Coachseet

No engem Mount si mir endlech zeréck! An der Episod gi mir iech en Update, wéi eis Saison bis elo leeft – mat zwee verschiddenen Alldagsliewen: d’Anne an Italien an d’Maggy zu Lëtzebuerg.D’Anne erzielt, wéi et ass, zënter dem Ufank vun der Saison mat enger Verletzung ze kämpfen a wéi schwéier et heiansdo ass, mental nees zeréckzekommen, wann d’Matcher net esou lafen, wéi ee sech dat selwer virstellt. Mir schwätzen iwwer Réckschléi, Gedold an den Drock, deen ee sech selwer maache kann.Bei der Maggy gëtt et och Neies: Hat huet nees ugefaangen ze studéieren???Eng Episod iwwer de Sport, mental Erausfuerderungen, nei Routinnen an alles, wat hannert de Kulisse geschitt. Mir huelen iech mat duerch eis lescht Wochen – éierlech, spontan an esou wéi et eben ass.

An dëser Episod schwätze mir iwwer d’Fraen-WM an d’Entwécklung vum Fraesport. D’Fraen stoungen am Virdergrond, d’Stadien ware gefëllt an d’Interesse vu Fans a Zuschauer war grouss. An awer weisen e puer Kommentarer, datt d’Diskussioun ëm d’Investitiounen an de Fraesport nach laang net eriwwer ass.Firwat gëtt nach ëmmer betount, datt am Dammesport manner investéiert gëtt wéi bei de Männer? A wat seet dat iwwert d’Wäertschätzung an d’Entwécklung vum Fraesport aus?Mir schwätzen iwwer d’Fraen-WM, d’Präsenz vun de Fans, d’Investitiounen an den Ënnerscheed tëscht Männer- a Fraesport – an och doriwwer, firwat esou Kommentarer nach ëmmer d’Ronn maachen.

An dëser Episod schwätze mir iwwer eng aktuell an kontrovers Diskussioun am Fraebasket: Wéi soll de Sport mat transgender Athletinne ëmgoen? Eng transgender Spillerin kéint sech fir den WNBA Draft 2027 umellen – an domat stellt sech d’Fro, ob a wéi si dierf matspillen, wat „fair“ am kompetitive Sport bedeit a wéi de Fraesport geschützt ka ginn.Mir diskutéieren déi verschidde Perspektiven, d’Argumenter ronderëm Fairness an Inclusioun an firwat d’Thema aktuell esou vill Welle mécht.Ausserdeem kucke mir op d’Fraen-Basketball-WM, déi den 3. September zu Berlin ufänkt, a schwätze iwwer dat, wat eis bei dësem grousse Basketball-Event erwaart.Eng Episod iwwer Basketball, Fairness, Inclusioun an d’Zukunft vum Fraesport – mat enger Diskussioun, bei där et definitiv verschidde Meenunge gëtt.

An eiser 20. Episod schwätzen mir iwwert d’Fro: Wéini ass een eigentlech selbstbewosst – a wéini wierkt een einfach arrogant? Mir kucken och, firwat Selbstbewosstsinn bei Männer a Fraen heiansdo ganz anescht ugesi gëtt.Ausserdeem schwätze mir iwwert d’U16-EM bei de Meedercher, déi grad zu Lëtzebuerg gespillt gëtt, a wat do alles lass ass. A well Lëtzebuerg natierlech seng eege speziell Sprooch huet, probéiere mir och e puer Lëtzebuerger Wierder a Spréch erauszefannen a kucken, wat se eigentlech bedeiten.

An dëser Episod schwätzt d'Maggy driwer iwwer eng vun de schwieregste Phasen an hirer Karriär. Nodeems mir an der leschter Episod kuerz ugedeit haten, datt si hire Club verléisst, geet et dës Kéier méi an den Detail.Wéi ass et, ouni Club an eng nei Saison ze goen? Wéi vill Drock mécht esou eng Onsécherheet mental? A wéi bleift een motivéiert, wann d'Zukunft nach net feststeet?D'Maggy erzielt oppen iwwer hir aktuell Situatioun, d'Erausfuerderungen, déi domat verbonne sinn, an hir Hoffnungen op dat, wat nach kënnt. Eng éierlech a perséinlech Conversatioun iwwer de Basketball, mental Gesondheet an d'Realitéit hannert dem Sport.

An dëser Episod starte mir mat engem Réckbléck op mäi (Anne) Basketstage zu Barcelona. Ech erzielen vu mengen Andréck, den Trainingen, der Atmosphär an allem wat ech aus dëser Erfarung matgeholl hunn. Och wann d'Maggy dës Kéier net mat dobäi war, gouf et genuch Geschichten ze deelen.Duerno schwätze mir iwwert en Thema, dat all Sportler kennt: Drock. Firwat verschwënnt en eigentlech ni? Egal ob an der Saison, an der Off-Season oder virun engem neie Kapitel – et gëtt ëmmer Erwaardungen, Ziler an Onsécherheeten, mat deenen ee muss ëmgoen.An deem Kontext komme mir och op d'Dokumentatioun vum Rafael Nadal zeréck. Mir deelen eis Gedanken zu senger Mentalitéit, senger Aarbechtsethik an dem Ëmgang mat Drock op héchstem Niveau, an diskutéieren, wat mir als Sportler dovunner léiere kënnen.Zum Schluss gëtt et méi perséinlech: D'Maggy schwätzt iwwer hir aktuell Situatioun an den Drock, deen domat verbonnen ass. Nodeems sech erausgestallt huet, datt et net wéi geplangt zu Saarlouis weidergeet, steet si virun enger onsécherer Zäit voller Froen an Entscheedungen. Eng éierlech Conversatioun iwwer d'Realitéit hannert dem Profi-Sport a wat geschitt, wann d'Zukunft nach net feststeet.Eng Episod iwwer Erfarungen, Mentalitéit, Drock an d'Ongewëssheeten, déi de Sport mat sech bréngt

An dëser Episod setze mir de Fokus op de Lëtzebuerger Basket. Mir diskutéieren iwwer d'Iwwerdroung vum Häre-Match op RTL an d'Fro, firwat de Basket vun den Dammen net déi selwecht Visibilitéit krut. Eng Diskussioun iwwer Gläichberechtegung, Mediepräsenz an d'Entwécklung vum Basket zu Lëtzebuerg.Donieft schwätze mir iwwer eng nei Regel, déi rezent decidéiert gouf, a wat si fir d'Spiller, Veräiner an de Championnat bedeite kéint. Zum Schluss geet et ëm den All-Star Game, wou mir als Coachen dobäi sinn, a mir deelen eis Andréck an Erfarungen.Eng Episod mat aktuelle Themen, éierleche Meenungen a vill Passioun fir de Lëtzebuerger Basket.

An dëser Episod schwätzen d’Maggy an ech, d’Anne, iwwert d’Enn vun eiser aktueller Saison. Mir kucken zeréck op déi lescht Méint, deelen eis Erfarungen, Highlighten an och d’Erausfuerderungen, déi mir erlieft hunn.Ausserdeem schwätze mir driwwer, wat fir eis an der nächster Saison usteet – eis Ziler, Motivatioun an op wat mir eis am meeschte freeën.Natierlech geet et och ëm de Summer: wéi mir eis Zäit plangen, wéi eng Traininger mir maachen an wéi mir eis optimal op déi nächst Saison erem virbereeden.Eng entspaant an éierlech Episod iwwert Sport, Entwécklung an d’Freed um Weiderkommen.

No enger Paus vu ronn 2 Méint si mir endlech zeréck 🎙️ An dëser Episod huele mir eis Zäit fir alles nozeschaffen, wat an där Zäit geschitt ass.Mir schwätzen iwwert eis eege Basketball-Saison, déi elo fir d'Anne eriwwer ass, zéien e klore Fazit a deelen eis Erfarungen während eiser National Ekipp Paus mat Iech mat. Donieft kucke mir och op d’Playoffs, wou d’Maggy nach voll am Rennen ass, a ginn eis Meenung zu de Matcher an de Chancen.Natierlech komme mir och op eis Nationalmatcher zeréck, déi mir virun e puer Wochen gespillt hunn – mat all den Highlights, Learnings an Emotiounen, déi dozou gehéieren.Eng locker Episod mat vill Basketball-Talk, Réckbléck an e bësse Bléck no vir.

An dëser Episod schwätze mir mat der Cathrin Wolf iwwert d’Final vun der Coupe du Luxembourg am Fraenbasket. Mir kucken zeréck op d’Virbereedung, d’Emotiounen nom Ofpiff an d’Feierlechkeeten – an natierlech och op dat nächst grousst Zil: den Doublé