Besta sætið

Staðan í ensku úrvalsdeildinni er afar áhugaverð er deildin fer aftur í landsleikjafrí. Man. Utd mun sitja í fallsæti næstu daga á meðan Man. City er í frjálsu falli. Stjörnumenn kvarta yfir að fá ekki að æfa í hádeginu en fá enga vorkunn í Besta sætinu. Handboltalandsliðið fær hrós og NFL-hornið er á sínum stað.

Jökull Elísabetarson tók í dag við sem þjálfari karlaliðs Breiðabliks í fótbolta. Jökull þekkir vel til í Kópavogi en hann var leikmaður liðsins sem vann fyrstu titla í sögu þess og varð bikarmeistari 2009 og Íslandsmeistari 2010. Hann þjálfaði þá annan flokk hjá liðinu og hóf sinn þjálfaraferil hjá venslafélaginu Augnabliki. Jökull hefur stýrt Stjörnunni undanfarin ár en var sagt upp á miðju nýliðnu sumri vegna slaks árangurs. Hann tekur því fagnandi að fá nýja áskorun á nýjum stað. Við settumst niður með Jökli og ræddum nýtt starf.

Tíðindi á þjálfaramarkaði í dag. Jökull Elísabetarson tekinn við Blikum og Srdjan Tufegdzic tekur við KA væntanlega í næstu viku. KR vann stórslaginn á Álftanesi í gær og slökkti í ofpeppinu í garð Álftnesinga.

Cristiano Ronaldo tilkynnti í dag að hann hefði leikið sinn síðasta landsleik. Ótrúlegur 23 ára landsliðsferill hjá honum. KR sækir Álftanes heim í kvöld en bæði lið eru með fullt hús. Eitthvað þarf undan að láta.

Landslið eru í brennidepli í dag. Strákarnir okkar í handboltalandsliðinu eiga heimaleik í kvöld og svo var Arnar Gunnlaugsson að kynna hópinn hjá fórboltalandsliðinu. Man. Utd vann fótboltaleik og Meistaradeildin rúllar áfram í kvöld.

Teitur Örlygsson var með áhugaverða yfirlýsingu um lið Álftaness í körfuboltanum fyrir helgi. Álit sem hefur skapað mikla umræðu og umtal. Besta sætið hellir sér í umræðuna. Svo fer Meistaradeildin aftur á fullt í kvöld og pressan er á Man. Utd.

Hólmar Örn Eyjólfsson, fráfarandi fyrirliði Vals í fótbolta, hefur lagt knattspyrnuskóna á hilluna eftir langan feril. Hólmar hóf ferilinn hjá HK hér á landi en fór ungur til West Ham á Englandi. Hann átti sín bestu ár í Rosenborg fyrir smá brölt í Ísrael og Búlgaríu áður en hann sneri aftur til Rosenborgar fyrir heimför. Hann var um tíma leikjahæsti U21 árs landsliðsmaður Íslands og var fyrirliði liðs sem fór á EM í aldurflokknum í fyrsta sinn og var stýrt af föður hans, fyrrverandi landsliðs- og atvinnumanninum Eyjólfi Sverrissyni. Það lið taldi til að mynda Gylfa Sigurðsson, Aron Einar Gunnarsson og fleiri sem voru í gullaldarliði Íslands sem fór síðar á EM 2016 og HM 2018. Hólmari tókst ekki að vinna Íslandsmeistaratitil á sex árum með liði Vals sem átti erfitt sumar. Hólmar gerir upp ferilinn, sigrana og vonbrigðin og ræðir stöðuna á Val er hann gerir upp ferilinn.

Andri Lucas Guðjohnsen hefur verið að slá í gegn hjá Blackburn enda hefur hann raðað inn mörkum og er næstmarkahæsti leikmaður enski Championship deildarinnar. Hann ræðir Guðjohnsen fárið í Blackburn, drauma fyrir framtíðina og íslenska landsliðið.

Emil Atlason er að fara til Fram þar sem hann hittir fyrir sinn gamla þjálfara, Rúnar Kristinsson. Magnús Már má ekki fara til Breiðabliks og spurning hvað mamma hans, Hanna Símonardóttir, segir við því. Man. Utd þarf að sanna sig og stórleikur milli Liverpool og Arsenal.

Yfirlýsing Fylkis frá í gær er félagið tilkynnti að Heimir Guðjónsson væri á förum frá félaginu var einkennileg svo ekki sé meira sagt. Besta sætið fer yfir hana en Heimir er svo að skrifa undir hjá ÍA. Stuðullinn á Magnús Má Einarsson sem næsti þjálfari Blika lækkaði hratt eftir viðtal Vísis í gær. Liverpool slapp svo með skrekkinn í deildabikarnum.