Gfalltsder ide Schwiz?

Hüt ide Folge the one and only Fabian aka "Der Praktikant". Mir redet mit ihm drüber wie er sini Influencer Karriere gstartet hett und was er öpperem uf de Weg geh würd wo hüt mit sonere Karriere starte will. Usserdem redemer wie mer mit ihm drüber weli Plattforme am Fabian sini favorite sind und wie mer mit Haters umgaht. Eusere Meinig nah eini vode beste Folge bis jetzt!

Mal wider eh Folge wo mer chli vo Thema zu Thema springed. Es gaht um de Böögg wo nöd verbrennt worde isch, Vorurteil und wie sich d'Wuchenendgstaltig mit 18ni und mit 28i veränderet. Vergessed nöd en Like z'geh, Kommentiere und GANZ WICHTIG - bewerted eus uf Spotify!!! Danke wie immer fürs zuelose... und jaa sust..., gfallts eu ide Schwiz?

De Martin isch nach knapp 3 Wuche wider ide Schwiz und mir freued wider eh neui Folge chöne ufzneh! Er verzellt kurz was er ide Ferie so gmacht hett und de Francesco ergänzt mit ere crazy Gschicht wo er in Spanie amene FKK erlebt hett. Nachdem mir zeme es typisch domenikanisches Getränk probiered switchemer aber ih es komplett anders Thema: Wie wichtig isch de Bodycount vo dinere Fründin/dim Fründ innere Bezihig? Spannendi und Lustigi Folge, viel spass leuteee!

Ih dere Folge redemer über das was im Titel staht :))

Ide hüttige Folge redemer über de Ryan Garcia und die extreme Behauptige woner macht, dass er entfüert und gfoltered worde isch. Und das dur niemert gringeres als die gheime füehrer vode Welt. Tönt crazy, isch aber so… Nach somene Thema rutscht mer eigendlich automatisch ih all mögliche Verschwörigstheorie ab. Falls du dich also au immer frögsch ob d‘Mondlandig echt gsi isch, isch das die perfekti Folge für dich!

Ide hüttige folge isch d'Flo uf bsuech. Sie verzellt eus vo ihrem extrem spannende Job ide Aviatik und git eus ihblick id Welt vo Privatjets, wer soöppis bsitzt und was es kostet mit eme Privatjet hi und zrugg uf New York z'flüge. Danach machemer en schwenker ines komplett anders Thema: Isch eh Bezihig verbi wenn d'Partnerin oder de Partner en Hüratsahtrag ablehnt? Mir tusched spannendi ahsichte us und diskutiered das Thema vo allne Site. Die Folge isch echt interessant worde und ich segs nöd wels euse Podcast isch... aber da musch ine lose!

Ih dere Folg wird scharf gschosse! Es gaht drum wie dim neggste Date en geile Cocktail mache chasch und jedes zweite Video ih dim Insta-Feed wo dir Richtum ih 3 Mönet verspricht. Mir lönd dich alles über d'Oscars das Jahr wüsse wo du sowiso scho uf de soziale Medie gseh hesch und wer mir am liebste als neggstes ih eusem Podcast begrüesse würdet.

Euse hüttig Gast isch en langjährige Trampilot ide schönnste Stadt vode Schwiz. Er git eus spannendi Ihsichte vo sim Job, verzellt wie er glernt het es Tram dur Züri z'schwinge und brichtet über sini lustigste Storys. Nacher redemer über es heikels Thema: Sött mer innere Bezihig IMMER d'Wahrheit sege oder isch lüge mengisch erlaubt? Zum Abschluss werdet de Martin und David im Gameshow-Segment usdribblet.

Ide hüttige Folge redemer mit eusem dritte Gast über eusi gmeinsami Ferie, wiso de Euro (das isch sin Sptzname) so viel Sprache chan und wiso die ihm bi sim Job im Ussedienst perfekt id Karte gspielt hend. Usserdem verzellt er no chli über sini Umschuelig als Flugbegleiter und was die so beinhaltet. Am schluss redemer no kurz über d'Zit wo euse Gast als vermeindliche Kunsthändler und de Francesco als Therapeut tätig gsi isch. S'hüttige Blindranking derfsch au nöd verpasse!

Mit eusem Broski redemer über d'Enkeltrickbetrüger und wie sie es schaffed millione z'ergaunere, schweifed (widermal) in erinnerige ab und redet drüber ob's okay isch wenn mer innere Bezihig allei id Ferie will. Über das mached de Martin und Francesco übrigens es Rollespiel wo nöd verpasse derfsch! Und zum de Pödi abrunde probieremer am schluss no Smelling Salt.