional e falamos con Manu Seoane. na segunda parte do programa escoitamos unha escolma musical coas propostas de Uxía & Silvio Rodríguez, Zoelas, Panosedán, Xisco Feijoó, Alvariza, Treixadura, Milesios, Cantares Do Brión, Rapabestas e Tiruleque

Escoitamos o grupo gañador do Certame Runas 2026. Ademais, Erdeiros dos Morenos, Sondeseu, Böj, Breo, Os Carecos, Kornoj, Tiruleque, Os Cempés, Fernando Barroso, Mosquera Celtic Band e Milladoiro

Entrevistamos ao grupo salmantino Folk On Crest, que nos presenta o seu novo disco “Enmarañando”. Temos máis propostas musicais chegadas desde o centro da península a cargo de Climent Y Ballarín Quinteto, Arrejuntada Violinera e Ethnos Atramo. No Recuncho Da Palleta recibimos a xa tradicional visita da organización do “Pasabodeghas”

Conversamos con dous dos compoñentes de Zoelas, Bruno Villamor e Erika García, que nos presentan o seu novo disco “Des(a)fiada”. Estreamos pezas de Panosedán e de Xosé Liz. No Recuncho Da Palleta Xaime Estévez fainos a primeira entrega do seu ciclo “Novas Estrelas Da Música Tradicional” con Nadia Vázquez

Poñemos en marcha a 35ª tempada do programa ofrecendo a colaboración de Silvio Rodríguez con Uxia e un tema do novo disco de Zoelas – O Recuncho Da Palleta (con Gustavo Couto lembramos aos recentemente falecidos Aurita de Miro e Daniel Pazos, ademais de recibir a visita de María de Rial do Mato e os compañeiros da A.C. A Regionalista cos que falamos do libro-disco “Homenaxe”) – Cántigas Da Terra fálannos do seu 21º Ciclo de Coros Galegos – Entrevistamos ao dúo Abril (presentando o seu disco “Medrar”)

Uxía acompáñanos no estudo para presentarnos o seu libro disco de homenaxe a Begoña Caamaño, "Indómitas". No Recuncho da Palleta Guillerme Inácio fálanos do toque de muiñeira vella na pandeireta. Ademais estreamos pezas de Noites De Rock E Meigas e Fusión Y Cuenta Nueva

Repasamos as propostas que serán protagonistas dalgúns dos encontros musicais máis importantes deste verán en Galiza. Xaime Estévez fálanos da interesante conexión entre música tradicional galega e zarzuela. Ademais estreamos pezas de Arrejuntada Violinera e Climent & Ballarín Quinteto.