ume podcast

i dere episode rededmer über d impfige, maskepflicht und d zuekunft mit corona. ebefalls erfahred ihr wieso d stella maske ide öv geil findet, wies de domenico bide impfig hops gnoh het und no meh.

In Züri isch e Züri City Card am entstah, en Uswis für alli Sans-Papiers zum gwüssi Dienstleistige wie es Handyabo oder Polizei in Notlage chönne accesse. Isch das öppis guets? Über das Thema, Immigration/Zuwanderig ide Schwiz generell und au d Recht vode Polizei/em Staat reded mer i dere Episode.

Am 13. Juni wird bundeswit über 5 Vorlage abgstimmt: - CO2 Gsetz - Covid Gsetz - 2 Agrarinitiative (Trinkwasser & Pestizid) - Polizeilichi Terrormassnahme (PMT) Z 5. diskutieredmer über die 5 Vorlage i dere Episode, gnüsseds :))  ahja bedenked, mir sind alli au kei politiker oder teil vom initiativkommitee sondern nur partizipante i dere abstimmig - eusi infos sind aso nöd fakte :))

In Nantes wird e Familie plötzlich nüme gseh dusse & ihres Hus isch komplett zue. Nachdem d Polizei mehrmals im Hus gsi isch, finded sie unter em Patio d Leiche vode ganze Familie, nur die vom Vater fehlt. Was isch genau passiert, wo isch de Vater und was sind sini Motiv wenns er gsi isch? I dere Episode diskutiered mir drüber.

Mit em Domenico und em Cyrill redet mir i dere Episode über Kryptowährige und alles wo demit ztue hend. Die beide befassed sich scho lang mit dere Thematik und hend scho sehr viel Erfahrige demit. Wenn ihr öppis drüber lerne wänd oder eifach interessiert sind - losed dri :))

In Baltimore, MD isch afangs 2000er Jahr en Mah plötzlich verschwunde. S letzte wo mer vo ihm weiss isch, dass er en Aruef übercho het und usem Hus gstürmt isch. Paar Täg spöter wird er tot imene Seminarrum vomene Hotel ufgfunde. Komischerwis hets es Loch ide Husdecki, aber was isch passiert? I dere Episode diskutiered mir über das.

i dere episode sind mer mal nur z 2. und zwar d Fiona und de Pedro (@pedrojrubio_). mir reded chli über musik, eusi meinig zu verschiedene entwicklige, künstler, albe, usw.  gnüsseds :))

im neue format vo eusem podcast diskutieremer über unglösti fäll. ih de erste folg rededmer über e jungi frau, wo imene hotelzimmer tot ufgfunde worde isch. mer gaht devo us, dass sie selbstmord gmacht het, jedoch gits einigi hiwis wo s gegeteil bewiset. wieso gaht d polizei nöd tüfer uf das alles i und wieso gits keinerlei lüt wo sie vermisset? all das und meh ghöred ihr i eusem podcast.

mit em @domenico.fabrice reded mir i dere episode über was mir mached zum uf eus selber luege und au optimiere - vorallem in zite vo corona. wie i jedere episode schweifed mir au zu andere verschiedene themene ab zums spannend halte:)))

Vor chli meh als eim Jahr het de Vincenzo agfange mit sine Kollege TikToks mache. Was i dem Jahr alles passiert isch und wo er jetzt staht verzellt er i dere Episode. Gnüsseds :))